ಸ್ತೋತ್ರಸಂಹಿತಾ ೨.೩ (ಸ್ವರಚಿತ ಸ್ತೋತ್ರಗಳು, ವಿವರಣೆ ಸಹಿತ)

 ॐ

||ಶ್ರೀಗುರುಭ್ಯೋ ನಮ:| ಹರಿ: ಓಮ್||

ಓಂ ಗಣಾನಾಂ ತ್ವಾ ಗಣಪತಿಗ್ಂ ಹವಾಮಹೇ ಕವಿಂ ಕವೀನಾಮುಪಮಶ್ರವಸ್ತಮಮ್ | ಜ್ಯೇಷ್ಠರಾಜಂ ಬ್ರಹ್ಮಣಾಂ ಬ್ರಹ್ಮಣಸ್ಪತ ಆನಃ ಶೃಣ್ವನ್ನೂತಿಭಿಸ್ಸೀದಸಾದನಮ್|| ಶ್ರೀ ವಿಘ್ನೇಶ್ವರಾಯ ನಮಃ||

ಗಣಗಳಧಿಪನ ಗಣಪತಿಯ ತಾ

ಗುಣಗಳೊಡೆಯನ ಮುದದಿ ಪೂಜಿಸಿ

ಗಣಪ ಕವಿವರ ರಾಜರಾಜನ ವಿಘ್ನವಾರಕನ |

ಗಣಿಸಿ ಮೊದಲಿಗೆ ನುತಿಸಿ ಭಕ್ತಿಲಿ

ಮಣಿದು ಶ್ರೀಕೃಷ್ಣನ ಸಹಸ್ರದ

ಮಣಿಮುಕುಟ ನಾಮಗಳ ಸ್ತೋತ್ರವ ವಿರಚಿಸುವೆ ಮುದದಿ ||

 ಅಥ

‍ಶ್ರೀಕೃಷ್ಣಸಹಸ್ರನಾಮಸ್ತೋತ್ರಮ್

||ಧ್ಯಾನಮ್||

(ಶಾರ್ದೂಲವಿಕ್ರೀಡಿತವೃತ್ತಮ್)

ಶ್ರೀಕೃಷ್ಣೋ ಮುರಳೀಧರೋ ಗಿರಿಧರೋ ಗೋವರ್ಧನಶ್ಶ್ರೀಧರೋ

ಮಾಯಾಮೋಹನಪೂರ್ಣವಿಷ್ಣುಪರಮೋ ನಾರಾಯಣಃ ಕೇಶವಃ|

ಪೂರ್ಣಜ್ಞಾನವಿಶೇಷದಿವ್ಯಪುರುಷಶ್ಶ್ರೀದೇವಕೀನನ್ದನಃ

ಪಾಯಾನ್ನಶ್ಶರಣಾಗತಾಂಶ್ಚ ಕೃಪಯಾ ದೀಯಾತ್ಪರಂ ಮಙ್ಗಲಮ್||

ಮುರಳಿಮೋಹನ ಕೃಷ್ಣ ಗಿರಿಧರ

ಪರಮಮಂಗಲಪೂರ್ಣ ವಿಷ್ಣುವು

ವರದ ಮಾಯಾಧೀಶ ನಾರಾಯಣನು ಕೇಶವನು |

ಪರಮ ಸರ್ವಜ್ಞೇಶ್ವರಾತ್ಮಕ

ನರನ ರೂಪಿಲಿ ತೋರ್ದ ದೇವಕಿ

ಯರಸಿತನಯ ಕೃಪಾನಿಧಿಯು ಪಾಲಿಸಲಿ ಮಂಗಲವ || 

(ಅನುಷ್ಟುಬ್-ವೃತ್ತಮ್)

ದೇವಕೀನನ್ದನ: ಕೃಷ್ಣೋ ವಸುದೇವಾತ್ಮಜೋ ಹರಿ:|

ಅಷ್ಟಮೀತಿಥಿಸಮ್ಭೂತಶ್ಶ್ರಾವಣೇಕೃಷ್ಣಸಮ್ಭವ:||೧||(೬)

ದೇವತಾಕಾರ್ಯವನು ಮಾಡಲು

ದೇವಕಿಯ ಗರ್ಭದೊಳು ಜನಿಸಿದೆ

ದೇವಕೀಯದ ರಾಜಕೀಯದಿ ಧರ್ಮ ರಕ್ಷಿಸಿದೆ |

ದೇವಕೀನಂದನನೆ ಶ್ರೀಪತೆ

ದೇವಕಿಯೊಳಾನಂದ ತುಂಬಿದೆ

ದೇವಕಿಯ ಮಡಿಲನ್ನು ತುಂಬುತ ದೇವದೇವಾತ್ಮ || ೧ ||

ಅಖಿಲ ಲೋಕಾಕರ್ಷಕನೆ ಗುರು

ನಿಖಿಲ ಲೋಕಸ್ಥಿತಿಯ ಕಾಯ್ವನೆ

ನಿಖಿಲ ಶಿಷ್ಟರ ಧರ್ಮ ರಕ್ಷಿಸಿ ಭಕುತಿ ಮುಕುತಿಪ್ರದ |

ಅಖಿಲ ದುಷ್ಟಾಕರ್ಷಕನೆ ಹರಿ

ನಿಖಿಲ ದೌಷ್ಟ್ಯಪತಂಗನಿವಹವ

ನಖಿಲ ಮೂಲಜ್ಯೋತಿಯಲಿ ಸುಡುವಂಥ ಶ್ರೀಕೃಷ್ಣ || ೨ ||

ವಾಸುದೇವನೆ ಗೋಕುಲೇಶನೆ

ವಾಸವಾದಿಗಳಿಂದ ವಿನುತ ನಿ

ವಾಸ ದ್ವಾರಕೆಯಲ್ಲಿ ಗೋಕುಲದಲ್ಲಿ ಮಥುರೆಯಲಿ |

ವಾಸ ವಸುದೇವಾತ್ಮಜನು ಶ್ರೀ

ವಾಸನೈಶ್ವರ್ಯಾತ್ಮದೇವ ನಿ

ವಾಸವಾಗಿಹ ಕಶ್ಯಪಾತ್ಮಜನಾಗಿ ಶ್ರೀಕೃಷ್ಣ || ೩ ||

ಹರಿಯೆ ನೀ ಪರಿಹರಿಪೆ ತಮವನು

ಹರಿಯೆ ನೀನಜ್ಞಾನವನು ಸಹ

ಹರಿಯೆ ಸರ್ವಾಘಂಗಳನು ತಾ ಪರಿಹರಿಪ ಸ್ವಾಮಿ |

ಹರಿಯೆ ದುರ್ಗುಣವಾರಕನೆ ಗುರು

ಹರಿಯೆ ಸಂಕಟಹಾರಕನೆ ನೀ

ಹರಿಸಿ ಕರುಣೆಯ, ಮರೆತು ಪಾಪವನುದ್ಧರಿಸು ಕೃಷ್ಣ || ೪ ||

ಅಷ್ಟಮಿಯ ತಿಥಿಯಲ್ಲಿ ಜನಿಸಿದೆ

ಕಷ್ಟಗಳ ಪರಿಹರಿಸು ಕೃಷ್ಣನೆ

ನಷ್ಟಲಾಭಾದಿಗಳ ದ್ವಂದ್ವವ ಕಳೆದು ಸ್ಥಿರತೆಯನು |

ಇಷ್ಟಲಾಭವ ನೀಡು ಸಕಲವ

ನಿಷ್ಟಗಳ ಕಳೆ ವಾಸುದೇವ ನೀನ್

ಅಷ್ಟಮೀತಿಥಿಸಂಭೂತನೆಂದಾದೆ ವಿಖ್ಯಾತ || ೫ ||

ಶ್ರಾವಣದ ಮಾಸದಲಿ ಮಥುರೆಲಿ

ಭಾವಕೊಲಿಯುವ ಕೃಷ್ಣದೇವನು

ಮಾವ ಕಂಸಗೆ ಶತ್ರು ಜನಿಸಿದ ಕೃಷ್ಣಪಕ್ಷದಲಿ |

ಆವ ದೇವರ ಬೇಡಲೆನ್ನುವ

ಭಾವಶೂನ್ಯತೆ ತೊರೆದು ಭಜಿಸೆಲೊ

ಶ್ರಾವಣೇಕೃಷ್ಣಸಂಭವನನ್ನು ಶುದ್ಧಭಕ್ತಿಯಲಿ || ೬ ||

ವಿಷ್ಣುಪೂರ್ಣಾವತಾರಃ ಕೋ ಮಥುರಾಪುರಜನ್ಮಭೂಃ |

ವಾಸುದೇವೋ ಮಹಾತೇಜಃ ಕೋಟಿಸೂರ್ಯಪ್ರಭಾಯುತಃ ||೨||(೧೨)

ವಿಷ್ಣುವಿನ ಪೂರ್ಣಾವತಾರಿಯು

ಕೃಷ್ಣರೂಪದಿ ಜನಿಸಿ ಲೋಕದಿ

ವಿಷ್ಣು ವ್ಯಾಪಕನಾಗಿ ಸಕಲವ ತಾ ಪ್ರವೇಶಿಸಿದ |

ಕೃಷ್ಣ ಸೃಷ್ಟಿ ಸ್ಥಿತಿ ಲಯಾಧಿಪ

ಕೃಷ್ಣ ಲೀಲೆಯ ತೋರ್ದನಿಳೆಯೊಳು

ವಿಷ್ಣುಪೂರ್ಣಾವತಾರಾಖ್ಯದಿ  ಲೋಕಜಸವಡೆದ || ೭ ||

ಕಃ ಪರಾತ್ಮನು ಸೃಷ್ಟಿಕರ್ತನು

ತಾ ಪರಮ ಚತುರ್ಮುಖನರೂಪಿನ

ಲೀ ಪರಿಯ ಲೋಕಗಳ ಸೃಜಿಸಿದನಾ ಪರಬ್ರಹ್ಮ |

ಆ ಪರಾತ್ಪರ ಜ್ಯೋತಿ ಬೆಳಗುವ

ನಾ ಪರಮಧಾಮಾತ್ಮ ಕೃಷ್ಣನು

ಪಾಪಪುಣ್ಯವಿದೂರ ಸರ್ವರ ಜನಕ ಬ್ರಹ್ಮಾತ್ಮಾ || ೮ ||

ಮಥುರಾಪುರಜನ್ಮಭೂ ತಾ

ಮಥುರೆಯೆಂಬುವ ಪಟ್ಟಣದಿ ನಿಜ

ಮಥುರನಾಥ ಶ್ರೀಕೃಷ್ಣರೂಪಿಲಿ ಜನುಮ ಗ್ರಹಿಸಿದನು |

ಅತುಲಬಲದರ್ಪಿಗಳ ದೈತ್ಯರ

ಪತನಗೈದು ಸುಧರ್ಮರಕ್ಷೆಯ

ಜತನದಲಿ ಕಾಪಿಡಲು ದೇವಕಿಪುಣ್ಯಗರ್ಭದೊಳು || ೯ ||

ವಾಸುದೇವ ಮಹಾನುಭಾವನು

ವಾಸವಾಗಿಹನಖಿಲಲೋಕದಿ

ವಾಸನಾಧಿಕ್ಯತೆಯ ಲೋಕದಿ ಚೇತನವ ತುಂಬಿ |

ವಾಸುಕಿಯ ಶಯನೇಶ ಶ್ರೀಶನ

ವಾಸವಾದಿಗಳೆಲ್ಲ ನುತಿಸಲು

ರಾಸುರಕ್ಷಕ ಕೃಷ್ಣ, ವಸುದೇವನಿಗೆ ಮಗನಾದ || ೧೦ ||

ಮಹಾತೇಜವೆ ನಿನಗೆ ನಮನವು

ಮಹಾಜ್ಯೋತಿಯೆ ನಿನಗೆ ವಂದನೆ

ಮಹಾಶಕ್ತಿಸ್ವರೂಪಿ ಸಕಲಾತ್ಮಕ ಪರಂಜ್ಯೋತಿ |

ಮಹಜ್ಜ್ಞಾನಮಯಾತ್ಮರೂಪನೆ

ಮಹತ್ತತ್ತ್ವದ ಮೂಲಕಾರಣ

ಮಹಾಸೃಷ್ಟಿಸ್ಥಿತಿಪ್ರಲಯದ ಮೂಲತೇಜಸ್ಸೆ || ೧೧ ||

ಕೋಟಿಸೂರ್ಯಪ್ರಭಾಯುತನನು

ಮೇಟಿವಿದ್ಯೆಗೆ ಕೃಷ್ಣನಗ್ರಜ

ವಾಟಿಕೆಯ ವಿಹರಿಸಿದ ವೃಂದಾವನದ ಗೋಪೇಶ |

ಚಾಟಿ ಪಿಡಿದಿಹ ಪಾರ್ಥಸಾರಥಿ

ನಾಟಿಜನ ಮಂದಾರ ಶ್ರೀಪತಿ

ಸಾಟಿ ನಿನಗಾರಿಹರು ಸುಂದರಮೂರ್ತಿ ಶ್ರೀಕೃಷ್ಣ || ೧೨ ||

ಅಷ್ಟಮಗರ್ಭಸಮ್ಭೂತೋ ಜಾತರೋಹಿಣಿತಾರಕಃ|

ನನ್ದಗೋಪಕುಮಾರಶ್ಚ ಗೋಕುಲೇಶಃ ಪ್ರತಾಪವಾನ್||೩||(೧೭)

ಅಷ್ಟಮಗರ್ಭಸಂಭೂತ ನೀ

ನಷ್ಟಮಿಯಲಾಧರ್ಮ ಮೀರಲು

ಶಿಷ್ಟತೆಯ ಪಕ್ಷದಲಿಯರ್ಧವ ಭ್ರಷ್ಟಚಾರವದು |

ಶಿಷ್ಟಜನರುದ್ಧಾರ ಮಾಡಲು

ದುಷ್ಟಶಿಕ್ಷಣ ಶಿಷ್ಟರಕ್ಷಣ

ಭ್ರಷ್ಟರನು ತಾ ಶಿಕ್ಷೆ ಶಿಕ್ಷಣದಿಂದಲುದ್ಧರಿಸೆ || ೧೩ ||

ಜಾತರೋಹಿಣಿತಾರಕನೆ ಸಿರಿ

ಮಾತೆ ದೇವಕಿಯುದರದಲಿ ತಾ

ಖ್ಯಾತ ಕೃಷ್ಣನು ವಾಸುದೇವನ ರೂಪವನ್ನಾಂತು |

ಜಾತ ನಕ್ಷತ್ರದಲಿ ರೋಹಿಣಿ

ಪಾತಕಿಗಳತ್ಯಂತ ಲೀಲೆಯೊ

ಳಾತ ಮುಗಿಸಿದ ಕೃಷ್ಣಚಂದ್ರ ವಿಚಿತ್ರ ಸಚ್ಚರಿತ || ೧೪ ||

ನಂದಗೋಪಕುಮಾರ ಕೃಷ್ಣನೆ

ಸಂದ ದ್ವಾಪರದಲ್ಲಿ ಕೊನೆಯಲಿ

ನಂದಗೋಪನ ಗೋಕುಲದಲಾನಂದದಿಂದ |

ಕಂದ ಬಾಲ್ಯದಿ ಲೀಲೆ ತೋರಿದೆ

ಬಂದೆ ಮಥುರಾನಗರಿಯಿಂದಲಿ

ತಂದೆ ವಸುದೇವನಿಗೆ ಪ್ರೇರಣೆ ಕೊಟ್ಟು ಸೆರೆಯಿಂದ || ೧೫ ||

ಗೋಕುಲೇಶ ಪರಾತ್ಪರನೆ ಹರಿ

ಕಾಕುಜನರಿಗೆ ಸಿಂಹಸ್ವಪ್ನನೆ

ಸಾಕುತಾಯಿ ಯಶೋದೆಗತಿಮುದವಿತ್ತೆ ಲೀಲೆಯಲಿ |

ಬೇಕು ಬೇಕೆಂಬವರ ಮನದಲಿ

ಸಾಕು ಸಾಕೆಂಬಂತೆ ಮನೆಯಲಿ

ಗೋಕುಲದಿ ಶಶಿಯಂತೆ ಬೆಳಗಿದೆ ಗೋಕುಲೋದ್ಧಾರ || ೧೬ ||

ಪ್ರತಾಪವಾನ್ ಪರಮೇಶ ಕೃಷ್ಣನೆ

ಪ್ರತಾಪವ ತೋರಿರುವೆ ಬಾಲ್ಯದಿ

ಹಿತಾಹಿತರೆಂಬುದನು ಗಣಿಸದೆ ಧರ್ಮ ರಕ್ಷಿಸಿದೆ |

ಗತಾಗತಿಕತೆಯುಳ್ಳ ಲೋಕದಿ

ಸ್ವತಾ ನವಮಾರ್ಗವನೆ ತೋರುತ

ಮತಾಚಾರ್ಯರಿಗಾದಿಗುರು ಗೀತಾತ್ಮ ನೀನಾದೆ || ೧೭ ||

ಶಶಿಕೋಟಿಮನೋಹ್ಲಾದೀ ಮಾಯಾಮೋಹನನಾಟಕಃ|

ಪೂತನಾದತ್ತವಿಷಭುಕ್ ಪೂತನಾದೇಹನಾಶನಃ||೪||(೨೧)

ಶಶಿಕೋಟಿಮನೋಹ್ಲಾದೀ

ಶಶಿಯನಂತದ ತೆರದಿ ಮನಸಿಗೆ

ಖುಷಿಯ ಕೊಡುವಾಹ್ಲಾದಮೂಲಗೆ ಕೃಷ್ಣನಿಗೆ ಶರಣು |

ಶಿಶುವಿನೊಲು ಲೀಲೆಗಳ ತೋರಿದ

ಪಶುತೆಯಿಂದುನ್ನತಿಯ ತೋರಿದ

ವಶವ ಮಾಡಿದನಖಿಲಲೋಕವ ಕರ್ಷಿಸುತ ತಾನು || ೧೮ ||

ಮಾಯಾಮೋಹನನಾಟಕನು ನೀ

ಮಾಯಾಜಾಲದಿ ಬೀಳಿಸಿಹೆ ಸಿರಿ

ಮಾಯಾಮೋಹದಿ ಸಿಲುಕಿ ನಲುಗಿಹುದೀ ಸಮಸ್ತ ಜಗ |

ಜಾಯಾಮೋಹದಿ ಕಾಯಮೋಹದಿ

ಆಯಾ ಮೋಹದಿ ಬೀಳಿಸಿಹ ನೀ

ಮಾಯಾಮೋಹನನಾಟಕವ ತೋರಿರುವೆ ಜಗದೊಳಗೆ || ೧೯ ||

ಪೂತನಾದತ್ತವಿಷಭುಕ್

ಪೂತನಿಯ ರಕ್ಕಸಿಯ ಕುಚದೊಳು

ಪೂತಿ ಪರ್ಯುಷಿತತ್ವಯುತ ವಿಷ ತುಂಬಿ ತುಳುಕಿರಲು |

ಪಾತಕಿಯ ವಿಷವನ್ನೆ ಕುಡಿದಿಹ

ನಾತತಾಯಿಯ ಪೂರ್ವಜನ್ಮದ

ಮಾತನುಳಿಸುತ ಪೂತನೆಗೆ ಪೂತತ್ವ ಕರುಣಿಸಿದೆ || ೨೦ ||

ಹಿಂದೆ ಬಲಿಸುತೆ ವಾಮನಾಕೃತಿ

ಯಂದು ನೋಡುತ ಪುತ್ರಭಾವದಿ

ಕಂದ ತನ್ನವನೆಂದು ಮೊಲೆಯೂಡಿಸಲು ಹಾತೊರೆಯೆ |

ಮುಂದಿರುವ ದ್ವಾಪರದಿ ಶ್ರೀಹರಿ

ನಂದಗೋಕುಲದಲ್ಲಿ ಬೆಳೆಯಲು

ಕೊಂದು ಸದ್ಗತಿಯಿತ್ತ ಪೂತನಾದೇಹನಾಶನಃ || ೨೧ ||

ಶಕಟಾಸುರಸಂಹಾರೀ ಯಶೋದಾನನ್ದನ: ಪ್ರಭು:|

ಗೋಪಿಕಾವಲ್ಲಭೋ ಗೋಪೋ ಯಾದವವಂಶಭೂಷಣ:||೫||(೨೭)

ಶಕಟಾಸುರಸಂಹಾರಿಯು

ವಿಕಟ ಕಂಸಾಸುರನು ಕಳುಹಿದ

ಶಕಟರೂಪದ ರಕ್ಕಸನ ತಾ ಬಾಲ್ಯದಲ್ಲಿ |

ಅಕಟ ಮುರಿದಿಕ್ಕಿದನು ಲೀಲೆಯೊ

ಳಕಟ ಕೃಷ್ಣನು ಲೋಕಪಾಲಕ

ನಕಟಕಟಕಟವೇನು ಮಹಿಮೆಯೊ ಭಕ್ತವತ್ಸಲನ || ೨೨ ||

ಯಶೋದಾನಂದನನೆ ಕೃಷ್ಣನೆ

ಯಶೋಗಾಥೆಯು ನಿನ್ನದಮಿತವು

ಯಶೋಗಾನವು ಮೊಳಗಿಹುದು ಯುಗ ಯುಗಾಂತರದಲ್ಲಿ |

ಯಶೋದೆಗೆ ಜನಿಸದೇ ದೇವನೆ

ಯಶೋದೆಯ ಸುತನೆಂದು ಬೆಳಗಿದೆ

ಯಶೋದೆಗೆ ಪರಮಾರ್ಥಸಂತಸವನ್ನು ನೀನಿತ್ತೆ || ೨೩ ||

ಪ್ರಭುವೆ ಕೃಷ್ಣನೆ ಲೋಕದೊಡೆಯನೆ

ವಿಭುವೆ ವೈಕುಂಠಕ್ಕೆ ಮುಕುತಿಗೆ

ಪ್ರಭವ-ಸುಸ್ಥಿತಿ-ವಿಲಯಮೂಲನೆ ಧರ್ಮರಕ್ಷಕನೆ |

ಪ್ರಭಾವಾತುಲಯುತನೆ ಬ್ರಹ್ಮವೆ

ಪ್ರಭಾಯುತ ಪರಮಾತ್ಮಜ್ಯೋತಿಯೆ

ಪ್ರಭಾವಿತನತ್ಯಂತ ಜಗದೊಳು ಸರ್ವರೊಳಗಿಹನೆ || ೨೪ ||

ಗೋಪಿಕಾವಲ್ಲಭನೆ ಕೃಷ್ಣನೆ

ಗೋಪಿಗೋಪರ ನಾಯಕನೆ ಬಹು

ಗೋಪಿಕೆಯರಾಂತರಿಕಪೂಜ್ಯನೆ ಗೋಪಗೋಪೀಶ |

ಗೋಪಿಚಂದನ ಪೂಸಿಕೊಂಡಿಹ

ಗೋಪಿ ರಾಧಾಪ್ರಿಯತಮನೆ ಸಿರಿ

ಗೋಪಿ ಪ್ರಕೃತಿಯು ಕೃಷ್ಣ ಪುರುಷನು ಸೃಷ್ಟಿಮಿಥುನವಿದು || ೨೫ ||

ಗೋಪನೇ ಗೋವುಗಳ ಪತಿಯೇ

ಗೋಪನಿಂದ್ರಿಯಪತಿ ಧರಣಿಪತಿ

ಗೋಪ ಕೃಷ್ಣನೆ ಜ್ಞಾನಪತಿ ಶ್ರೀಸಚ್ಚಿದಾನಂದ |

ಭೂಪ ಶ್ರೀಪ ಸುರೂಪ ನಿರ್ಗುಣ

ತಾಪ ಮೂರರ ಕಳೆಯುವಂಥ ಪ್ರ

ತಾಪಶಾಲಿ ಮಹಾಮಹಿಮ ಗೋಪಾಲ ಸರ್ವಾತ್ಮಾ || ೨೬ ||

ಯಾದವವಂಶಭೂಷಣನೆ ಹರಿ

ಮಾಧವನೆ ಯದುವಂಶತಿಲಕನೆ

ಶ್ರೀದಯಾನಿಧಿ ಕೇಶವಾಚ್ಯುತ ವಾಸುದೇವನೆ ನೀ |

ಪಾದಕೊಂದಿಪೆ ನಿನ್ನ ಕೃಷ್ಣನೆ

ಭೇದ ಮೀರಿದ ಪಾವನಾತ್ಮನೆ

ಸಾಧಕರ ಕರುಣಾಳು ಶ್ರೀಧರ ರುಕ್ಮಿಣೀಲೋಲ || ೨೭ ||

ವಂಶೀಹಸ್ತೋ ಮಹಾದೇವೋ ದೇವದೇವೋ ಜಗತ್ಪತಿ:|

ಭೂಭಾರಹರಣೋ ದಿವ್ಯೋ ಲೀಲಾಮಾನುಷರೂಪಧೃತ್||೬||(೩೪)

ಮುರಳಿಯನು ಕರದೊಳಗೆ ಪಿಡಿದಿಹ

ಮುರರಿಪುವು ಭಾಗ್ಯವನೆ ಕೊಟ್ಟನು

ಮುರಲಿಗಕಟಾ ದೇವದೇವನು ಮುತ್ತಿನೋಕುಳಿಯ |

ವರದ ವಂಶೀಹಸ್ತ ಕೃಷ್ಣನೆ

ಪುರದ ಹಿತಚಿಂತಕನೆ ಮೋಹನ

ಮುರಳಿಗಾನವಿಲೋಲ ಸರ್ವಾಕರ್ಷಣನೆ ನಮಿಪೆ || ೨೮ ||

ಹೇ ಮಹಾದೇವನೇ ನಿನ್ನಯ 

ಭೂಮರೂಪ ಬ್ರಹ್ಮವಸ್ತುವು

ನಾಮರೂಪಾತೀತ ತತ್ತ್ವವು ಸರ್ವಸಾಕ್ಷಿತ್ವ |

ಕಾಮಜನಕನು ನೀನೆ ಕೃಷ್ಣನೆ

ಕಾಮಹರ ಶಂಕರನು ರುದ್ರನು

ಸಾಮಪ್ರೀಯನು ಮತ್ತೆ ಹರಿಹರಭೇದವಿಲ್ಲ || ೨೯ ||

ದೇವದೇವನೆ ದೇವರಧಿಪನೆ

ಸಾವ ಮೀರಿದ ಮೋಕ್ಷರೂಪನೆ

ಭಾವಗೊಲಿವನೆ ಪಾವನಾತ್ಮನೆ ದೇವ ವಿಶ್ವಾತ್ಮಾ |

ಕಾವ ದೇವನೆ ನೋವ ಹರಿಪನೆ

ಮೂವರೊಳು ತಾನಾತ್ಮನಾಗಿರೆ

ಕಾವ ಕೊಲುವ ವಿಸೃಜಿಸುವರ ಪತಿಗಾನು ಶರಣೆಂಬೆ || ೩೦ ||

ಜಗತ್ಪತಿಯೆ ಪರಾತ್ಪರನೆ ಗುರು

ಜಗಮಗಿಪ ಪರಂಜ್ಯೋತಿರೂಪನೆ

ಜಗದಿ ನಿನಗಾರಿಹರು ಸರಿ ಮಿಗಿಲಖಿಲರಂತಸ್ಥ |

ಖಗಪತಿಯ ವಾಹನವ ಮಾಡಿಯೆ

ಮೃಗಧರನ ಸೋದರಿಯ ಕೈಪಿಡಿ

ದಘವ ಹರಿಪನ ಪ್ರೇಮದಿಂದಲಿ ನುತಿಪೆನನುದಿನವು || ೩೧ ||

ಭೂಭಾರಹರಣನೇ ಶ್ರೀಹರಿ

ಭೂಭಾರವನು ಪರಿಹರಿಸಲೋಸುಗ

ಈ ಭಾರತದೊಳವತರಿಸಿದನು ಹಲವಾರು ಬಾರಿ |

ನಾಭಿಕಮಲದಿ ಬೊಮ್ಮನಾಗಿಯೆ

ತಾ ಭವಿಷ್ಯದಿ ಕಲ್ಕಿಯಾಗಿಯೆ

ವೈಭವದಿ ಶ್ರೀಕೃಷ್ಣನಾಗಿಯೆ ದುಷ್ಟಹತಿ ಗೈಯೆ || ೩೨ ||

ದಿವ್ಯರೂಪದಿ ಬೆಳಗುವವನೆ

ಭವ್ಯನಾಗಿಯೆ ಪೂಜ್ಯನವನೆ

ಹವ್ಯಕವ್ಯಗಳೆಲ್ಲ ಕೈಗೊಳ್ಳುವ ಪರಾತ್ಪರನೆ |

ಸವ್ಯಮೂರುತಿ ನವ್ಯಕೀರುತಿ

ಕಾವ್ಯರೂಪನೆ ಕಾವ್ಯಸ್ಫೂರ್ತಿಯೆ

ಭಾವ್ಯ ಭಾವಕ ಭಾವ ತ್ರಿಪುಟಿಯ ಮೀರಿದಾ ತತ್ತ್ವ || ೩೩ ||

ಲೀಲಾಮಾನುಷರೂಪಧೃತ್ ನೀ

ಲೀಲೆಯಿಂದಲಿ ಜನ್ಮವೆತ್ತಿದೆ

ಬಾಲಲೀಲೆಗಳನ್ನು ತೋರಿದೆ ದಿವ್ಯಲೀಲೆಯದು |

ಕಾಲ ಮೀರಿದ ತತ್ತ್ವ ನೀನೈ

ಕಾಲದೊಳಗವತರಿಸಿ ತೋರಿದೆ

ಕಾಲಕಾಲನು ನೀನೆ ಕಾಲದೊಳಿರುವ ತೆರ ಲೀಲೆ || ೩೪ ||

ಭೂಧರಶ್ಶ್ರೀಧರೋ ನಿತ್ಯಸ್ಸತ್ಯಭಾಮಾರ್ಥಪೂರಕಃ |

ಪಾರಿಜಾತಪ್ರಿಯಶ್ಚಾರುವಾಗ್ವಿಭೂಷಿತಸುನ್ದರ:||೭||(೪೦)

ಭೂಧರನೆ ವಾರಾಹರೂಪನೆ

ಮಾಧವನೆ ಭೂಪತಿಯೆ ಹರಿಯೆ

ಸಾಧಕರ ಸನ್ಮಾರ್ಗದರ್ಶಕ ಸತ್ತ್ವಗುಣಪ್ರಿಯನೆ |

ಬಾಧಕಗಳನು ಕಳೆವ ಶ್ರೀಧರ

ಮೋದದಿಂದಲಿ ನುತಿಪೆ ನಿನ್ನನು

ಹೇ ದಯಾನಿಧಿ ಹಿರಣ್ಯಾಕ್ಷಗೆ ಗತಿಯ ತೋರ್ದವನೆ || ೩೫ ||

ಶ್ರೀಲಕುಮಿಪತಿ ಶ್ರೀಧರನೆ ಹರಿ

ನೀ ಲಕುಮಿಧರ ವಕ್ಷದೇಶದಿ

ಮಾಲಕನೆ ಸಕಲರ್ಗೆ ಸಂಪದಮೂಲ ಲಕುಮಿಗೆ ತಾ |

ಪಾಲಕನೆ ಸಂಪದದ ಹರಿ ನೀ

ಕಾಲ ಕಾಲಕೆ ಕರ್ಮಫಲಪ್ರದ

ಸಾಲಗಾರನೆ ವೇಂಕಟೇಶನೆ ಲೀಲೆ ತೋರಿದನೆ || ೩೬ ||

ನಿತ್ಯ ನಿರ್ಮಲ ನೀರಜಾಕ್ಷನೆ

ಸತ್ಯರೂಪನೆ ಶಾಶ್ವತಾತ್ಮನೆ

ಮಿಥ್ಯ ಜಗದೊಳು ಸುಪ್ತವಾಗಿಹ ಸರ್ವಕಾರಣನೆ |

ನಿತ್ಯನಿತ್ಯವಿವೇಕರೂಪನೆ

ವ್ಯತ್ಯಯಕ್ಕೊಳಗಾಗದಿರುವನೆ

ಸತ್ಯಸುಂದರ ನಿತ್ಯಶಿವನೆ ಹೇ ನಿರಾಮಯನೆ || ೩೭ ||

ಸತ್ಯಭಾಮಾ ರ್ಥ ಪೂರಕನೆ

ಸತ್ಯಭಾಮೆಗೆ ಪಾರಿಜಾತವ

ಸತ್ಯಪೇಕ್ಷೆಯನರಿತು ತಂದನು ಸ್ವರ್ಗದಿಂದ |

ಸತ್ಯಭಾಮಾರಮಣ ಭೂಪತಿ

ಸತ್ಯ ವೈಕುಂಠದಲಿ ಶ್ರೀಪತಿ

ಸತ್ಯರಕ್ಷಕ ಕೃಷ್ಣ ರಕ್ಷಿಸು ನಮ್ಮನನವರತ || ೩೮ ||

ಪಾರಿಜಾತಪ್ರಿಯನೆ ಕೃಷ್ಣನೆ

ನಾರಕಾಸುರಹತವ ಗೈಯಲು

ಸಾರಿ ಬಂದಾ ಸತ್ಯಭಾಮೆಯ ಬಯಕೆಯಂತೆ |

ಪಾರಿಜಾತದ ತರುವ ದಿವಿಯಿಂ

ಸಾರಿ ಯುದ್ಧವನಿಂದ್ರನೊಂದಿಗೆ

ಭೇರಿ ಜಯವಂ ನಾರಿಪ್ರೇಮವ ಸಾರಿ ತೋರಿದನು || ೩೯ ||

ಚಾರುವಾಗ್ವಿಭೂಷಿತನೆ ಸುಂದರ

ಮೂರುಲೋಕದ ಪತಿಯೆ ಕೃಷ್ಣನೆ

ಸಾರು ಸುಂದರ ಮಾತು ಸಕಲರ ಭೂಷಣವು ದಿಟವು |

ಕೋರು ಶುಭವನು ನಿಖಿಲ ಲೋಕಕೆ

ಪಾರುಗಾಣಿಸು ಭವದ ಭಯದಿಂ

ಸೇರುವೆನು ನಾ ನಿನ್ನ ಪದದೊಳು ಮುಕ್ತಿ ತೋರೆನಗೆ || ೪೦ ||

ದ್ವಾರಕೇಶ ಆರ್ತಪಾಲೋ

ಮುರಾರಿರ್ಮಧುಸೂದನ:|

ಗೋಪಿಕೋನ್ಮಾದಹಾರೀ ಚ ಭಕ್ತದು:ಖಾಪಹಾರಕ:||೮||(೪೬)

ದ್ವಾರಕೇಶನೆ ಮಥುರಜನ್ಮನೆ

ಮಾರಪಿತ ಗೋಕುಲಾಲೀಲನೆ

ಪಾರು ಮಾಡಿದೆ ಮಾಗಧಾಸುರಪೀಡೆಯಿಂದ |

ಶೂರವಂಶದಿ ಜನಿಸಿ ಶೌರಿಯೆ

ಕ್ರೂರ ರಕ್ಕಸರನ್ನು ಕೊಂದಿಯೆ

ದ್ವಾರಕೆಯ ಕೊನೆಗೊಮ್ಮೆ ಮುಳುಗಿಸಿ ತೋರ್ದೆ ನಶ್ವರತೆ || ೪೧ ||

ಆರ್ತಪಾಲನು ಸಾನುರಾಗನು

ಸ್ವಾರ್ಥರಹಿತನು ಭಕ್ತಪ್ರೇಮಿಯು

ಮೂರ್ತರೂಪದಿ ಬಂದಮೂರ್ತನೆ ಕೃಷ್ಣಮೂರುತಿಯು |

ವ್ಯರ್ಥ ಲೋಕವು ಸಾರ್ಥ ಬ್ರಹ್ಮವು

ಕರ್ತ ಜೀವವಕರ್ತನಾತ್ಮನು

ಶರ್ತರಹಿತದಿ ಪ್ರೇಮಿಸೈ ಭಗವಂತ ಸರ್ವಾತ್ಮಾ || ೪೨ ||

ಮುರಾರಿಯೆ ಹೇ ಮುರಾಂತಕ ಹರಿ

ಪರಾತ್ಮಾ ಮುರವೈರಿ ಕೃಷ್ಣನೆ

ಚರಾಚರಗುರು ಲೋಕಗುರು ಸರ್ವಜ್ಞ ಸರ್ವಬಲ |

ಹರಾತ್ಮಕ ಪರಬೊಮ್ಮ ವಿಷ್ಣುವೆ

ವರಾತ್ಮಕ ವಿಧಿ ಶಕ್ತಿರೂಪನೆ

ಧರಾತ್ಮಕನಸುರಾಂತಕಾತ್ಮಕ ವಿಶ್ವಪಾಲಕನೆ || ೪೩ ||

ಮಧುಹರಣ ಮಧುಸೂದನನೆ ಹರಿ

ವಿಧುವಿನಂದದಿ ಚೆಲ್ವ ಕೃಷ್ಣನೆ

ಪದುಮನಾಭನೆ ಸಕಲಸದ್ಮನೆ ಸಚ್ಚಿದಾನಂದ |

ಮಧುರನೇತ್ರನೆ ಮಧುರಗಾತ್ರನೆ

ಮಧುವಿನನ್ವಯದಲ್ಲಿ ಬಂದನೆ

ಯದುಕುಲಾಗ್ರ್ಯನೆ ವಾಸುದೇವನೆ ಕೈಟಭಾಂತಕನೆ || ೪೪ ||

ಗೋಪಿಕೋನ್ಮಾದಹಾರೀಶ

ಗೋಪಿಗೋಪರ ದುಃಖದೂರನೆ

ಗೋಪಿಲೋಲನೆ ಪ್ರೇಮಘನ ಸಂಸಾರನಾಶಕನೆ |

ಗೋಪಿ ರಾಧೆಯ ಹೃದಯವಾಸನೆ

ಪಾಪಿ ದುಷ್ಟರ ಪಾಪದೂರನೆ

ಕೋಪಿತಾಪಿಪ್ರತಾಪಿಜಾಪಿಶುಭಪ್ರದನೆ ಕೃಷ್ಣ || ೪೫ ||

ಭಕ್ತದುಃಖಾ-ಪಹಾರಕನೆ ಹರಿ

ಮುಕ್ತರಾತ್ಮನೆ ಮುಕ್ತಿರೂಪನೆ

ಶಕ್ತರಲಿ ಬಲ ಭಕ್ತಭಕ್ತಿಯು ಮುಕ್ತವಿಜ್ಞಾನ |

ನಕ್ತಚರಗತಿ ಶಿಷ್ಟರಕ್ಷಕ

ಭುಕ್ತಿಭಕ್ತಿವಿಮುಕ್ತಿದಾಯಕ

ಯುಕ್ತಿಶಕ್ತಿವಿರಕ್ತಿರಕ್ತಿವಿಭಕ್ತಿಭಕ್ತಿಪ್ರದ || ೪೬ ||

ಬಲರಾಮಾನುಜಃ ಕಾಲಃ ಕರ್ಮಕೃತ್ಕರ್ಮಕಾರಕಃ|

ಕರ್ಮಾಕರ್ಮಸುವಿಜ್ಞಾತಾ ಗೀತಾಬೋಧನತತ್ಪರಃ||೯||(೫೨)

ಬಲರಾಮಾನುಜನೆ ಕೃಷ್ಣನೆ

ಹಲಧರನು ಶೇಷಾಂಶನಗ್ರಜ

ಬಲಭದ್ರ ರೋಹಿಣಿಯ ತನುಜನು ಸಂಕರುಷಣಾತ್ಮ |

ಛಲಗಾರ ಬಲರಾಮ ಸೋದರ

ಬಲವಂತ ಮಾಧವ ದೇವಕೀಸುತ

ಫಲವೇನು ಬದುಕಿಯು ನಿನ್ನ ಭಜಿಸದೆ ಸಚ್ಚಿದಾನಂದ || ೪೭ ||

ಕಾಲ ನೀನೇ ಕಾಲಮೂಲನೆ

ಕಾಲರೂಪನೆ ಕಾಲಕಾಲನೆ

ಕಾಲಪುರುಷನೆ ಕಾಲಕೇಲಿಯ ಲೀಲೆ ತೋರುವನೆ |

ಕಾಲ ಮೀರ್ದನೆ ಸರ್ವಕಾಲ ತ್ರಿ

ಕಾಲಪತಿ ಮಿಗೆ ದೇಶಪತಿ ಹರಿ

ಜಾಲಪತಿ ಮಾಯಿಕನು ತ್ರೈಲೋಕ್ಯಾಧಿಪತಿ ಬೊಮ್ಮ || ೪೮ ||

ಕರ್ಮಕೃತ್ ಕರ್ಮಗಳ ಕರ್ತೃವೆ

ಕರ್ಮಗಳ ಮಾಡಿಸುವ ಶಕ್ತಿಯೆ

ಕರ್ಮಕರ್ಮಗಳಾದಿಸಾಕ್ಷಿಯೆ ಕರ್ಮಫಲದಾತ |

ಕರ್ಮ ಗಹನವು ಮರ್ಮ ಗಹನವು

ಧರ್ಮ ಗಹನವು ವರ್ಮ ಗಹನವು

ನರ್ಮ ಗಹನವು ನಮ್ಮದೇನಿಹುದೆಲ್ಲ ನೀ ದೇವ || ೪೯ ||

ಕರ್ಮಕಾರಕ ಕೃಷ್ಣ ಶ್ರೀಹರಿ

ಕರ್ಮಸಾಧಕ ದೇವಕೃಪೆಯೈ

ಕರ್ಮಪಾಕವಿಪಾಕ ಫಲದಾತಾರ ಕರ್ಮೇಶ |

ಕರ್ಮಧಾರಕ ಕರ್ಮಪೂರಕ

ಕರ್ಮಪ್ರೇರಕ ಕರ್ಮತಾರಕ

ಕರ್ಮಯೋಗೀಶ್ವರ ನಿಯಾಮಕ ಕರ್ಮತದ್ರೂಪ || ೫೦ ||

ಕರ್ಮಾಕರ್ಮಸುವಿಜ್ಞಾತನೆ

ಕರ್ಮವಾವುದಕರ್ಮವಾವುದು

ಮರ್ಮವೀ ಕರ್ಮದ ವಿಕರ್ಮದ ಬಲ್ಲ ಶ್ರೀಕೃಷ್ಣ |

ಕರ್ಮ ಕರ್ತವ್ಯಗಳ ಗಹನತೆ

ಕರ್ಮ ವಿಧಿ ವೈವಿಧ್ಯ ನಿಪುಣತೆ

ಕರ್ಮಯೋಗ ನಿಷೇಧ ಕೌಶಲ ಫಲದ ಸರ್ವಜ್ಞ || ೫೧ ||

ಗೀತಾಬೋಧನತತ್ಪರನೆ ಹರಿ

ಗೀತಾಜ್ಞಾನಪ್ರವರ್ತಕನೆ ಹರಿ

ಗೀತಾಚಾರ್ಯ ಜಗದ್ಗುರುವೆ ನರಸಖನೆ ಮಾಧವನೆ |

ಗೀತಾಚಾರ ವಿಚಾರ ಚಾರಣ

ಗೀತಾಸಾರ ಪ್ರಸಾರ ಕಾರಣ

ಗೀತಾ ಜೀವನಧರ್ಮಯೋಗದ ದೇಶಿಕನೆ ಕೃಷ್ಣ || ೫೨ ||

ನಾರಾಯಣೋ ನರಾತ್ಮೀಯೋ ನರರೂಪೀ ಚ ನಾರದ:|

ನಾರದಮುನಿವನ್ದ್ಯಶ್ಚ ನರಸಿಂಹಾವತಾರಕ:||೧೦||(೫೮)

ದೇವ ನಾರಾಯಣನೆ ಕೃಷ್ಣನೆ

ಮೂವರೊಳು ಸತ್ತ್ವಾಧಿಕನೆ ಹರಿ

ಕಾವ ತ್ರಿಭುವನಪತಿಯೆ ಮೋಕ್ಷಾಶ್ರಯನೆ ಲಕುಮಿಪತಿ |

ಭಾವಶೋಧಕ ಭಾವಕೊಲಿವನೆ

ಪಾವನಾತ್ಮಕ ನಾರ-ಮೋಕ್ಷದ

ದೇವನಯನವೆ ನೀರಧಾಮನೆ ನರರ ಮೂಲಾತ್ಮಾ || ೫೩ ||

ನರಾತ್ಮೀಯನೆ ನರರ ಆತ್ಮನೆ

ನರರ ಅಂತರ್ಯಾಮಿ ದೇವನೆ

ನರರನುದ್ಧರಿಪಂಥ ನರಹೃದ್ದೇಶಚಾಲಕನೆ |

ಪರಮ ಆತ್ಮೀಯಾತ್ಮರೂಪನೆ

ಪರಮ ಬೊಮ್ಮ ಚರಾಚರಾಧಿಪ

ಸರುವರಂತಸ್ಸಾಕ್ಷಿ ಕೃಷ್ಣನೆ ಮುಕ್ತಿ ತೋರೆಮಗೆ || ೫೪ ||

ನರನ ರೂಪನೆ ನರಹರಿಯೆ ಗುರು

ಪರಮಮಂಗಳರೂಪ ಶ್ರೀಹರಿ

ಚರಮಗತಿದಾಯಕನೆ ನರರೂಪಿಂದ ತೋರ್ವವನೆ |

ಹರಿಹರಜರೂಪಿನಲಿ ತೋರ್ವನೆ

ಸರಿಮಿಗಿಲು ಇರದವನೆ ದೇವನೆ

ನರನೆ ಪಾರ್ಥನೆ ಪಾಂಡವರೊಳಾತ್ಮೀಯ ಪರಬೊಮ್ಮ || ೫೫ ||

ನಾರದನೆ ನಾರವನು ಈವನೆ

ನಾರದಾದಿಗಳಿಂದ ವಂದ್ಯನೆ

ನಾರದಾದಿಸ್ವರೂಪಿ ಮೋಕ್ಷಪ್ರದನೆ ಶ್ರೀಕೃಷ್ಣ |

ನೀರಶಯನನೆ ನೀರದಾತೃವೆ

ನೂರು ವತ್ಸರ ಕಾಯ್ವವನೆ ಹರಿ

ಪಾರುಗಾಣಿಸೊ ದುಃಖಶರಧಿಯ ನೀನೆ ಪರಬೊಮ್ಮ || ೫೬ ||

ನಾರದಮುನಿವಂದ್ಯ ಶ್ರೀಹರಿ

ಚಾರುಗುಣ ಸಂಪನ್ನ ಕೃಷ್ಣನೆ

ಮೂರುಮೂರ್ತಿಗಳೊಳಗೆ ನೆಲೆಸಿಹ ದೇವ ಪರಬೊಮ್ಮ |

ಸಾರಸಾಕ್ಷನೆ ಬೊಮ್ಮಸುತನುತ

ಮಾರಪಿತ ಪರಮೇಶಪ್ರೀಯನೆ

ದಾರಿಗಾಣದ ಭಕ್ತರಿಗೆ ಮುಕುತಿಯನು ತೋರ್ವವನೆ || ೫೭ ||

ನರಸಿಂಹಾವತಾರ ಶ್ರೀಹರಿ

ನರತನುವು ಸಿಂಹಾಸ್ಯ ನಿನ್ನದು

ವರವನಿತ್ತನುಗ್ರಹಿಸಿ ಪ್ರಹ್ಲಾದನ್ನ ಕಾಯ್ದೆಯಲಾ |

ಹಿರಣ್ಯಕಾಸುರನನ್ನು ಕೊಲ್ಲುತ

ಪರಮಭಕುತನ ಬಾಲಕನ ನೀ

ಪೊರೆದೆ ಭಕ್ತಾಧೀನನೆಂಬುದ ಜಗಕೆ ತೋರಿಸಿದೆ || ೫೮ ||

ಸಿದ್ಧಿರೂಪೋ ಮಹಾಮಾಯೀ ಸಿದ್ಧಿಪ್ರದವಿನಾಯಕ:|

ಸಿದ್ಧಾನ್ತಕೃದಮೇಯಾತ್ಮಾ ಪಾಞ್ಚಜನ್ಯವಿಭೂಷಿತ:||೧೧||(೬೪)

ಸಿದ್ಧಿರೂಪನೆ ಸಿದ್ಧಿಗೊಡೆಯನೆ

ಸಿದ್ಧರೊಡೆಯನೆ ಸಿದ್ಧಿದಾತನೆ

ಸಿದ್ಧಿಬುದ್ಧಿಗಳಧಿಪ ಮಾಯಾ ಸಿದ್ಧಿನಾಯಕನೆ |

ಸಿದ್ಧಾಂತಗಳ ಕರ್ತೃ ಶ್ರೀಹರಿ

ಸಿದ್ಧಹಸ್ತನಮೇಯ ಕೃಷ್ಣನೆ

ಸಿದ್ಧ ಪಂಚಜನಾಪ್ತಶಂಖವಿಭೂಷಿತಗೆ ಶರಣು || ೫೯ ||

ಮಹಾಮಾಯೀ ಮಹಾನಾತ್ಮನೆ

ಮಹಾಮಾಯೆಯ ಪತಿಯೆ ಮಾಯಿಯೆ

ಮಹಾವಿಷ್ಣುವೆ ಪರಬ್ರಹ್ಮನೆ ದೇವ ಶ್ರೀಕೃಷ್ಣ |

ಮಹಾದೇವನ ಪ್ರಿಯನೆ ಶ್ರೀಹರಿ

ಮಹಾಮಾಯಾಸೂತ್ರಧಾರಿಯೆ 

ಮಹಾಪಾಪವಿನಾಶಕಾರಣ ರುಕ್ಮಿಣೀರಮಣ || ೬೦ ||

ಸಿದ್ಧಿಪ್ರದವಿನಾಯಕನೆ

ಸಿದ್ಧಿ ಸಕಲವನೊದಗಿಸುತಿಹನೆ

ಬುದ್ಧಿದಾತ ವಿನಾಯಕನೆ, ವಿಶಿಷ್ಟ ನಾಯಕನೆ |

ಋದ್ಧಿಕಾರಕ ದೇವದೇವ ವಿ

ಶುದ್ಧಿಕಾರಕ ದುಷ್ಟಶಿಕ್ಷಕ

ಸಿದ್ಧಿಬುದ್ಧಿವಿಶುದ್ಧಿ-ಋದ್ಧಿಗಳೊಡೆಯ ಶ್ರೀಕೃಷ್ಣ || ೬೧ ||

ಸಿದ್ಧಾಂತಕೃತ್ ತತ್ತ್ವಮೂಲನೆ

ಶುದ್ಧಾಂತಃಕರಣೈಕ ಕಾರಣ

ಬದ್ಧಜೀವರ ಮುಕ್ತಿಕಾರಕ ದೇವ ಪರಬೊಮ್ಮ |

ಸಿದ್ಧರಾಗಿಹ ಶಿಷ್ಯವೃಂದಕೆ

ಶುದ್ಧ ಜ್ಞಾನವ ಗುರುವಿನಂದದಿ

ಬುದ್ಧಿಗೊದಗಿಪ ಸಕಲ ಸಿದ್ಧಾಂತಗಳ ತವನಿಧಿಯೆ || ೬೨ ||

ಅಳತೆಗಳವಡದಿರುವ ತತ್ತ್ವವೆ

ಬಳಲಿಕೆಯ ಕಾಣದಿಹ ಬೊಮ್ಮನೆ

ಹೊಳೆವ ಬೆಳಕಿನ ರೂಪವಂತನೆ ರೂಪವಿರಹಿತನೆ |

ಕಳೆದ ಬಾಳಿನ ಕರ್ಮಫಲಗಳ

ನಿಳೆಯ ಜೀವರಿಗೀವನೀಶನೆ

ಮುಳುಗುತಿಹ ಜೀವರೊಳು ನೆಲೆಸಿಹನೀ, ಅಮೇಯಾತ್ಮಾ || ೬೩ ||

ಪಾಂಚಜನ್ಯವಿಭೂಷಿತನೆ ಹರಿ

ಪಂಚಜನನೆಂಬಂಥ ಶಂಖದ

ಪಂಚಬಲ ಸಂಪನ್ನ ದೈತ್ಯನ ನಿಗ್ರಹಿಸಿದವನೆ |

ಪಂಚಜನನಿಗೆ ವರವನೀಯುತ

ಪಾಂಚಜನ್ಯವ ಕರದಿ ಪಿಡಿಯುತ

ಪಾಂಚಜನ್ಯಧ್ವನಿಯ ಗೈಯಲು ದುಷ್ಟಗರ್ಭಾಂತ್ಯ || ೬೪ ||

ಶಙ್ಕರಾಚಾರ್ಯರೂಪೀ ಚ ರಾಮಾನುಜಸ್ವರೂಪಧೃತ್|

ಪೂರ್ಣಪ್ರಜ್ಞಸ್ವರೂಪಶ್ಚ ಭಗವಾನ್ ಬಾದರಾಯಣಃ ||೧೨||(೬೯)

ಶಂಕರಾಚಾ-ರ್ಯರೂಪೀ ಶ್ರೀ

ಶಂಕರನ ಅವತಾರ ನೀನೇ

ಶಂಕೆಗಳ ಪರಿಹರಿಸಿ ಭಕ್ತರ ಮುಕ್ತಗೊಳಿಸುವನೆ |

ಕಿಂಕರರ ತಾರಕನೆ ಕೃಷ್ಣನೆ

ಬಿಂಕ ಡಂಭವ ಮೆಚ್ಚದಿರುವನೆ

ಮಂಕ ಕಳೆಯುತಭೇದಶುದ್ಧಾದ್ವೈತಮುಕ್ತಿದನೆ || ೬೫ ||

ರಾಮಾನುಜ-ಸ್ವರೂಪಧೃತ

ರಾಮನನುಜನೆ ಕೃಷ್ಣರೂಪನೆ

ಕಾಮಜನಕ ಪ್ರಪತ್ತಿಮಾರ್ಗ ವಿಶಿಷ್ಟದ್ವೈತಪ್ರದ |

ಸಾಮರೂಪನೆ ಸರ್ವಪ್ರೀಯನೆ

ನಾಮ ಮೂರೂರ್ಧ್ವದ ತ್ರಿಪುಂಡ್ರನೆ

ಹೇ ಮಹಿಮ ಜೀವೇಶಜಗವಿದ ನಾರಯಣಭಕ್ತ || ೬೬ ||

ಪೂರ್ಣಪ್ರಜ್ಞಸ್ವರೂಪನೇ ಹರಿ

ಪೂರ್ಣದೇವನು ವಾಯು ಜೀವರೊಳ್

ಪೂರ್ಣನೆಂಬೀ ಮಾಧ್ವ ದ್ವೈತ ಪ್ರಚಾರಕನೆ ಗುರುವೆ |

ಪೂರ್ಣಜಗವಿದು ಪಂಚಭೇದದಿ

ಪೂರ್ಣ ಹರಿ ಜಗಜೀವರೊಳು ಮಿಗೆ

ಪೂರ್ಣ ಮುಕ್ತರು ನಾರಕೀ ಸಂಸಾರಿಭೇದವಿದ || ೬೭ ||

ಭಗವು ಷಡ್ಗುಣಪೂರ್ಣತೆಯು ಪರ

ಭಗವನುಳ್ಳವ ವಾಸುದೇವನು

ನಗಧರನು ಹರಿ ವಿಹಗವಾಹನ ಕೃಷ್ಣ ಭಗವಂತ |

ಬಗೆ ಬಗೆಯ ಸಂಪದದೊಳತಿಶಯಿ

ಮಿಗೆ ವೀರ್ಯ ಯಶ ಪರಮೇಶ್ವರತ್ವ ವಿ

ರಾಗ ಬೋಧಾತಿಶಯಿ ಭಗವಾನ್ ಪರಮ ಬೊಮ್ಮನೆಲ || ೬೮ ||

ಬಾದರಾಯಣ ವ್ಯಾಸಗುರು ಹೇ

ವಾದಶೂರ ವಿಶುದ್ಧಸತ್ತ್ವನೆ

ನಾದಬ್ರಹ್ಮ ಸದಾಶಿವಾತ್ಮಕ ವೇದವಿಸ್ತಾರ |

ಪಾದ ಹರಿಯದು ಸಕಲಶಾಸ್ತ್ರದ

ಭೇದ ವೈವಿಧ್ಯಗಳ ತೋರುತ

ಶೋಧಿಸಿದ ವೇದಾಂತಸಾರವ ಸೂತ್ರರೂಪಿನಲಿ || ೬೯ ||

ನವನೀತಪ್ರಿಯಃ ಕೃತ್ಸ್ನ ಆತ್ಮವಿತ್ಕರುಣಾಕರಃ |

ಮಹದಾದಿಚತುರ್ವಿಂಶತಿತತ್ತ್ವಾತ್ಮಕತ್ರೈಗುಣಃ ||೧೩||(೭೪)

ನವನೀತಪ್ರಿಯನೆ ಕೃಷ್ಣನೆ

ನವನವೀನ ವಿನೀತ ಕೃಷ್ಣನೆ

ಭವ ತತ್ತ್ವಸಾರ ಪ್ರತೀಕ ಕೃಷ್ಣನೆ ಭಕ್ತಕಲ್ಪತರು |

ನವ ನವೀನದ ಪ್ರಜ್ಞೆ ಪ್ರತಿಭೆಯ

ತವನಿಧಿಯೆ ಹರಿ ವಾಸುದೇವನೆ

ಭವದಿ ಜೀವನ್ಮುಕ್ತಿ ತೋರೈ ಶುದ್ಧ ಪರತತ್ತ್ವ || ೭೦ ||

ಕೃಷ್ಣ ನೀನೈ ಕೃತ್ಸ್ನ ಸಕಲವು

ಕೃಷ್ಣ ನೀನೈ ಸರ್ವ ಸೃಷ್ಟಿಯು

ಕೃಷ್ಣ ನೀನೈ ಸೃಷ್ಟಿಮೂಲವು ನಿಖಿಲ ಸರ್ವಸ್ವ |

ವಿಷ್ಣುವಿನ ಪೂರ್ಣಾವತಾರ ಸ-

-ಹಿಷ್ಣು ಭಕ್ತರ ಪಾಪರಾಶಿಯ

ಜಿಷ್ಣು ನೀ ಜಯಶೀಲ ಕಾರಣ ಕಾರ್ಯ ಕಾರಯಿತಾ || ೭೧ ||

ಆತ್ಮವಿತ್ ಪರಮಾತ್ಮ ದೇವನೆ

ಸಾತ್ಮ-ನಾತ್ಮವಿದೂರ ವಿದನೆ ವಿ-

-ನಾತ್ಮ ಶೂನ್ಯವದಾತ್ಮ ಪೂರ್ಣವದೇಕರಸವಿದನೆ |

ಆತ್ಮವರಿತವನಾತ್ಮರೂಪ ಮ-

-ಹಾತ್ಮ ಸಂತತ ಗಮನಶೀಲನ-

-ನಾತ್ಮರೂಪದಿ ತೋರ್ವ ಜಗದಾತ್ಮಾದ್ವಿತೀಯೈಕ || ೭೨ ||

ಕರುಣೆಯಾಕರ ದಯಾಸಾಗರ

ಕರುಣಮೂರುತಿ ಭಕುತಸನ್ಮತಿ

ಹರುಷದಾಯಕ ಕೃಷ್ಣ ಕರುಣಾಕರನೆ ಶಂ-ಕರನೆ |

ಉರುತರದ ವಿಕ್ರಮನೆ ವಾಮನ

ಕರುಣೆಯಿಂ ಬಲಿದೈತ್ಯಗೊಲಿದಿಹೆ

ಗುರುವೆ ನೀನನುಕಂಪವಾರಿಧಿ ಶಿಷ್ಟರಕ್ಷಕನೆ || ೭೩ ||

ತತ್ತ್ವ ಪ್ರಕೃತಿ ಪ್ರಧಾನದಿಂ ಮಹ-

-ತ್ತತ್ತ್ವಹಂ ಶಬ್ದಾದಿ ಪಂಚಕ

ತತ್ತ್ವ ನೇತ್ರಾದಿಗಳ ಪಂಚಕ ಪಾಣಿಪಾದಾದಿ |

ತತ್ತ್ವ ಭೂತದ ಪಂಚಕವು ಮನ

ತತ್ತ್ವ ಮಹದಾದಿ ಚತುರ್ವಿಂಶತಿ

ತತ್ತ್ವನಾತ್ಮಕ ತ್ರೈಗುಣನು ಸದ್-ರಜ-ತಮೋರೂಪ || ೭೪ ||

ಧರ್ಮಾರ್ಥಕಾಮಮೋಕ್ಷೇಶಃ ಕೃಷ್ಣಮೂರ್ತಿಃ ಪರಾಗತಿಃ |

ರಾಮಮೂರ್ತಿಃ ಕಲ್ಕಿರೂಪೋ ಬುದ್ಧರೂಪಶ್ಚತುರ್ವಿಧಃ ||೧೪||(೮೧)

ಧರ್ಮ-ಅರ್ಥದ ಕಾಮ-ಮೋಕ್ಷದ

ಮರ್ಮವಿದನ್-ಈಶನು ಮಹೇಶ್ವರ

ಕರ್ಮಫಲದಾತಾರ ಕೃಷ್ಣ ಪರಾತ್ಮ ಸರ್ವೇಶ |

ಚರ್ಮಚಕ್ಷುವ ಮೀರ್ದ ಶ್ರೀಹರಿ

ಕೂರ್ಮ ಮತ್ಸ್ಯಾದಿಗಳ ರೂಪಿಲಿ

ಧರ್ಮಸ್ಥಾಪನೆ ಗೈವ ತೆರದಲಿ ತೋರ್ವ ಜಗದೊಳಗೆ || ೭೫ ||

ದೇವದೇವನೆ ಕೃಷ್ಣಮೂರ್ತಿಯೆ

ಕಾವ ದೇವನೆ ವಿಷ್ಣುಮೂರ್ತಿಯೆ

ಜೀವಲೋಕದ ಮೂಲಕಾರಣ ಹರಿ ನಿರಾಕಾರ |

ಸಾವ ಹುಟ್ಟುವ ತೆರದಿ ತೋರುವ

ಭಾವಕೊಲಿಯುವ ತೆರದಿ ತೋರುವ

ಗೋವ ಕಾಯುವ ಸಕಲರಂತರ್ಯಾಮಿ ಪರಬೊಮ್ಮ || ೭೬ ||

ಪರಮ ಚರಮವನನ್ಯ ಗತಿ ನೀ

ಹರಶಕ್ತಿಹರಿಬೊಮ್ಮನೊಳಗಿಹೆ

ಪರಮಸತ್ಯ ಪರಾಗತಿಯೆ ಪರಬೊಮ್ಮ ಶ್ರೀಕೃಷ್ಣ |

ಗುರುವೆ ಲೋಕದ ಗತಿಯೆ ಜೀವರ

ಸರುವ ಸೃಷ್ಟಿಯ ಸಾರಸತ್ತ್ವವೆ

ಬರುವ ಹೋಗುವ ನಿಖಿಲ ಜಗಕಾಧಾರ ನಾರಯಣ || ೭೭ ||

ರಾಮಮೂರ್ತಿಯೆ ದಶರಥಾತ್ಮಜ

ಸೋಮಸುಂದರ ಲಕ್ಷ್ಮಣಾಗ್ರಜ

ಕಾಮಪಿತ ಕೌಸಲ್ಯನಂದನ ರಾವಣಾಂತಕನೆ |

ಸಾಮಪ್ರೀಯನೆ ನಾಮರೂಪನೆ

ನಾಮರಹಿತನೆ ರೂಪರಹಿತನೆ

ರಾಮ ಜಾನಕಿರಮಣ ಪವನಜಪ್ರೇಮ ನಿಸ್ಸೀಮ || ೭೮ ||

ಕಲ್ಕಿರೂಪನೆ ಕಲಿಯುಗಾಂತಕ

ಕಲ್ಕಿ ಕಲಿಯುಗನಾಶ ಕೀಲಿಯೆ

ಕಲ್ಕಿ ಕಲ್ಕವ ಪಾಪಕೂಪವ ನಾಶಗೈಯುವನೆ |

ಕಲ್ಕಿ ದಶಮನೆ ವಿಷ್ಣುಮೂಲನೆ

ಕಲ್ಕಿ ಶಂಬಳದೇಶಜನ್ಮನೆ

ಕಲ್ಕಿ ದುಷ್ಟವಿಮರ್ದನನೆ ಗುರುಭಾರ್ಗವನ ಶಿಷ್ಯ || ೭೯ ||

ಬುದ್ಧರೂಪನೆ ಯಜ್ಞನಿಂದಕ

ಶುದ್ಧಧರ್ಮ ಸ್ಥಾಪನಾರ್ಥವ-

-ಬದ್ಧ ದೈತ್ಯರ ಮೋಹಗೊಳಿಸುತ ಸಂಹರಿಸಿ ಜವದಿ |

ಬದ್ಧ ಜೀವರ ಮುಕ್ತಗೊಳಿಸುವ

ಶುದ್ಧಮಾರ್ಗವ ಬೋಧಿಸುತಲಿ ಪ್ರ-

-ಬುದ್ಧ ಭಾರತ ಕಟ್ಟುವಂತಹ ದಾರಿದೀಪಕನೆ || ೮೦ ||

ಹರಿ ಚತುರ್ವಿಧನೆಚ್ಚರದಲಿ ತಾ-

-ನರಿವನನಿರುದ್ಧಾತ್ಮ ಕನಸಿನೊ-

-ಳರಿವ ಪ್ರದ್ಯುಮ್ನಾತ್ಮ ತೈಜಸ ವಿಶ್ವರೂಪಿನೊಳು |

ಅರಿವ ಸುಪ್ತಿಯ ಸಂಕರುಷಣನು

ಸುರಿವನಾನಂದವ ತುರೀಯದಿ

ಹರಿಯು ಪ್ರಾಜ್ಞನು ವಾಸುದೇವನು ತಾ ಪರಬ್ರಹ್ಮ || ೮೧ ||

ಶಕ್ತಿರೂಪೋ ಭಕ್ತಿರೂಪಶ್ಚಾರೂಪೀ ಭಕ್ತರೂಪಧೃತ್ |

ನಾನಾರೂಪಧರಶ್ಶಮ್ಭುರ್ವಿಷ್ವಕ್ಸೇನಸ್ಸನಾತನಃ ||೧೫||(೮೯)

ಶಕ್ತಿರೂಪನೆ ಸರ್ವರೊಳಗಿಹ

ಮುಕ್ತಿರೂಪನೆ ಸಕಲರೊಳಗಿಹ

ಯುಕ್ತಿರೂಪ ಮಹಾತ್ಮ ಸಂತತ ಸಲಹು ಸಜ್ಜನರ |

ಶಕ್ತಿ ಶಾಶ್ವತ ದುರ್ಗೆ ಶಂಕರಿ

ಶಕ್ತಿ ಮಾಯಾದೇವಿ ಲಕುಮಿಯು

ಶಕ್ತಿ ಜಗದಾದ್ಯಖಿಲಜನವಂದಿತನು ನೀನಹುದು || ೮೨ ||

ಭಕ್ತಿರೂಪನೆ ಭಾವಕೊಲಿವನೆ

ಭಕ್ತಿವಶ್ಯನೆ ಭಾಗವತ ಹರಿ

ಭಕ್ತಿಕಾರಣ ಭಕ್ತಿಗಾಧಾರನೆ ನಿಯಾಮಕನೆ |

ಭುಕ್ತಿದಾಯಕ ದೇವದೇವನೆ

ಮುಕ್ತಿದಾಯಕ ಸರ್ವಮೂಲನೆ

ಭಕ್ತಿ ನಿರ್ಮಲ ಮನಕೆ ಕರಗುವ ಹೇ ದಯಾನಿಧಿಯೆ || ೮೩ ||

ಅರೂಪನೆ ಹರಿ ಸುರೂಪನೆ ಹರಿ

ನಿರೂಪಕ ಹರಿ ನಿರಾಮಯ ಹರಿ

ಗುರೂಪಾಧಿಯೊಳಖಿಲಜೀವರ ಮುಕ್ತಿಗುರು ನೀನೇ |

ಗುರೂಪಾಸಕರನ್ನು ಕಾಯ್ವನೆ

ವಿರೂಪಾತ್ಮಕ ಜೀವಸೆಲೆ ನೀ

ಸುರೂಪಾತ್ಮಕನಂತೆ ತೋರುವ ಮಾಯೆ ಪರಬೊಮ್ಮ || ೮೪ ||

ಅನವರತ ನೀ ಭಕ್ತರೂಪಧೃ-

-ತನವರತ ನೀ ಭಕ್ತರೂಪಿಲಿ

ದಿನ ದಿನದಿ ಪರಿಕಿಸುವೆ ಜೀವರ ಭಕ್ತಿಶುದ್ಧತೆಯ |

ಮನವರಿವ ಹರಿ ಮನದ ಸ್ವಾಮಿಯು

ತನುವ ಕಾಯುವ ಪ್ರೇಮಮೂರ್ತಿಯು

ಧನಲಕುಮಿಪತಿ ಶುದ್ಧಭಕುತರಿಗೀವ ಸರ್ವಸ್ವ || ೮೫ ||

ನಾನಾರೂಪಧರನೆ ಕೃಷ್ಣನೆ

ನಾನಾನಾಮಗಳಿಂದ ಪೂಜ್ಯನೆ

ನಾನಾಶಕ್ತಿಗಳಿಂದ ಕೂಡಿದ ದೇವ ಸರ್ವೇಶ |

ನಾನಾಮಾರ್ಗಗಳಲ್ಲಿ ದೊರಕುವ

ನಾನಾಜನ್ಮಗಳಲ್ಲಿ ತೋರುವ

ನಾನಾವಿಧದೀ ಪ್ರಕೃತಿಯೊಳಗಿಹ ಶುದ್ಧೈಕತತ್ತ್ವ || ೮೬ ||

ಶುಭನೀವನೆ ಶಂಭುವೇ ಹರಿ-

-ಯಭಯದಾಯಕ ನಾರಸಿಂಹನೆ

ಸಭಯ ಭಕ್ತರ ಗೈವ ನಿರ್ಭಯ ದೇವ ಗೋವಿಂದ |

ವಿಭವಯುತ ಹರಿ ಹರನಜಾತ್ಮಕ

ಪ್ರಭವ ಸೃಷ್ಟಿಗೆ ನಭವೆ ನಾಭಿಯು

ಶುಭಕೆ ಕಾರಣ ದೇವ ಪರಮಾತ್ಮನು ನಿರಾಕಾರ || ೮೭ ||

ಹರಿಯ ನಿರ್ಮಾಲ್ಯವನು ಧರಿಸುವ

ಹಿರಿಯ ವಿಷ್ವಕ್ಸೇನನೆಲ್ಲೆಡೆ

ಗುರಿಯ ತೋರುವ ಸೇನೆಯಧಿಪತಿ ಧರ್ಮಸೇನಾನಿ |

ಪರಿಪರಿಯ ವಿಭವವನು ಹೊಂದಿಹ

ಹರಿಯ ಸಾರೂಪ್ಯಾದಿ ಲಕ್ಷಣ

ಹರಿಯೆ ವಿಷ್ವಕ್ಸೇನ ನಮ್ಮನು ರಕ್ಷಿಸನವರತ || ೮೮ ||

ನಿತ್ಯ ಸತ್ಯನೆ ಸನಾತನ ಹರಿ

ನಿತ್ಯ ಚಿನ್ಮಯರೂಪ ಕೃಷ್ಣನೆ

ಸತ್ಯ ಮೂರ್ಕಾಲದಲು ಚಿತ್ಸುಖ ಸಚ್ಚಿದಾನಂದ |

ಸತ್ಯಲೋಕದಿ ಬೊಮ್ಮಸುತ ನೀ

ನಿತ್ಯ ಪಿತೃದೇವತೆಗಳತಿಥಿಯು

ಸತ್ಯ ದಿವ್ಯಮನುಷ್ಯ ಶಿವನಜವಿಷ್ಣು ನೀ ಕಾಯೈ || ೮೯ ||

ಮತ್ಸ್ಯರೂಪಃ ಕೂರ್ಮರೂಪೋ ವರಾಹೋ ವಾಮನೋ ವಿಭುಃ |

ಜಾಮದಗ್ನ್ಯೋ ದತ್ತಮೂರ್ತಿಸ್ತ್ರೈಲೋಕ್ಯವನ್ದಿತೋ ಗುರುಃ ||೧೬||(೯೮)

ಮದನಪಿತನೇ ಮತ್ಸ್ಯರೂಪನೆ

ಮೋದಕಾರಕನಖಿಲಲೋಕಕೆ

ಪಾದಕೊಂದಿಪೆ ತೃಪ್ತಿಯೋಗವಿಶಾರದಗೆ ಹರಿಗೆ |

ಹಿಂದೆ ಸತ್ಯವ್ರತನಿಗೊಲಿದಿಹೆ

ಮುಂದೆ ವೇದದ ಚೋರ ತಮನನು

ಕೊಂದೆ ವೈವಸ್ವತಗೆ ಮನುಪದವಿತ್ತೆ ಹೇ ದೇವ || ೯೦ ||

ಜಲದಿ ವೇಗದಿ ಚರಿಪ ರೂಪಿಯೆ

ಬಲಯುತನೆ ಹೇ ಕೂರ್ಮರೂಪನೆ

ಹಲವು ರೀತಿಲಿ ಲೋಕಪಾಲಿಸುತಿರುವ ಕರುಣಾಳು |

ಒಲವಿನಿಂದಲಿ ಮಂದರವ ತಾ

ಬಲುಹಿನಲಿ ಬ್ರಹ್ಮಾಂಡವನು ನೀ

ಸಲಹಲೋಸುಗ ಧರಿಸಿ ಶಮ ದಮ ಬೋಧಿಸಿದ ರೂಪ || ೯೧ ||

ದುಷ್ಟದೈತ್ಯರ ವರಕೆ ಹಾನಿಯು

ಶಿಷ್ಟಭಕ್ತರಿಗಿಷ್ಟವರದನು

ದಷ್ಟಪುಷ್ಟ ವರಾಹಸ್ವಾಮಿಯು ರಕ್ಷಿಸಲಿ ನಮ್ಮ |

ನಷ್ಟವಾಗದ ಗುರಿಯ ಯಜ್ಞನು

ಶ್ರೇಷ್ಠ ಗೆಡ್ಡೆಯ ಮಾತ್ರ ಭಕ್ಷಿಪ-

-ನಷ್ಟಮೂರ್ತಿ ಶ್ವೇತವರ್ಣದ ಭೂವರಾಹೇಶ || ೯೨ ||

ವಾಮನನೆ ಹರಿ ಚಾರುರೂಪನೆ

ನೇಮಿ ಬಲಿಗೊಲಿದಿಹನೆ ವಟುವಪು

ಭೂಮವಳೆದ ತ್ರಿವಿಕ್ರಮನೆ ಪರಮಾತ್ಮ ಶ್ರೀಕೃಷ್ಣ |

ನಾಮ ಸಾರ್ಥಕಗೈದ ಭಕುತ ಗು-

-ಲಾಮ ತಾನೆಂಬುದನು ಶ್ರೀಹರಿ

ಸಾಮದಲಿ ಬಲಿಗಿತ್ತನಿಂದ್ರ-ತ್ವ ಸಾವರ್ಣಿಕದಿ || ೯೩ ||

ವಿಭುವೆ ಕೃಷ್ಣನೆ ಸರ್ವವ್ಯಾಪಕ

ಪ್ರಭುವೆ ಸರ್ವಾಕಾರಸಂಯುಗ

ಪ್ರಭೆಯು ಸರ್ವಮಹತ್ತ್ವವಂತನೆ ಗುರು ಪರಂಜ್ಯೋತಿ |

ವಿಭುವೆ ನೀನೆಲ್ಲೆಡೆಯು ಪೋಪನೆ

ಪ್ರಭುವೆ ಜಗದೀಶ್ವರನೆ ಕೃಷ್ಣನೆ

ವಿಭುವೆ ಹರಿಹರನಜನೆ ನಿತ್ಯನೆ ನೀನೆ ಜೀವಾತ್ಮ || ೯೪ ||

ಕೃಷ್ಣನೇ ನೀ ಜಾಮದಗ್ನ್ಯನೆ

ವಿಷ್ಣು ಭಾರ್ಗವರಾಮ ಕ್ಷತ್ರಸ-

-ಹಿಷ್ಣು ಖಳರಸಹಿಷ್ಣು ಜಮದಗ್ನಿಜನೆ ರೇಣುಕಜ |

ಜಿಷ್ಣು ಪರಶುವ ಧರಿಸಿ ಲೋಕದಿ

ವಿಷ್ಣು ಕೃತವೀರ್ಯಾತ್ಮಜನ ತಾ

ವಿಷ್ಣು ಸಂಹರಿಸಿದನು ತಾನಾವೇಶರೂಪಿನಲಿ || ೯೫ ||

ದತ್ತಮೂರ್ತಿ ವಿಚಿತ್ರಕೀರುತಿ

ಸತ್ತವರ ಬದುಕಿಸಿದ ಸದ್ಗುರು

ಸುತ್ತಲಿನ ಜನರುದ್ಧರಿಸಿ ವರ್ಣಾದಿ ಭೇದವನು |

ಕಿತ್ತು ಮನುಜತ್ವವನೆ ನೆಚ್ಚುತ-

-ಲತ್ತು ಕರೆವರ ಕಾಯ್ವನತ್ರಿಜ

ದತ್ತನನಸೂಯಾತ್ಮಜವಧೂತೇಶ ತ್ರೈಮೂರ್ತಿ || ೯೬ ||

ಹರಿಯೆ ನೀ ತ್ರೈಲೋಕ್ಯವಂದಿತ-

-ನರಿಯೆ ನಿನ್ನ ನಿಜಾತ್ಮರೂಪವ

ಸುರಿವೆ ಭಕ್ತಿಪ್ರವಾಹ ಮೂರ್ಲೋಕದಲಿ ಪೂಜಿತನೆ |

ಕರಿಯ ಕಾಯ್ದನೆ ನಕ್ರಹರ ಹರಿ

ಗುರಿಯ ತೋರುವ ಲೋಕಗುರು ಹರಿ

ಬರಿಯ ತೋರಿಕೆ ನೆಚ್ಚ ನಿಜಭಕ್ತರಿಗೆ ತಾನೊಲಿವ || ೯೭ ||

ಗುರುವೆ ಮೂರ್ಲೋಕಕ್ಕೆ ಮೂಲನೆ

ಗುರುವೆ ಜಗದಾದೀಶ ಕೃಷ್ಣನೆ

ಹೊರುವೆ ತವಪದಪದ್ಮ ಹೃದಯದಿ ದೇವ ಸರ್ವಜ್ಞ |

ಇರುವೆ ನಿನ್ನಲಿ ನಿತ್ಯ ಸಂತತ

ಬರುವೆ ಸಂಗಡ ನೀನು ಜೀವರ

ಸರುವ ರೀತಿಲಿ ಕಾಯ್ವ ಗೀತಾಚಾರ್ಯ ವಿಶ್ವಾತ್ಮ || ೯೮ ||

ಮುಕುನ್ದೋ ಮಾಧವೋऽನನ್ತೋऽಚ್ಯುತಶ್ಚಾರುಚತುರ್ಭುಜಃ |

ಗೋವಿನ್ದಃ ಪರಮಾನನ್ದಸ್ಸತ್ಯನಾರಾಯಣೋ ರವಿಃ ||೧೭||(೧೦೭)

ಮುಕುನ್ದನೆ ಮುಕುತಿಯ ಸ್ವರೂಪನೆ

ಮುಕುತಿ ಮುಕು ಮೋಕ್ಷವನೆ ನೀಡುವ

ಭಕುತಬಂಧುವೆ ವರದ ಮುಚುಕುಂದನಿಗೆ ಕೇಶವನೆ |

ಹೇ ಕುನ್ದನೆ ಮೂರು ಮೂರುತಿ

ಶ್ರೀಕುನ್ದಸುಮಸನ್ನಿಭನೆ ಹರಿ

ನಾಕು ಪುರುಷಾರ್ಥಗಳನೀವನೆ ಕೃಷ್ಣ ಮಾಧವನೆ || ೯೯ ||

ಮಾಧವನೆ ಮಾ ಲಕುಮಿರಮಣನೆ

ಮಾಧವನೆ ವಿದ್ಯಾಧಿಪತಿ ನೀ

ಮಾಧವನೆ ಮಧುವಂಶಜನೆ ಹರಿ ವಾಸುದೇವನೆ ನೀ |

ಮೇಧೆಯನು ಕಾಪಿಡುವ ಕೃಷ್ಣನೆ

ಬಾಧೆಗಳ ಪರಿಹರಿಪ ಕೃಷ್ಣನೆ

ಸಾಧನೆಗೆ ಫಲ ಕೊಡುವ ಮಾಯಾವಲ್ಲಭನೆ ಹರಿಯೆ || ೧೦೦ ||

ಅನಂತನ ಹರಿ ಶೇಷ ಶೇಷಿಯ

ನನಂತನನಂ-ತರಹಿತನಸುರ

ಮಹಂತನನಸುರಾದಿಕೃಂತನ ಶರಣು ಶರಣೆಂಬೆ |

ಸನಾತನ ಕೇಶವನ ಕೃಷ್ಣನ

ವಿನೂತನ ವಾಸವನ ಮಿತ್ರನ

ವಿಧಾತನ ಪಿತ ಹರಿಹರಾತ್ಮಕ ಬೊಮ್ಮನನು ನಮಿಪೆ || ೧೦೧ ||

ಅಚ್ಯುತನೆ ಮಾಧವನೆ ವಿಷ್ಣುವ-

-ವಿಚ್ಯುತನೆ ಪದದಿಂದ ಕೃಷ್ಣನೆ

ಹೇ ಚ್ಯುತಿಯ ವಿರಹಿತನೆ ಸರ್ವಾಂತರನೆ ಪರಮಾತ್ಮಾ |

ಅಚ್ಯುತಾಂಘ್ರಿಗೆ ಮಣಿವೆ ನಿತ್ಯಗೆ

ಸಚ್ಯುತರವೊಲು ತೋರ್ವ ಜೀವರ

ನಚ್ಯುತನೆ ಹೃತ್ಸ್ಥಾತ್ಮ ಸರ್ವರ ನೈಜದೊಳು ಕಾವ || ೧೦೨ ||

ಚಾರುಚತುರ್ಭುಜನೆ ವಿಷ್ಣುವೆ

ಮೂರುಲೋಕದ ಸ್ವಾಮಿ ಬೊಮ್ಮನೆ

ಕಾರುಣಿಕ ಪರಮಾತ್ಮನೀಶ್ವರ ಸುಂದರಾಕಾರ |

ಬೇರು ಸೃಷ್ಟಿಗೆ ದೇವ ಕೃಷ್ಣನೆ

ಸಾರು ಗೀತೆಯ ನಾಲ್ದೆಸೆಗಳಲಿ

ಮೇರುಕೀರುತಿ ಕೃಷ್ಣಮೂರುತಿ ವೀರಮಾರುತಿಯೆ || ೧೦೩ ||

ಗೋವು ಹಸು ಗೋವಿಂದ ಹೊಂದಿದ

ಕಾವುದಾತನು ಸಕಲ ಪೃಥಿವಿಯ

ಮಾವುತನು ಕರಣಾಖ್ಯ ಹಸ್ತಿಗಳಿಂಗೆ ಶ್ರೀಕೃಷ್ಣ |

ಭಾವುಕನು ಬ್ರಹ್ಮಾತ್ಮರೂಪನು

ಸಾವು ಹುಟ್ಟನು ಮೀರಿದಾತನ

ಠಾವು ಸರ್ವಾಂತರವು ಶರಣಾಗಿಹೆನು ಸಂತತವು || ೧೦೪ ||

ಪರನು ಪರಮಾನಂದ ಕೃಷ್ಣನು

ಮುರವೈರಿ ಸದ್ರೂಪ ಕೃಷ್ ಪದ

ಹರಮಿತ್ರ ನಿರ್ವೃತಿರೂಪ ಣಾಕ್ಷರವಾಚ್ಯ ಶ್ರೀಕೃಷ್ಣ |

ಪರಮ ಮಂಗಲರೂಪ ಚಿತ್ಸುಖ

ಹರಣ ಸಂಕಟ, ಚಿದ್ವಿಲಾಸನ

ಚರಣ ನಂಬಿದೆ ಸಚ್ಚಿದಾನಂದಾಖ್ಯ ಕೇಶವನ || ೧೦೫ ||

ಸತ್ಯನಾರಾಯಣನೆ ಕೃಷ್ಣನೆ

ಸತ್ಯ ಪರಿಪಾಲಕನೆ ಲೋಕದಿ

ಸತ್ಯವೇ ಜಯವೆಂಬುದನು ತೋರ್ಪವನೆ ನಾರಯಣ |

ನಿತ್ಯ ಮೋಕ್ಷಾಶ್ರಯನೆ ನಾರ-ದ

ನಿತ್ಯ ನಾರಾಯಣನೆ ಮುಕ್ತಿಯು

ನಿತ್ಯ ಸತ್ಯ ವಿಚಿತ್ಯ ನೀನರಿ ಸಚ್ಚಿದಾತ್ಮಕನೆ || ೧೦೬ ||

ರವಿಯೆ ಸೂರ್ಯನೆ ಲೋಕ ಬೆಳಗುವ

ರವಿಯೆ ನೀನಜ್ಞಾನತಮಸಿಗೆ

ಹವಿಯೆ ಹೋಮನೆ ಹೋತೃ ಫಲದಾತಾರ ಶ್ರೀಕೃಷ್ಣ |

ಕವಿಯೆ ಸರ್ವಜ್ಞಾತ್ಮ ಶ್ರೀಹರಿ

ಸವಿಯೆ ಪರಮಾನಂದವನು ತವ

ಗವಿಯ ಹೊಗು ನಿನ್ನೊಳಗಿರುವ ಸರ್ವಾತ್ಮನೀಶ್ವರನ || ೧೦೭ ||

ಆದಿತ್ಯಃ ಕಂಸಹಾ ನಾಥೋ ನವನಾರಾಯಣೋऽಮರಃ |

ಋತಂ ಸತ್ಯಂ ಪರಬ್ರಹ್ಮ ಬ್ರಹ್ಮೋऽಪೇನ್ದ್ರೋ ಮಹೇಶ್ವರಃ ||೧೮||(೧೧೮)

ಆದಿತೇಯನನದಿತಿಪುತ್ರನ-

-ನಾ ದಿನಪ ಕಶ್ಯಪನ ಪುತ್ರನ-

-ನಾದಿಜ್ಯೋತಿಯ ಪರಂಜ್ಯೋತಿಯ ಲೋಕಚಕ್ಷುವಿನ |

ಆದಿದೇವನ ಲೋಕವಂದಿತ-

-ನಾದಿ ಶ್ರೀಪ್ರತ್ಯಕ್ಷದೇವನ-

-ನಾದಿಯಲೆ ನಮಿಸುವೆನಾದಿತ್ಯನ ಕೃಷ್ಣನಾತ್ಮಕನ  || ೧೦೮ ||

ಕಂಸಹಾ ಕಂಸಹತಿಗೈದಿಹ

ಕಂಸಮಾವನ ದೌಷ್ಟ್ಯನಾಶಕೆ

ಹಂಸವಾಹನಪಿತನೆ ಕೃಷ್ಣನ ರೂಪ ತಾ ತಳೆದ |

ಕಂಸಸೋದರಿ ದೇವಕಿಯ ಸುತ

ಕಂಸನರಿ ತಾನಷ್ಟಮಾಂಶದಿ

ಕಂಸನೇ ಮೊದಲಾದ ದುಷ್ಟರ ತರಿಯಲವತರಿಸಿ || ೧೦೯ ||

ನಾಥ ಮಚ್ಛೇಂದ್ರಾಖ್ಯ ರೇವಣ

ನಾಥ ಭರ್ತೃಹರಿಯು ಜಾಲಂಧರ

ನಾಥ ವಟಸಿದ್ಧಾಖ್ಯ ನಾಗನು ನಾಥ ಗೋರಕ್ಷ |

ನಾಥ  ಚರಪಟಿ ನಾಥ ಕಾನಿಫ

ನಾಥ ಗಹನಿಯು ನಾಥ ನವರು ಸ

ನಾಥರಾದರು ದತ್ತನಿಂ ನವನಾರಯಣರಿಂದ || ೧೧೦ ||

ನವನಾರಾಯಣರು ನೀನೇ

ಭವನ ಪಾರಾಯಣನು ಕೃಷ್ಣನೆ

ನವ ಪುರಾಣ ಸನಾತನೇಶ್ವರನಾದಿನಾರಯಣ |

ಕವಿ ಚಮಸ ದ್ರುಮಿಲಂತರಿಕ್ಷ ತಾ

ನವಿಹೋತೃ ಹರಿ ಪಿಪ್ಪಲಾಯನ

ಭುವಿ ಪ್ರಬುದ್ಧಿಯು ಕೃಷ್ಣ ಕರಭಾಜನನು ತಾನಿಹನು || ೧೧೧ ||

 

ಅಮರ ಹರಿ ತಾನಮರವಂದ್ಯನು

ವಿಮಲಚರಿತನು ತಾನುಪೇಂದ್ರನು

ಕಮಲರಮಣನು ಮಹಿಯ ವಲ್ಲಭ ರುಕ್ಮಿಣೀಶ ಗುರೋ |

ಸಮರವಿಜಯಿಯು ಸತ್ಯಧರ್ಮದ

ಭ್ರಮರಗಳಿಗಾಶ್ರಯನು ಮಧುರನು

ಯಮನ ಯಮನಮೃತದನು ತಾನಜರನಜ ತಾ ನಿತ್ಯ || ೧೧೨ ||

ಋತನೆ ಕೃಷ್ಣನೆ ಲೋಕನಿಯತಿಯೆ

ಹಿತನೆ ಸರ್ವರ ಪಿತನೆ ಬೊಮ್ಮನ

ಗತಕು ಭವಿತವ್ಯಕ್ಕು ಸೇತುವು ಕಾಲಕಾಲನೆ ನೀ |

ಹಿತದ ಜಲ ಮಾನಸಿಕ ಸತ್ಯನೆ

ಸತತವಿರುತಿಹ ಕರ್ಮಫಲ ಹರಿ

ವಿತತ ಬೊಮ್ಮನೆ ರುದ್ರ ಸತ್ಯಾಚಾರ ಕ್ರತು ಮೋಕ್ಷ || ೧೧೩ ||

ಸತ್ಯ ಶಾಶ್ವತ ನಿತ್ಯ ಸಂತತ

ಸತ್ಯ ನಾರಾಯಣನೆ ಕೃಷ್ಣನೆ

ಸತ್ಯ ಸಚ್ಚಿತ್ಸುಖನೆ ಬೊಮ್ಮನೆ ಶಪಥ ಶ್ರೀಹರಿಯೆ |

ನಿತ್ಯ ನಿರ್ಮಲ ಶುದ್ಧ ತತ್ತ್ವನೆ

ಸತ್ಯನಶ್ವತ್ಥಾತ್ಮ ತಥ್ಯನ-

-ನತ್ಯಂತ ಶಾಶ್ವತನೆ ಮುಕ್ತನೆ ಸಚ್ಚಿದಾನಂದ || ೧೧೪ ||

ಪರಬ್ರಹ್ಮನೆ ಪರಮಕಾರಣ

ಸ್ವರಬ್ರಹ್ಮನೆ ಪ್ರಣವಕಾರಣ

ಗುರುಬ್ರಹ್ಮನೆ ಪರಮಗತಿ ಪರಗತಿಯೆ ಶ್ರೀಕೃಷ್ಣ |

ಸುರಬ್ರಹ್ಮನೆ ದೇವದೇವನೆ

ನರಬ್ರಹ್ಮನೆ ಭೂಸುರೇಂದ್ರನೆ

ಹರಬ್ರಹ್ಮಾತ್ಮಕನೆ ನಾರಾಯಣನೆ ಶರಣೆಂಬೆ || ೧೧೫ ||

ಬ್ರಹ್ಮ ಸರ್ವದ ಸೃಷ್ಟಿಕಾರಣ

ಬ್ರಹ್ಮ ಶಾರದೆರಮಣ ಸದ್ಗುರು

ಬ್ರಹ್ಮ ಸಿರಿಹರಿನಾಭಿಕಮಲಜ ಕೃಷ್ಣ ನೀನಯ್ಯ |

ಬ್ರಹ್ಮ ನಾಲ್ಮೊಗರೂಪಿ ನೀನೈ

ಬ್ರಹ್ಮ ಬೃಹತನೆ ಬೊಮ್ಮ ಮಹತನೆ

ಬ್ರಹ್ಮ ಬೃಂಹಣ ವಿಸ್ತರಾತ್ಮಕ ವಿಸ್ತರಿಸು ಸತ್ಯ || ೧೧೬ ||

ಉಪೇಂದ್ರನೆ ಹರಿ ವಾಮನಾತ್ಮಕ-

-ನುಪೇಂದ್ರನೆ ನೀನಿಂದ್ರನನುಜನೆ

-ಯುಪೇತನೆ ವಟು ಕಶ್ಯಪಾದಿತಿಜ ತ್ರಿವಿಕ್ರಮನೆ |

ಅಪೇಕ್ಷಿಸೆ ವಿಭವಗಳ ಶ್ರೀಹರಿ

-ಯುಪೇಕ್ಷಿಸದಿರು ನಿನ್ನ ದಾಸನ-

-ನುಪೇಂದ್ರನೆ ತೋರಿಕೆಯು ಸಟೆ ಸರ್ವಾತ್ಮ ನೀ ದಿಟವು || ೧೧೭ ||

ಮಹೇಶ್ವರ ಸರ್ವೇಶ ಶ್ರೀಪ್ರಭು-

-ವಿಹೇಶ್ವರ ಪರದೀಶ್ವರನೆ ಗುರು

ಗುಹೇಶ್ವರ ಮಹದಾದಿಗಳ ಪತಿಯೀಶ್ವರೇಶ್ವರನು |

ಮಹೇಶ್ವರ ಮಹಿಮಾತಿಶಾಯಿಯೆ

ಮಹೇಶ್ವರ ಗರಿಮೆಯಲಿ ಶ್ರೇಷ್ಠನೆ

ಮಹೇಶ್ವರ ಸಕಲೇಶ ಸರ್ವಾತ್ಮಕನೆ ಪರಬೊಮ್ಮ || ೧೧೮ ||

ಶ್ರೀಪತಿಃ ಪರತತ್ತ್ವಶ್ಚ ಪುರಾತನಶ್ಚ ಭೂಪತಿಃ |

ಪ್ರಗ್ರಹಶ್ಶಾಶ್ವತಶ್ಚೇತಾ ನಿರ್ವಿಕಾರೋ ಧನಞ್ಜಯಃ ||೧೯||(೧೨೭)

ಶ್ರೀಪತಿಯೆ ಸಿರಿವಲ್ಲಭನೆ ಹರಿ

ಭೂಪತಿಯೆ ಗೋವಿಂದ ಮಾಧವ

ಹೇ ಪತಿಯೆ ಮೂರ್ಲೋಕದೊಡೆಯನೆ ದೇವ ನಾರಯಣ |

ತಾಪ ಮೂರನು ನಾಶಮಾಡುವ

ಗೋಪ ಗೋಕುಲನಾಥ ದೇವಕಿ

ತಾಪಹಾರಕ ವಾಸುದೇವನೆ ರಕ್ಷಿಸನವರತ || ೧೧೯ ||

ಪರತತ್ತ್ವ ಪರಬೊಮ್ಮ ಕೃಷ್ಣನೆ

ಪರಗತಿಯೆ ವರತತ್ತ್ವರೂಪನೆ

ಪರಮಾತ್ಮತತ್ತ್ವಸ್ವರೂಪ ಶ್ರೀಹರಿ ದೇವ ಪರಮೇಶ |

ಪರಮ ಸಾತ್ತ್ವಿಕ ನಾಮರೂಪನೆ

ಪರಮ ನಿರ್ಗುಣ ಮೂಲರೂಪನೆ

ಚರಮಗತಿ ನೀ ಲೋಕಕೆಲ್ಲವು ಸರ್ವರಂತಃಸ್ಥ || ೧೨೦ ||

ಪುರಾಣನು ನಿ-ತ್ಯನೂತನ ಹರಿ

ಪುರಾತನ ಸ-ತ್ಯಸಾಧ್ಯನು ಗುರು

ಪರಾತ್ಮನು ಸಜ್ಜನರ ರಕ್ಷಕ ಧರ್ಮಸಂರಕ್ಷ |

ಹರಾತ್ಮಕ ಸಚ್ಚಿದಾತ್ಮಕನಜ

ಪುರಾಧಿಪ ಪರಂಜ್ಯೋತಿ ಪ್ರಾಣನೆ

ಚರಾಚರಗುರು ಸನಾತನ ಚಿರಜೀವಚೈತನ್ಯ || ೧೨೧ ||

ಭೂಪತಿಯೆ ಭೂದೇವಿರಮಣನೆ

ಗೋಪತಿಯೆ ಗೋಪಾಲ ಕೃಷ್ಣನೆ

ಹೇ ಪರಮ ಪುರುಷೋತ್ತಮನೆ ಹರಿ ಗೋಕುಲೋತ್ತಂಸ |

ಕಾಪುರುಷಶಿಕ್ಷಕನೆ ಗೋಪನೆ

ಗೋಪಿಹೃದಯನೆ ಗೋಪಬಾಲನೆ

ಕಾಪು ನೀನೆ ಸುಧರ್ಮ ಸತ್ಯಕೆ ಭೂಪ ಧರಣೀಶ || ೧೨೨ ||

ಪ್ರಗ್ರಹನೆ ಪ್ರಕೃಷ್ಟ ಗ್ರಹಣನೆ

ವಿಗ್ರಹನೆ ಜಗರೂಪಿ ಕೃಷ್ಣನೆ

ನಿಗ್ರಹನೆ ಶರಣಾಗತನ ಕರಣಂಗಳಿಗೆ ಹರಿಯೆ |

ಸುಗ್ರಹನೆ ಮಣಿದಂಥ ಭಕ್ತಗೆ

ದುರ್ಗ್ರಹನೆ ದುಷ್ಟಾತ್ಮರುಗಳಿಗೆ

ವ್ಯಗ್ರನರಹರಿಯುಗ್ರರಿಗೆ ತಾನಗ್ರಪೂರುಷನೆ || ೧೨೩ ||

ಹರಿಯೆ ನೀ ಶಾಶ್ವತನೆ ನಿತ್ಯನೆ

ಬರಿಯ ಮಾಯೆಯು ಸೃಷ್ಟಿಯೆಂಬುದ-

-ನರಿತುಕೊಂಡರೆ ಶಾಂತಿ ಮುಕುತಿಯು ಬದುಕಿನಲ್ಲಿಹುದು |

ಸುರಿವುದಮೃತಾನಂದವರ್ಷವು

ಮರೆವುದಾಕರ್ಷಣೆಯ ಲೌಕಿಕ

ಗುರಿಯು ಜೀವನ್ಮುಕ್ತಿ ಕೈವಶ ಕೃಷ್ಣಕೃಪೆಯಿಂದ || ೧೨೪ ||

ಚೇತನವು ಚಿತ್ತದ ಪ್ರವೃತ್ತಿಯು

ಚೇತನಾತ್ಮಕನೀತ ಚೇತಾ

ಚೇತನವ ತುಂಬುತ ಪ್ರಚೋದನೆ ಕೊಡುವ ಶ್ರೀಕೃಷ್ಣ |

ಚೇತನವು ನವಶಕ್ತಿ ತುಂಬುತ

ಪಾತಕವ ಚರಿಸದೇ ನಿತ್ಯವು

ಹಾತೊರೆದು ಜನಹಿತವ ಗೈಯುವ ಭಕ್ತಿ ನೀಡೆಮಗೆ || ೧೨೫ ||

ವಿಕಾರವನೆಂದಿಗೂ ಹೊಂದದ

ವಿಕಾರೇತರ ನಿರ್ವಿಕಾರನೆ

ವಿಕಾರಾತ್ಮಕ ಲೋಕಕೇ ಕಾರಣನು ಶ್ರೀಕೃಷ್ಣ |

ಸಕಾರಾತ್ಮಕ ಧೋರಣೆಯಲಿ

ವಿಕಾರಗಳೆಲ್ಲವನು ಮೀರುತ

ಪ್ರಕಾರಾಂತರ ತಾಳದಿಹ ಪರತತ್ತ್ವವನು ಭಜಿಪೆ || ೧೨೬ ||

ಧನವ ಜಯಿಸುತ ಧನಂಜಯನೆ ನೀ

ಧನಲಕುಮಿವರ ಮಹಾವಿಷ್ಣುವೆ

ಘನಮಹಿಮ ಪಾಂಡವರ ಮಧ್ಯದಿ ನರನು ನೀನಹುದು |

ಸನುಮತದಿ ಬೋಧಿಸಿದೆ ಗೀತೆಲಿ

ಜನುಮ ಮರಣದ ಬಂಧ ಕಳೆಯೆಲೊ

ಹನುಮಪ್ರಿಯ ಭೀಮಾತ್ಮನನುಜನೆ ನಾಗ ಶ್ರೀಕೃಷ್ಣ || ೧೨೭ ||

ಪಾವಕೋ ಮಾರುತಸ್ತೋಯಶ್ಚಾಗಾಧೋ ಭಕ್ತವತ್ಸಲಃ |

ಬುದ್ಧಿಶ್ಶುದ್ಧಿರ್ಜಿತಾಮಿತ್ರೋ ದ್ವಾರಕಾಧಿಪತಿರ್ವಿರಾಟ್ ||೨೦||(೧೩೭)

ಪಾವಕನೆ ತಾನನಲ ವಹ್ನಿಯೆ

ತಾವಕವು ಸುಡುವಗ್ನಿಶಕ್ತಿಯು

ಪಾವನಾತ್ಮನೆ ಗಾರ್ಹಪತ್ಯನೆ ದಕ್ಷಿಣಾಗ್ನಿ ಹರಿ |

ಪಾವಕಾಹವನೀಯ ಕೃಷ್ಣನೆ

ಭಾವಕೊಲಿವನೆ ಭಕ್ತಪ್ರೀಯನೆ

ಕಾವ ಭಕ್ತಜ್ಞಾನಿಗಳ ಪಾಪಗಳ ದಹಿಸುತಲಿ || ೧೨೮ ||

ಮಾರುತನೆ ತಾನನಿಲ ವಾಯುವೆ

ಬೀರುತಲಿ ಪೊಸ ಘಮಲುಗಳ ಬಲು

ಸಾರುತಿಹೆ ನೀ ಮುಖ್ಯಪ್ರಾಣನ ಹೃತ್ಕಮಲವಾಸಿ |

ಸೋರುತಿಹ ಮನಕರಣಶಕ್ತಿಯ

ತೋರುತಲಿ ದಯೆ ಕಾಯೊ ಕೃಷ್ಣನೆ

ಪಾರುಗಾಣಿಸೊ ನೀಡಿ ಜ್ಞಾನ-ವಿರಕ್ತಿ-ಭಕ್ತಿಗಳ || ೧೨೯ ||

ತೋಯ ನೀ ಜಲ ವಾರಿ ನೀರನು-

-ಪಾಯ ಜೀವನ ಜೀವಧಾತುವ-

-ಪಾಯಕಾಲದಿ ಗಂಗೆ ಮುಕುತಿಯ ಸಂಜ್ಞೆ ಶ್ರೀಕೃಷ್ಣ |

ಹೇ ಯಮುನೆತೀ-ರದ ವಿಹಾರಿಯ-

-ಹೇಯನನುಪಾದೇಯನಾತ್ಮನ-

-ಮೇಯ ಬೊಮ್ಮನೆ ಸಕಲರಂತರ್ಯಾಮಿ ಸರ್ವೇಶ || ೧೩೦ ||

ಅಗಾಧನೆ ಹರಿಯಾಳ ನಿಲುಕದ

ಪ್ರಗಾಢನೆ ದೃಢನತಿಗಭೀರನೆ

ವಿಗಾನಕೆ ಕಿವಿಗೊಡದ ಮೌನಿಯೆ ಜ್ಞಾನಸಾಗರನೆ |

ಸುಗಾನಕೆ ಮನಕರಗಿ ವರದನೆ

ನಗಾದಿಸ್ಥಿತಶಯನ ಕೃಷ್ಣನ-

-ವಗಾಹನಪ್ರಿಯಪ್ರಿಯನೆ ಕೇಶವನಾದಿನಾರಯಣ ||೧೩೧ ||

ಭಕ್ತವತ್ಸಲ ಶ್ರೀಶ ಶ್ರೀಹರಿ

ನಕ್ತಚರಸಂಕ್ಷೋಭ ಕೃಷ್ಣ ವಿ-

-ವಿಕ್ತಸೇವಿಗಳಾತ್ಮ ಜನಮಾನಸದಿ ಸಂಚಾರಿ |

ಶಕ್ತರಲಿರುವ ಶಕ್ತಿ ತಾನಿಹ

ಭಕ್ತರಲಿರುವ ಭಕ್ತಿ ತಾನಿಹ

ಭಕ್ತನನು ಮಗುವಂತೆ ಕಾಯುವ ಭಕ್ತನೇಹಿಗನೆ || ೧೩೨ ||

ಬುದ್ಧಿರೂಪ ಪ್ರಬುದ್ಧರೂಪನೆ

ಬುದ್ಧಿಚೋದಕ ಪ್ರೇರಕನೆ ಹರಿ

ಬುದ್ಧಿಶುದ್ಧಿಪ್ರದನೆ ನಿರ್ಮಲ ನಿರ್ಮಮನೆ ಕೃಷ್ಣ |

ಗದ್ದಿಗೆಯ ಬಯಸದನೆ ತ್ಯಾಗಿಯೆ

ಮುದ್ದಿನಾತ್ಮೀಯ ಹರಿ ಯೋಗಿಯೆ

ಸುದ್ದಿ ಮಾಡದೆ ಶುದ್ಧಿ ಮಾಡುವ ಪರಮದೀಧಿತಿಯೆ || ೧೩೩ ||

ಕರಣಶುದ್ಧೀಕರಣಕಾರಣ

ಹರಣಶುದ್ಧೀಕರಣಕಾರಣ

ಮರಣಶುದ್ಧೀಕರಣಕಾರಣ ಶುದ್ಧಿ ಶ್ರೀಕೃಷ್ಣ |

ಚರಣಕಮಲದ್ವಯಕೆ ಪೊಡಮಡು-

-ತರುಣಕರಕಮಲಾತ್ಮಕನನತಿ-

-ಶರಣು ಹೊಂದುತಲಿರುವೆ ಚಿತ್ತವಿಶುದ್ಧಿಗೊಳಿಸಯ್ಯ || ೧೩೪ ||

ಜಿತಾಮಿತ್ರನಮಿತ್ರಸೂದನ

ಜಿತಾರೀಶ್ವರ ದುಷ್ಟವಾರಣ-

-ಜಿತಾಧಿಪನಪರಾಜಿತನೆ ಜಿತವೈರಿ ಶ್ರೀಹರಿಯೆ |

ಹತಾಸುರತತಿ ಹಿತಾಹಿತದನೆ

ಸುತಾದಿಗಳಿಗೆ ಹಿತೋದ್ಬೋಧನ-

-ಮಿತಾಕ್ಷರಿ ಹರಿ ಕೃಷ್ಣ ಸಂತತ ಪೊಡಮಡುವೆ ನಿನ್ನ || ೧೩೫ ||

ದ್ವಾರಕಾವತಿಯಧಿಪತಿಯೆ ಹರಿ

ದ್ವಾರಕಾಧೀಶ್ವರನೆ ಕೃಷ್ಣನೆ

ದ್ವಾರ ಕಾಯ್ವನೆ ಬಲಿಯ ಸುತಲದಿ ಭಕ್ತವತ್ಸಲನೆ |

ಆರ ಮೊರೆಹೊಗಲಿವನನಲ್ಲದೆ

ಯಾರ ನುತಿಸಲಿಯಾತ್ಮನಲ್ಲದೆ

ಸಾರ ನಿಖಿಲದ ಮೂಲ ನಾಮಾತೀತ ನೀರೂಪ || ೧೩೬ ||

ವಿರಾಟ್-ಪುರುಷ ವಿಶಿಷ್ಟ ರಾಜಿಪ

ವಿರಾಡ್ರೂಪನೆ ವಿಶ್ವರೂಪನೆ

ವಿರಾಜಿತ ನೀ ಸೃಷ್ಟಿವೈವಿಧ್ಯದವೊಲೀಶ್ವರನೆ |

ಸ್ವರಾಜನೆ ಪರಮಾತ್ಮ ಬೊಮ್ಮನೆ

ವಿರಾಜನೆ ನಿನಗಿಲ್ಲ ರಾಜನು

ಸುರಾಜರ ಲೋಕಕ್ಕೆ ಕರುಣಿಸು ರಾಮ ಶ್ರೀಕೃಷ್ಣ || ೧೩೭ ||

ತ್ರಿವಿಕ್ರಮಃ ಪೂರ್ಣಕಾಮಃ ಪರೇಶೋऽಮಿತವಿಕ್ರಮಃ |

ಧನುರ್ಧರಶ್ಚ ಶತ್ರುಘ್ನೋऽನಿರುದ್ಧಶ್ಚ ಗದಾಧರಃ ||೨೧||(೧೪೫)

ತ್ರಿವಿಕ್ರಮ ಹರಿ ಭೂರಿ ವಿಕ್ರಮ-

-ನವಿಕೃತನೆ ಮೂರ್ಲೋಕವಳೆದನೆ

ಸವಿವ ಜೀವರ ರೂಪಿನಲಿ ಸೃಷ್ಟಿಯ ವಿಚಿತ್ರವನು |

ನವಿರು ಹಾಸನೆ ಬಾಲಕೃಷ್ಣನೆ

ಕವಿದ ಮೂಢತೆ ಕಳೆಯಲೀಗಲುದ್-

-ಭವಿಸು ಲೋಕದಿ ಶಿಷ್ಟರಕ್ಷಣೆ ದುಷ್ಟಶಿಕ್ಷಣಕೆ || ೧೩೮ ||

ಪೂರ್ಣಕಾಮನವಾಪ್ತಕಾಮನೆ

ಪೂರ್ಣ ಪೂರೈಸಿರುವ ಕಾಮನೆ

ಪೂರ್ಣ ಪೂರಣ ತುಂಬಿ ಹಿಂತಿರುಗುತಿಹ ಕಾಮಪಿತ |

ಪೂರ್ಣವಾಗದ ಬಯಕೆಯಿಲ್ಲವು

ಪೂರ್ಣಪೂರ್ಣವ ಮೀರಿ ನಿಂತಿಹ

ಪೂರ್ಣ ಜಗಪತಿ ಜಗವ ತುಂಬಿಹ ತತ್ತ್ವ ಶ್ರೀಕೃಷ್ಣ || ೧೩೯ ||

ಪರೇಶನೆ ಪರಮೇಶ ಕೇಶವ

ಪರೇಶ್ವರ ಪರಮಾತ್ಮ ಕೃಷ್ಣನೆ

ಸುರೇಶನೆ ಪ್ರಕೃತೀಶ ಪುರುಷನೆ ಪರಾತ್ಪರ ಪ್ರಭುವೆ |

ನರೇಶೇಶ್ವರ ಸುರೇಶೇಶ್ವರ-

-ಮರೇಶೇಶ್ವರ  ಪಶುಗಳಧಿಪನೆ

ಹರೇ ಮಾಧವ ಶಕ್ತ್ಯಭಿನ್ನನೆ ಸರ್ವಶಕ್ತ ಗುರೋ || ೧೪೦ ||

ಅಮಿತವಿಕ್ರಮ ಕೃಷ್ಣ ಸುಕ್ರಮ-

-ನಮಿತ ಮಿತಿಯಿರದಂಥ ಶೂರನು

ತಿಮಿರನಾಶಕ ಜ್ಞಾನಸೂರ್ಯ ವಿಶೇಷ ಕ್ರಮಯುತನೆ |

ನಮಿಪ ಭಕ್ತರಿಗೊಲಿವ ದೇವನೆ

ಘಮಿಪ ಗಂಧ ಸುಗಂಧ ಲೇಪಿತ

ನಮಿಸುವೆನು ಶಿರಬಾಗಿ ಚರಣಕೆ ಭಕ್ತಕರುಣಾಳು || ೧೪೧ ||

ಧನುರ್ಧರ ಶಾರ್ಙ್ಗವನು ಧರಿಸುತ

ಧನುವ ಧರಿಸಿಹ ಶಾರ್ಙ್ಗಪಾಣಿಯೆ

ಹನುಮನುತ ಕೋದಂಡರಾಮನೆ ಕೃಷ್ಣ ತಾನಿಹನು |

ಜನುಮ ಬಂಧವ ಕಳೆಯೊ ಶ್ರೀಹರಿ-

-ಯನುದಿನದ ಮಾಯೆಗಳ ಕಳೆಯುತ-

-ಲನುವ ಮಾಡೈ ಕಾಮ ಮೋಹಾದಿಗಳ ಕಳೆಯುತಲಿ || ೧೪೨ ||

ಶತ್ರುಗಳ ಸಂಹರಿಸಿ ಸುಜನರ

ಮಿತ್ರರಂದದಿ ರಕ್ಷಿಸುವ ಹರಿ

ಶ-ತ್ರುಘ್ನ ಕೃಷ್ಣ ಸುಧರ್ಮರಕ್ಷಕ ಭಕ್ತರಾಧೀನ |

ಸತ್ರ ಗೈಯುವೆ ನಿನ್ನ ಜ್ಞಾನದ

ಚಿತ್ರಿಸುವೆ ನಾ ನಿನ್ನ ಲೀಲೆಯ

ಚಿತ್ರ ವೈಚಿತ್ರ್ಯದ ಪ್ರಪಂಚವು ಮಿಥ್ಯ ನೀ ಸತ್ಯ || ೧೪೩ ||

ಎಚ್ಚರದಿಯನಿರುದ್ಧನಾಗುತ-

-ಲೆಚ್ಚರಿಪೆಯನುದಿನವು ಜೀವರ-

-ನೆಚ್ಚರೆಚ್ಚರವಾಗು ಮಾಯಾಸುಪ್ತಿಯಿಂದ |

ತ್ವಚ್ಚರಿತೆಯನುಪಮವು ಲೋಗರ-

-ನುಚ್ಚರಿಸೆ ಪಾಪತತಿ ಭಸ್ಮವು

ಸಚ್ಚರಿತ ಬಿಡಿಸಯ್ಯ ಭವಪಾಶಗಳ ನೀ ಬೇಗ || ೧೪೪ ||

ಗದೆಯ ಧರಿಸಿ ಗದಾಧರನು ಹರಿ

ಸುಧೆಯ ಸುರಿಸಿ ಸುಧಾಶಯನು ಹರಿ

ವಧೆಯ ಗೈದಸುರಾಂತಕನೆ ಕೌಮೋದಕೀಯ ಹರಿ |

ಅದೆ ಕು ಭೂಮಿಗೆ ಮೋದ ನೀಡುವ-

-ನಿದಕೆ ಕೃಷ್ಣ ಕುಮೋದಕನು ತವ

ಗದೆಯು ಕೌಮೋದಕಿಯು ಭೂಭಾರವನು ಹರಿಯುತಿದೆ || ೧೪೫ ||

ಸುದರ್ಶನೋ ಹಯಗ್ರೀವೋ ನೃಹರಿಃ ಪಾಪಹಾರಕಃ |

ಸಙ್ಕರ್ಷಣೋऽತ್ರಿವನ್ದ್ಯಶ್ಚಾನಸೂಯಜೋऽಕ್ಷರಪ್ರಭುಃ ||೨೨||(೧೫೩)

ಹರಿಯೆ ನೀ ಸುಂದರ ಸುದರ್ಶನ

ಹರಿಯೆ ಸುಂದರ ದರ್ಶನನೆ ಶ್ರೀ

ಕರಿಯ ಕೈಹಿಡಿದಂಥ ಮಹಿಮನೆ ಶ್ರೀಪತಿಯೆ ಕೃಷ್ಣ |

ತರಿವೆ ನೀನಸುರರನು ಚಕ್ರದಿ

ಹರಿಯೆ ಶ್ರೀಚಕ್ರವನು ಪಿಡಿದಿಹ

ಪರಿಯು ಕಾಲದ ಚಕ್ರ ಚಾರು ಸುದರ್ಶನಾತ್ಮಕನೆ || ೧೪೬ ||

ಶ್ರೀಹರಿಯೆ ಕುದುರೆಯ ಸ್ವರೂಪದಿ

ಹೇ ಹಯಗ್ರೀವನೆ ಮಹಾತ್ಮನೆ

ನೀ ಹನನ ಗೈದಿಹೆ ಹಯಗ್ರೀವಾಸುರನ ತಮನ |

ಆಹ! ವೇದಪ್ರೀತಿಯೆನಿತಿದು

ಸಾಹಸದಿ ನಿಗ್ರಹಿಸಿ ಚೋರನ

ಪಾಹಿಯೆಂದಿಹ ಬೊಮ್ಮದೇವನ ಕಾದೆ ಪ್ರಳಯದಲಿ || ೧೪೭ ||

ನರಹರಿಯೆ ನರಸಿಂಹ ನೃಹರಿಯೆ

ಹಿರಣ್ಯಕಶಿಪುವ ಸಂಹರಿಸಿ ನೀ

ತರಳ ಪ್ರಹ್ಲಾದನನು ಕಾಯ್ದುದ್ಧರಿಸಿದೆಲೆ ಹರಿಯೆ |

ಕರುಣೆಯಿಂದಲಿ ನಿನ್ನ ಭಕ್ತನ

ಕರುವ ಗೋವ್ಕಾಯ್ದಂತೆ ಸಲಹಿದೆ

ಬರುವ ವಿಘ್ನವ ಕಳೆದು ಭಕ್ತಿ ವಿರಕ್ತಿ ಜ್ಞಾನ ಕೊಡು || ೧೪೮ ||

ಪಾಪಹಾರಕ ಹರಿಯೆ ಕೃಷ್ಣನೆ

ತಾಪ ಮೂರರ ಹರಿವ ಶ್ರೀಹರಿ

ಕಾಪ ನೀನಿತ್ತಖಿಲ ಸುಜನರ ಭಕ್ತರುದ್ಧರಿಸು |

ಭೂಪ ಶ್ರೀಪಾದಿಗಳ ಸುಚರಿತೆ

ಕೂಪ ಸರಿತಾದಿಗಳ ಜಲನಿಧಿ

ಪಾಪ ಗೈಯದ ತೆರದಿ ಕಾಯೊ ಮಹಾನುಭಾವ ವಿಭೋ || ೧೪೯ ||

ದೇವ ಸಂಕರ್ಷಣನೆ ನಿದ್ದೆಲಿ

ಜೀವರನು ಕಾವಂಥ ಕೃಷ್ಣನೆ

ಹೂವನೀವೆ ಸರಸ್ವತೀವಾಙ್ಮಯದ ನೀನಿತ್ತ |

ಜೀವರನು ಸುಪ್ತಿಯಲಿ ಮಲಗಿಸಿ

ಕಾವ ಮರುಜನ್ಮದವೊಲಮಿತನೆ

-ಯೀವ ಜಾಗ್ರತ್ ಸ್ಥಿತಿಯ ಸಮ್ಯಕ್ ಕರ್ಷಿಸಿದ ಬಳಿಕ || ೧೫೦ ||

ಅತ್ರಿವನ್ದ್ಯನೆಯತ್ರಿಪುತ್ರನೆ

-ಯತ್ರ ತತ್ರ ಸ್ಥಿತನೆ ಬೊಮ್ಮನೆ

-ಯತ್ರಿ ಮೂರು ಸ್ಥಿತಿವಿರಹಿತನೆ ತ್ರಿಪುಟಿಯಾಚೆಯಿಹ |

ಶಾಸ್ತ್ರಿ ಶಾಸನ ಗುರುವನಾದಿಯು

ಹೇ ತ್ರಿಮೂರ್ತಿಸ್ವರೂಪ ಕೃಷ್ಣನೆ

-ಯತ್ತಿಯುಂಡನೆ ಗಾಂಗತೋಯವನೊಂದು ಮುಕ್ಕುಳಿಲಿ || ೧೫೧ ||

ಪರಮಪತಿವ್ರತೆಯನಸೂಯೆಯಲಿ

ವರ ಸುಜನ್ಮದ ತೆರದಿ ಬಂದಿಹ-

-ನವರಮಿತ್ರ ಸಮಾನನೇತ್ರ ವಿಚಿತ್ರ ಸಚ್ಚರಿತ |

ಗುರುವೆ ತಾನನಸೂಯಜನೆ ಹರಿ

ವರದ ದತ್ತಾತ್ರೇಯ ಮುನಿಪನೆ

ಕರಕಮಂಡಲ ಗಾಣಗಾಪುರದೀಶ ಗುರು ದತ್ತ || ೧೫೨ ||

ಅಕ್ಷರಪ್ರಭು ವಿಶ್ವರೂಪನೆ

ಭಿಕ್ಷೆಯೀವನೆ ಭಿಕ್ಷುರೂಪನೆ

ಸ್ವಕ್ಷಯುತ ಜೀವರೊಳು ತಾನಕ್ಷರನು ಕ್ಷರರಹಿತ |

ಅಕ್ಷಯನು ಹರಿಯಾತ್ಮರೂಪನು

ಪಕ್ಷರಹಿತನು ಕಕ್ಷೆರಹಿತನು

ಶಿಕ್ಷಕನು ಲೋಕಕ್ಕೆ ಗುರು ಪತಿಯಚ್ಯುತನೆ ಕೃಷ್ಣ || ೧೫೩ ||

ಸರ್ವಜ್ಞಸ್ಸರ್ವಶಕ್ತಶ್ಚ ಸರ್ವಶರ್ಮಪ್ರದಾಯಕಃ |

ಸರ್ವಗಸ್ಸರ್ವದಶ್ಶರ್ವಸ್ಸರ್ವಲೋಕಪತೀಶ್ವರಃ ||೨೩|| (೧೬೦)

ಸರ್ವಜ್ಞ ಹರಿ ಕೃಷ್ಣ ದೇವನೆ

ಸರ್ವವರಿತಿರುವಂಥ ಕಾವನೆ

ಸರ್ವವೂ ನೀನೆಂಬ ಭಾವನೆ ನಮ್ಮದಾಗಿರಲಿ |

ಸರ್ವ ಜ್ಞಾನದ ಮೂಲ ಬೊಮ್ಮನೆ

ಸರ್ವರಂತರ್ಯಾಮಿ ಶಕ್ತಿಯೆ

ಸರ್ವನಾಮಾಕೃತಿಗಳಾಸರೆ ಮೂಲ ಪರತತ್ತ್ವ || ೧೫೪ ||

ಎಲ್ಲ ಶಕ್ತಿಗಳಾದಿಮೂಲನೆ

ಬಲ್ಲ ಬಲ್ಲಿದನೆಲ್ಲ ಕೃಷ್ಣನೆ

ಸಲ್ಲದಿವನಿದಿರಾರ ಬಲವೂ ಸರ್ವಶಕ್ತ ಹರಿ |

ಕಲ್ಲಲಿರುವನು ಮಣ್ಣಲಿರುವನು

ಸೊಲ್ಲಲಿರುವನು ಕಜ್ಜ ಗೈಸುವ

ಬಿಲ್ಲ ಪಿಡಿದಗೆ ಸಲ್ಲಲಿತನಿಗೆ ವಂದಿಸುವೆ ಮುದದಿ || ೧೫೫ ||

ಸರ್ವಶರ್ಮಪ್ರದಾಯಕನೆ ಹರಿ

ಸರ್ವನರರಿಗೆ ಸುಖವನೀವನೆ

ಸರ್ವಜೀವರ ಕಾವ ಶಾಶ್ವತಸುಖವೆ ಶ್ರೀಕೃಷ್ಣ |

ಸರ್ವಲೋಕಕೆ ಶರ್ಮದಾಯಕ

ಸರ್ವಕಾಲದಿ ಸುಖಪ್ರದಾಯಕ

ಸರ್ವದೇಶವ ಕಾವ ಸೃಜಿಪ ವಿನಾಶ ಗೈವವನೆ || ೧೫೬ ||

ಎಲ್ಲ ಕಡೆಯಲು ಗಮನ ಕೊಡುತಿಹ-

-ನೆಲ್ಲೆಡೆಯು ಗಮಿಸುತಿಹ ಸರ್ವಗ-

-ನೆಲ್ಲ ತೆರದಲು ಗಮನಿಸುವ ಸಂಚರಿಪ ಶ್ರೀಕೃಷ್ಣ |

ಎಲ್ಲವನು ತಾನೊಳಪೊಗುವ ಹರಿ-

-ಯೆಲ್ಲವೂ ತಾನಾಗಿ ಗಮಿಸುವ-

-ನೆಲ್ಲರಿಂದ್ರಿಯದಲ್ಲಿ ಗಮಿಸುವನೆಲ್ಲರನು ಕಾಯ್ವ || ೧೫೭ ||

ನಿಖಿಲವನು ಹರಿಯಿತ್ತು ಸರ್ವದ

ನಿಖಿಲ ವಿಜ್ಞಾನಾದಿ ವಿದ್ಯೆಯ

ನಿಖಿಲ ಬ್ರಹ್ಮಜ್ಞಾನವೈಹಿಕ ಪಾರಲೌಕಿಕವ |

ನಿಖಿಲ ಭಕ್ತರಿಗೀವ ವಾಂಛಿತ

ನಿಖಿಲ ಶಾಂತಿ ಸಮಸ್ತ ಮಂಗಲ

ನಿಖಿಲ ಭಕ್ತಿ ವಿರಕ್ತಿ ಮುಕ್ತಿಗಳೀವ ಶ್ರೀಕೃಷ್ಣ || ೧೫೮ ||

ಸಕಲ ಜೀವರ ಪಾಪ ಕಳೆಯುವ

ಸಕಲರನು ಪ್ರಳಯದಲಿ ನುಂಗುವ

ಶಕಲಚಂದ್ರನ ಶಿರದಿ ಧರಿಸಿದ ಶರ್ವ ಶ್ರೀಕೃಷ್ಣ |

ವಿಕಲಮತಿಗಳ ಶಿಕ್ಷಿಸುವ ಹರ

ಸುಕಲಮತಿಗಳ ಕಾಯ್ವ ಶ್ರೀಹರಿ

ಸಕಲ ಲೋಕದ ಕೊಳೆಯ ಕಳೆಯುವ ಶರ್ವರೂಪದಲಿ || ೧೫೯ ||

ಸರ್ವಲೋಕಪತೀಶ್ವರನೆ ಹರಿ

ಶರ್ವಬ್ರಹ್ಮರಮೇಶಕಾರಣ

ಸರ್ವ ಲೋಕಗಳಧಿಪರಧಿಪತಿ ಕೃಷ್ಣ ಪರಬೊಮ್ಮ |

ಸರ್ವ ತಾನಿಹ ಲೋಕ ತಾನಿಹ

ಸರ್ವ ಪತಿಯಿಹನೀಶ್ವರನೆ ತಾ

ಸರ್ವಮೂಲ ನಿಮಿತ್ತಕಾರಣ ಹರಿಯುಪಾದಾನ || ೧೬೦ ||

ವಿಶ್ವಾನ್ತಕೋ ವಿಶ್ವಮೂಲೋ ವಿಶ್ವಸ್ಥಿತಿಪರಾಯಣಃ |

ವಿಶ್ವಸ್ಥೋ ವಿಶ್ವರೂಪಶ್ಚ ವಿಶ್ವಾಕಾರೋ ಮಹೀಧರಃ ||೨೪|| (೧೬೭)

ಲೋಕವೆಲ್ಲವ ಸಂಹರಿಸುವನೆ

ಪಾಕಶಾಸನವಂದ್ಯ ಕೃಷ್ಣನೆ

ನಾಕಭೂಪಾತಾಳ ನುಂಗುವ ಲಯದಿ ಗ್ರಾಸಿಷ್ಣು |

ಶೋಕನಾಶಕ ಪಾಪನಾಶಕ

ಕಾಕುನಾಶಕ ವಿಶ್ವಾಂತಕನೆ

ಬೇಕುಗಳ ಪೂರೈಸಿ ಬೇಡದ ದೋಷ ಪರಿಹರಿಪೆ || ೧೬೧ ||

ವಿಶ್ವಮೂಲ ಪ್ರಭವಿಷ್ಣು ವಿಧಿ

ನಶ್ವರದ ಜಗವನ್ನೆ ತೋರ್ಪನು

ಶಾಶ್ವತದವೊಲು ಬೊಮ್ಮ ಸತ್ಯ ಜಗತ್ತು ತಾ ಮಿಥ್ಯ |

ಅಶ್ವಕುಲ ಬ್ರಹ್ಮಾಂಡ ಮಂಡಲ

ವಿಶ್ವಕಾರಣ ವಿಶ್ವಗರ್ಭನು

ವಿಶ್ವವೂ ಮೂಲವೂ ಕೃಷ್ಣಾತ್ಮಕವು ಪರಬೊಮ್ಮ || ೧೬೨ ||

ವಿಶ್ವಸ್ಥಿತಿಪರಾಯಣ ಹರಿ 

ವಿಶ್ವಪಾಲಕ ವಿಶ್ವರಕ್ಷಕ

ವಿಶ್ವಪರಿವರ್ತಕ ಪ್ರವರ್ತಕ ವಿಷ್ಣು ಜಗದೀಶ |

ವಿಶ್ವನಾಯಕ ಸರ್ವಹೃದ್ಗತ

ವಿಶ್ವಮೂರುತಿ ವಿಶ್ವಕೀರುತಿ

ವಿಶ್ವ ಪಾಲನನಿರತ ಕಾರಣ ಕೃಷ್ಣ ಪರಬೊಮ್ಮ || ೧೬೩ ||

ವಿಶ್ವಸ್ಥ ಹರಿ ವಿಶ್ವದೊಳಗಿಹ

ವಿಶ್ವದಣು ಕಣದಲ್ಲೂ ನೆಲೆಸಿಹ

ವಿಶ್ವದಸ್ತಿತ್ವವೆ ಪರಾತ್ಪರ ಕೃಷ್ಣ ಸದ್ರೂಪ |

ವಿಶ್ವಸದ್ ವಿಶ್ವದ ಚಿದಾತ್ಮಕ

ವಿಶ್ವದಾನಂದಾತ್ಮಕನೆ ಗುರು

ವಿಶ್ವದಂತರ್ಬಹಿಃಸ್ಥನೆ ಪರಬೊಮ್ಮ ಸರ್ವಾತ್ಮನ್ || ೧೬೪ ||

ವಿಶ್ವರೂಪ ವಿರಾಜಮಾನನೆ

ವಿಶ್ವದಾಕಾರದಲಿ ತೋರ್ವನೆ

ವಿಶ್ವಸೃಷ್ಟಿಗೆ ಕಾರಣನೆ ಜಗರೂಪ ಜಗದೀಶ |

ವಿಶ್ವಮಾನವ ವಿಶ್ವಧೇನುವೆ

ವಿಶ್ವನಾಗಾಸುರಮಹರ್ಷಿಯೆ

ವಿಶ್ವಸಸ್ಯಪ್ರಾಣಿಕ್ರಿಮಿದೇವಾದಿಸರ್ವಾತ್ಮನ್ || ೧೬೫ ||

ವಿಶ್ವಾಕಾರ ಶಾಂತಾಕಾರ

ವಿಶ್ವಾಕೃತಿಯೆ ಸರ್ವಾಕಾರ

ವಿಶ್ವಾತ್ಮಕನೆ ಶರ್ವಾಕಾರ ಬೊಮ್ಮ ಹೇ ವಿಷ್ಣೋ |

ವಿಶ್ವಾಧೀಶ ವಿಶ್ವೇಶ್ವರನೆ

ವಿಶ್ವಂಬರನೆ ವಿಶ್ವಂಭರನೆ

ವಿಶ್ವಮಿಥ್ಯೆಯ ತೋರ್ವ ಮಾಯಾಧೀಶ ಪರಸತ್ಯ || ೧೬೬ ||

ಹೇ ಮಹೀಧರ ಕೃಷ್ಣ ಗಿರಿಧರ

ಭಾಮೆ ಭೂದೇವಿಯನು ಧರಿಸಿಹ

ಕಾಮಪಿತ ವಾರಾಹ ಕನಕಾಕ್ಷಾಂತಕನೆ ಹರಿಯೆ |

ಶ್ರೀಮಹಾಲಕುಮಿಪತಿ ಭೂಪತಿ

ಹೇಮಸಿಂಹಾಸನವಿರಾಜಿತ

ನಾಮ ಸಂಸ್ಮರಣೆಯಲೆ ಕಾಯುವ ಪ್ರೇಮಮೂರುತಿಯೆ || ೧೬೭ ||

ಪಾಣ್ಡವಾಪ್ತೋ ಹೃಷೀಕೇಶಃ ಪುಣ್ಯೋ ಭೂಭಾರಹಾರಕಃ |

ಕೌರವಾದಿಖಲಧ್ವಂಸೀ ಕಾಲನೇಮಿಹರಃ ಪೃಥುಃ ||೨೫|| (೧೭೪)

ಪಾಂಡವಾಪ್ತನೆ ಧರ್ಮಪಕ್ಷನೆ

ಪಾಂಡವರೊಳು ಧನಂಜಯನೆ ಹರಿ

ಪಾಂಡುಪುತ್ರರ ಧರ್ಮರಾಜ್ಯವ ಕಟ್ಟಿ ಬೆಳೆಸಿದನೆ |

ಪಾಂಡವಾರಿಗಳನ್ನು ಕೊಲ್ಲಿಸಿ

ಪಾಂಡುಸುತಗಭಿಷೇಕ ಗೈಯುತ

ಪಾಂಡವರ ರಕ್ಷಿಸುತ ಧರ್ಮವ ಕಾಯ್ದ ಪರಮಾತ್ಮ || ೧೬೮ ||

ಹೃಷೀಕೇಶ ಹೃಷೀಕಗಳ ಪತಿ

ಹೃಷೀಕವದಿಂದ್ರಿಯವು ನೋಡಾ

ಖುಷಿಯ ಖೇದದ ಮನಃಪ್ರಾಣಾಹಂಗಳಧಿಪ ಹರಿ |

ವಿಷಯಗೊಳ್ಳುವ ಬಹಿಃಕರಣಗ

ಳಸಮಶಕ್ತಿಯ ಚಿತ್ತಬುದ್ಧಿಯ

ಹೃಷೀಕಗಳ ನಿಯಂತ್ರಕನು ಪರಮಾತ್ಮ ಶ್ರೀಕೃಷ್ಣ || ೧೬೯ ||

ಪುಣ್ಯ ನೀ ಶ್ರೀಕೃಷ್ಣ ಲೋಕದಿ

ಪುಣ್ಯಕರ್ಮವು ನೀನೆ ದೇವನೆ

ಪುಣ್ಯಕರ್ಮದ ಫಲವು ಫಲದಾತಾರ ತತ್ಕರ್ತಾ |

ಪುಣ್ಯಕರ್ಮದ ಫಲವ ನಾಕದಿ

ಪಣ್ಯವಾಗಿಸಿ ಮುಗಿಸಿ ಮಾನವ

ಗಣ್ಯನಾಗನು ಪುಣ್ಯಪಾಪವ ಮೀರು ನೀನೆಂದ || ೧೭೦ ||

ಭೂಭಾರಹಾರಕನೆ ಶ್ರೀಹರಿ

ನಾಭಿ ಗಗನವು ಪಾದ ಭೂಮಿಯ-

-ದಾಭರಣ ಸಂಪದವು ಲಕುಮಿಯು ವಿಷ್ಣುವಲ್ಲಭೆಯು |

ಸಾಭಿನಯ ಚತುರಾವತಾರಿಯು

ಗೋಭೂಮಿಪತಿ ದುಷ್ಟಮರ್ದನ

ಭೂಭಾರಹರಣದ ಕಾರಣನೆ ಸದ್ಧರ್ಮಸ್ಥಾಪಕನೆ || ೧೭೧ ||

ಕೌರವಾದಿಖಲಧ್ವಂಸಿಯೆ

ಕೌರವಾದಿಗಳಂಥ ದುಷ್ಟರ

ಗೌರವಾನರ್ಹರ ಕುಧರ್ಮರ ಧ್ವಂಸಗೈದ ಹರಿ |

ರೌರವಾದಿಗಳಂಥ ನರಕದ

ಕ್ರೂರದರ್ಶನ ಮಾಡಿಸಿದ ನಿಜ

ಸಾರಧರ್ಮವಿರೋಧಿಗಳ ಸದೆಬಡಿದ ಶ್ರೀಕೃಷ್ಣ || ೧೭೨ ||

ಕಾಲನೇಮಿಹರ ಪ್ರಸಿದ್ಧನೆ

ಕಾಲ ಕಾಲದಿ ದುಷ್ಟನಾಶಕ

ಮೂಲ ಸಹಿತದಿ ಕಿತ್ತೆ ವಿಷವೃಕ್ಷಗಳ ಶ್ರೀಕೃಷ್ಣ |

ಆ ಲಂಕೆಯಧಿಪತಿ ರಾವಣನ ಮಾ-

-ತುಲನ, ಕಾಲಕೆ ಮೃತ್ಯುವಿಗೆ ತಾ

ಕಾಲಚಕ್ರದ ತೆರದ ನೇಮಿಯ ಕೊಂದ ಪರಮಾತ್ಮ || ೧೭೩ ||

ಪೃಥುವೆ ವಿಷ್ಣುವಿನಂಶ ರಾಜನೆ

ಪೃಥಿವಿ ರಚಿಸಿದ ಗಹನ ವನವನು

ಮಥಿಸಿ ಭೂಮಂಡಲವ ಕೃಷಿ ವಾಸಾದಿ ನೆಲೆಗೊಳಿಸಿ |

ಮಥುರಜನ್ಮನ ಲೀಲೆ ಭೂಮಿಯೊ-

-ಳಥವ ಭೂಪತಿ ಪ್ರೇಮ ತೋರಿಯೊ

ಪ್ರಥಮ ಮಂಡಲವಾಯ್ತು ಭೂಮಂಡಲವು ಜಗದೊಳಗೆ || ೧೭೪ ||

ಕಂಸಾರಿರ್ಮಾತುಲಧ್ವಂಸೀ ಚಾರ್ತತ್ರಾಣಪರಾಯಣಃ |

ತೃಣಾವರ್ತತೃಣೀಕರ್ತಾ ಧೇನುಕಾಸುರಮರ್ದನಃ ||೨೬||(೧೭೯)

ಕಂಸಾರಿ ಹರಿ ಕಂಸವೈರಿಯೆ

ಕಂಸಸೋದರಿಸುತನೆ ಕೃಷ್ಣನೆ

ಕಂಸದೌಷ್ಟ್ಯವನರಿತು ಮಾವನ ಸಂಹರಿಸಿದವನೆ |

ಹಂಸ ಪರಮನೆ ವಂಶಪಾವನ

ಹಂಸವಾಹನಜನಕ ವಿಷ್ಣುವೆ

ಸಂಸರಿಪ ಭವ ಕಳೆದು ಜೀವನ್ಮುಕ್ತಿ ಕರುಣಿಪನೆ || ೧೭೫ ||

ಮಾತುಲಧ್ವಂಸಿಯೇ ಕೃಷ್ಣನೆ

ಯಾತುಧಾನರ ವೈರಿ ಹರಿಯೆ

ಮಾತು ತಪ್ಪದೆ ಮಾತೆಯಗ್ರಜನನ್ನು ಕೊಂದವನೆ |

ಹೇತು ಸರ್ವಕು ಧಾತುವೆಲ್ಲಕು

ಚಾತುರನು ತಾನನಾತುರ ಹರಿ

ಕೂತು ಭಜಿಪರ ನಿಂತು ನಿಂತರೆ ನಲಿದು ತಾನೊಲಿವ || ೧೭೬ ||

ಆರ್ತತ್ರಾಣಪರಾಯಣನೆ ಹರಿ-

-ಯಾರ್ತ ದುಃಖೀ ರೋಗಿ ದೀನರ

ವಾರ್ತೆ ಕಾವಲು ನಿರತ ಭಕ್ತರ ಕಲ್ಪತರು ಕೃಷ್ಣ |

ಮೂರ್ತರೂಪನು ನೀನೆ ಕೃಷ್ಣನ-

-ಮೂರ್ತರೂಪನು ನೀನೆ ಬೊಮ್ಮ-

-ನಮೂರ್ತಮೂರ್ತಾತೀತ ತತ್ತ್ವವೆ ಸರ್ವರೊಳಗಿರ್ಪ || ೧೭೭ ||

ತೃಣಾವರ್ತತೃಣೀಕರ್ತನೆ

ತೃಣಾವರ್ತಾಸುರನ ತೃಣಿಸಿದ

ತೃಣಸಮಾನವ ಗೈದು ಸಂಹರಿಸಿದನು ಶ್ರೀಕೃಷ್ಣ |

ತೃಣವನಾವರ್ತಿಸುವ ವೇಗದ

ತೃಣಾವರ್ತಾಖ್ಯಸುರ ಮಾರುತ

ಕ್ಷಣದಿ ಹುಲ್ಲಿನ ತೆರದಿ ಕಿತ್ತೆಸೆದಿಹನು ಪರಮಾತ್ಮ || ೧೭೮ ||

ಧೇನುಕಾಸುರಮರ್ದನನೆ ಹರಿ

ಧೇನುರೂಪದಿ ಕಪಟವೇಷದಿ

ತಾನು ದುಷ್ಟನು ಬಾಲಕೃಷ್ಣನ ಕೊಲ್ಲಬಂದಿದ್ದ |

ಧೇನುಪಾಲಕ ಕೃಷ್ಣ ಕೊಂದನು

ಧೇನುಕಾಸುರದೈತ್ಯರೂಪಿಯ

ವೇಣುಲೋಲನು ಗಾನಪ್ರೀಯನು ಲೋಕರಕ್ಷಣೆಗೆ || ೧೭೯ ||

ಪ್ರಲಮ್ಬಾರಿರ್ಮಧುಧ್ವಂಸೀ ಮೋಹನೋ ಮೋಹಿನೀತನುಃ |

ಕೈಟಭಾನ್ತಕರೂಪಶ್ಚ ಮೇದಿನೀಸೃಷ್ಟಿಕಾರಕಃ ||೨೭|| (೧೮೫)

ಪ್ರಲಂಬಾರಿಯೆ ಪ್ರಲಂಬನ ರಿಪು

ಪ್ರಲಂಬಾಸುರನನ್ನು ಕೊಂದನೆ

ವಿಲಂಬಿಸದಲೆ ಕಂಸ ಕಳುಹಿದನನ್ನು ಶ್ರೀಕೃಷ್ಣ |

ಅಲಂಕೃತ ಹರಿ ಬಾಲಕೃಷ್ಣನು

ಸ್ವಲಂಕೃತ ವಿಭು ಬಾಲರೂಪದಿ

ಪ್ರಲಂಬಾಖ್ಯನ ಬಾಲರೂಪದ ರಕ್ಕಸನ ಕೊಂದ || ೧೮೦ ||

ಮಧುಧ್ವಂಸಿಯೆ ಮಾಧವನೆ ಹರಿ

ಮಧುವ ಕೊಂದನೆ ಮಧ್ವರಿಯೆ ಹರಿ

ಮಧುವಿನಿಂ ಮೇದಿನಿಯ ರಚಿಸಿದನಾದಿನಾರಯಣ |

ಮಧುವು ಹರಿಕರ್ಣೋದ್ಭವನು ತಾ

ವಿಧಿಯ ಕೊಲ್ಲಲು ಹವಣಿಸಿದನವ

ಮಧುವ ಕೈಟಭಸಹಿತ ಕೊಂದನು ಯೋಗಮಾಯಾತ್ಮ || ೧೮೧ ||

ಮೋಹನನೆ ಶ್ರೀಕೃಷ್ಣಚಂದಿರ

ಮೋಹಕಾರಣ ಮೋಹನಾಶಕ

ದೇಹಮೋಹವ ಕಳೆಯೊ ದೇಹಗತಾತ್ಮ ಸರ್ವಾತ್ಮ |

ಸಾಹಸಿಗನೆಲ್ಲರನು ಕರ್ಷಿಸಿ

ಮೋಹಮಾಯಾಜಾಲ ಬೀಸುವ

ಕೋऽಹಮೆಂಬರ ಕಾಯ್ವ ಕರುಣಾಸಾಗರನೆ ಕೃಷ್ಣ || ೧೮೨ ||

ಮೋಹಿನೀತನು ಧರಿಸಿದಾತನೆ

ಮೋಹಿಸಿದನಸುರರನು ಬೇಗನೆ

ಮೋಹಿಸುತ ಮೋಸದಲಿ ಸುಧೆಯನು ದೇವವಶಗೈದ |

ಮೋಹಿಸುತ ಪರಶಿವನ ಹರಿಹರ

ದೇಹ ಹುಟ್ಟಿಸಿ ಬಳಿಕ ಭಸ್ಮನ

ಮೋಹಿಸುತಲಸುರನನು ಕೊಂದನು ಮೋಹಿನೀರೂಪಿ || ೧೮೩ ||

ಕೈಟಭಾಂತಕರೂಪ ವಿಷ್ಣುವೆ

ಕೈಟಭನು ಹರಿಕರ್ಣಮಲಜನು

ಕೈಟಭಾಸುರನನ್ನು ಕೊನೆಗೊಳಿಸಿದನು ನಾರಯಣ |

ಕಾಟ ಕೊಟ್ಟನು ಬೊಮ್ಮನಿಗೆ ತಾ-

-ನೂಟವೆಂದವನನ್ನು ತಿಳಿದನು

ಬೇಟೆಗೈಯುತ ಹರಿಯು ದುಷ್ಟನ ಕಠಿನ ಭೂಗೈದ || ೧೮೪ ||

ಮೇದಿನೀಸೃಷ್ಟಿಕಾರಕನೆ ಹರಿ

ಮೇದಿನಿಯ ಭೂಮಿಯನು ರಚಿಸಿದ

ಮೇದಸ್ಸಿನಿಂ ಮಧುಕೈಟಭಾಖ್ಯರ ಮೆದುಕಠಿಣತರದ |

ಮಾಧವನೆ ಮಧುಹಂತಕನೆ ಹರಿ

ಭೇದದೂರನೆ ಸಾಧುವಂದಿತ

ಸಾದರದಿ ಪೊಡಮಡುತ ಶರಣಾಗುವೆನು ಶ್ರೀಕೃಷ್ಣ || ೧೮೫ ||

ಬ್ರಹ್ಮತಾತೋ ಲೋಕಬನ್ಧುರಾತ್ಮರೂಪೀ ಚ ಚಿತ್ಸುಖಃ |

ಚಿನ್ಮಯಶ್ಚಿತ್ತಹಾರೀ ಚ ಸಚ್ಚಿದಾನನ್ದಮೂರ್ತಿಮಾನ್ ||೨೮|| (೧೯೨)

ಬ್ರಹ್ಮತಾತನೆ ಬ್ರಹ್ಮಜನಕನೆ

ಬ್ರಹ್ಮಚತುರ್ಮುಖ ಸೃಷ್ಟಿಕರ್ತನ

ಬ್ರಹ್ಮವಾಣೀರಮಣಪಿತ ಹರಿಯಾದಿನಾರಯಣ |

ಬ್ರಹ್ಮ ಬೃಂಹಣ ವಿಸ್ತರಾತ್ಮನು

ಬ್ರಹ್ಮ ಹರಿನಾಭಿಯ ಕಮಲಜನು

ಬ್ರಹ್ಮಪಿತ ತಾ ಪದುಮನಾಭನು ಕೃಷ್ಣ ಪರಮಾತ್ಮಾ || ೧೮೬ ||

ಲೋಕಬಂಧುವೆ ಸರ್ವಮಿತ್ರನೆ

ಲೋಕಪಿತ ಲೋಕಗಳ ಪತಿ ಹರಿ

ಲೋಕಗಳನವಲೋಕಿಸುವ ಚಣ ಚಣವು ಶ್ರೀಕೃಷ್ಣ |

ಲೋಕವವಲೋಕಿಸುವ ಸೃಷ್ಟಿಯು

ಲೋಕಬಂಧುವು ಜನಕಬಂಧುವು

ಲೋಕವೀರೇಳನ್ನು ಸೃಜಿಸುತ ಪಾಲಿಸುತ ಲಯಿಸಿ || ೧೮೭ ||

ಆತ್ಮರೂಪಿಯನಾತ್ಮರೂಪಿಯೆ

ಸಾತ್ಮನಾತ್ಮದ ತೆರದಿ ತೋರ್ಪ ಮ-

-ಹಾತ್ಮಶಕ್ತಿಯೆ ಕೃಷ್ಣ ಸರ್ವಾಂತರನು ಪರಮಾತ್ಮ |

ಆತ್ಮನತ ಸಾತತ್ಯಗಮನನ-

-ನಾತ್ಮ ಸೃಷ್ಟಿಯ ತೆರದಿ ತೋರ್ವ ಮ-

-ಹಾತ್ಮತತ್ತ್ವವರೂಪನಾಮವು ನಮ್ಮ ನಿಜರೂಪ || ೧೮೮ ||

ಚಿತ್ಸುಖನೆ ಚೈತನ್ಯ ಮೋದನೆ

ಚಿತ್ಸುಖನೆ ಸುಜ್ಞಾನ ಶಾಶ್ವತ

ಹೃತ್ಸುಖನೆ ಹರಿ ಚಿತ್ಸ್ವರೂಪನು ಸಚ್ಚಿದಾನಂದ |

ಮತ್ಸುಖನು ಶ್ರೀಕೃಷ್ಣದೇವನು-

-ವುತ್ಸುಕನು ಲೀಲೆಗಳ ತೋರ್ದನು

ಮತ್ಸರಿಪರಿಗೆ ನಿಲುಕ ನಿಜಭಕ್ತರಿಗೆ ವಶ್ಯ ಹರಿ || ೧೮೯ ||

ಚಿನ್ಮಯನೆ ಚಿಜ್ಜ್ಞಾನಮಯ ಹರಿ

ಚಿನ್ಮಯಾನಂದಾತ್ಮ ಕೃಷ್ಣನೆ

ಸನ್ಮಯನು ಚಿನ್ಮಯನು ಸುಖಮಯ ಸಚ್ಚಿದಾನಂದ |

ಚಿನ್ಮಯನು ಚಿಚ್ಛಕ್ತಿರೂಪನೆ

ಚಿನ್ಮಯನೆ ಚಿದ್ರೂಪ ಚಿತ್ತಗ

ಮನ್ಮಯನು ಮೃಣ್ಮಯನು ಸರ್ವಾಮಯರಹಿತ ಸರ್ವ || ೧೯೦ ||

ಚಿತ್ತಹಾರೀ ಮನಸ ಮೋಹಿಪ

ಚಿತ್ತವನು ಮಾಯೆಯಲಿ ಮುಸುಕುವ

ಚಿತ್ತಜನ ಪಿತನಿರವು ತಾನರಿವಾತ್ಮಸುಖರೂಪ |

ಚಿತ್ತ ಚೈತನ್ಯವನು ಸೆಳೆಯುವ

ಚಿತ್ತವಿಭ್ರಮ ಗೈವ ಕೃಷ್ಣನೆ

ಮತ್ತೆ ಶರಣಾದವರ ಚಿತ್ತದಿ ನಿತ್ಯ ಬೆಳಗುವನೆ || ೧೯೧ ||

ಸಚ್ಚಿದಾನಂದಮೂರ್ತಿಮಾನ್ ಹರಿ

ಸಚ್ಚಿತ್ಸುಖಸ್ವರೂಪನೆ ಹರಿ

ಸಚ್ಚಿದಾತ್ಮಕ ದೇವ ಪರಮಾನಂದ ಶ್ರೀಕೃಷ್ಣ |

ಸಚ್ಚಿದಾನಂದವೇ ತೋರಿದ

ಸಚ್ಚರಿತ ಶ್ರೀಕೃಷ್ಣರೂಪಿಲಿ

ನೆಚ್ಚ ದುಶ್ಚರಿತರ ಸದಾಚಾರಾಶ್ರಯನೆ ಕೃಷ್ಣ || ೧೯೨ ||