ಸ್ತೋತ್ರಸಂಹಿತಾ

ಅನನ್ತಪದ್ಮನಾಭಸ್ತೋತ್ರಮ್ ಅನನ್ತಪದ್ಮನಾಭಂ ತಮ್ ಅನನ್ತವರದಾಯಕಮ್ | ಅನನ್ತವಿಜಯಂ ವಿಷ್ಣುಂ ಪದ್ಮಾಪತಿಮ್ ಇಲಾಪತಿಮ್ || ೧ || ಅನನ್ತಶಯನಂ ವನ್ದೇ ಮಾಧವಂ ಮಧುಸೂದನಮ್ | ಅನನ್ತಮಙ್ಗಲಾಕಾರಮ್ ಅನನ್ತಾನನ್ದರೂಪಿಣಮ್ || ೨ || ಅನಙ್ಗಜನಕಂ ಕೃಷ್ಣಮ್ ಅನಙ್ಗಹರಸೌಹೃದಮ್ | ಅನನ್ತವಾರಿವಾಸಂ ತಂ ತಿರ್ವನನ್ತಪುರಾಧಿಪಮ್ || ೩ || ಅನಾದ್ಯನನ್ತರೂಪಂ ತಮ್ ಅರೂಪಮಮರೇಶ್ವರಮ್ | ಅಪಾರಮಪ್ರಮೇಯಂ ತಮ್ ಅಜಮಚ್ಯುತಮೀಶ್ವರಮ್ || ೪ || ಅಸೀಮಮಹಿಮಾವನ್ತಮ್ ಅಜೇಯಚರಿತಾಮೃತಮ್ | ಅಗಾಧಶಕ್ತಿಸಂಪನ್ನಮ್ ಅನೇಕಾಸುರಮರ್ದನಮ್ || ೫ || ಅವಿದ್ಯಯಾ ಸಮಾಯುಕ್ತಮ್ ಅಜರಾಮರಮವ್ಯಯಮ್ | ಅನನ್ತಶಯನಾನನ್ದಮ್ ಅನನ್ತಪದ್ಮನಾಭಮೋಮ್ || ೬ || ಅಪಾರಗುಣಸಮ್ಪನ್ನಮ್ ಅತುಲ್ಯವಿಭವಾತ್ಮಕಮ್ | ಅಚಿನ್ತ್ಯರೂಪಿಣಂ ವಿಷ್ಣುಮ್ ಅನಿಶಂ ಪೂಜಯಾಮ್ಯಹಮ್ || ೭ || ಅಮೇಯಮಾನುಷಾಕಾರಮ್ ಅನೂಹ್ಯಲೀಲಯಾವೃತಮ್ | ಅಕಾರವಾಚ್ಯದೇವೇಶಮ್ ಅನನ್ತೇಶಮಹಂ ಭಜೇ || ೮ || ಅನ್ತರಾತ್ಮಾನಮೀಶಾನಮ್ ಅನ್ತರ್ಯಾಮಿನಮಚ್ಯುತಮ್ | ಅನ್ತರ್ಬಹಿಃಸ್ಥಮಾದಿತ್ಯಮ್ ಅನ್ತರಙ್ಗಪ್ರಿಯಂ ಹರಿಮ್ || ೯ || ಅಮ್ಬಾಪತಿಮಜಾತ್ಮಾನಮ್ ಅಜಸ್ಯಜನಕಂ ಪ್ರಭುಮ್ | ಅಮೂರ್ತಂ ಮೂರ್ತಿಮಾಪನ್ನಮ್ ಅನೇಕಮೂರ್ತಿಣಂ ಭಜೇ || ೧೦ || ಅನನ್ತಪದ್ಮನಾಭೇಶಮ್ ಆನನ್ದರಸಚಿದ್ಘನಮ್ | ಅನನ್ತಶಾನ್ತಿದಾತಾರಮ್ ಅನನ್ತೇಶಂ ಭಜಾಮ್ಯಹಮ್ || ೧೧...