ॐ श्रीगणेशाय नम:

ಶ್ರೀಕೃಷ್ಣರಕ್ಷಾಸ್ತೋತ್ರಮ್

ಧ್ಯಾನಮ್

(ಸ್ರಗ್ಧರಾವೃತ್ತಮ್)

ಧ್ಯಾಯೇದ್ಗೋಮಂಡಲಸ್ಥಂ ಸುಲಲಿತಮುರಲೀಗಾನಲೋಲಂ ಸುಮಾಲಂ

ಸೌಗಂಧಾದ್ಯೈ: ಸುಲಿಪ್ತಂ ಹಲಧರಸಹಿತಂ ರುಕ್ಮಿಣೀಶಂ ಸದೀಶಮ್ |

ರಾಧಾರಾಸಪ್ರಸಕ್ತಂ ನಿಖಿಲಜನಹಿತಂ ಸರ್ವಲೋಕಪ್ರಕರ್ಷಂ

ಮಂದಸ್ಮೇರಂ ಹ್ಯನಾಥಂ ಪ್ರಣತಸುಗತಿದಂ ದೇವಕೀಕೃಷ್ಣರೂಪಮ್ ||

ಇತಿ ಧ್ಯಾನಮ್ |

(ಅನುಷ್ಟುಬ್-ವೃತ್ತಮ್)

ಲೀಲಾ ವೈ ವಾಸುದೇವಸ್ಯ ನಾಂತಮೇತಿ ಗತಿಪ್ರದಾ|

ತತ್ರೈಕಾಕ್ಷರಮಾತ್ರಂ ತು ಮಹಾಪಾಪವಿನಾಶನಮ್ ||೧||

ಧ್ಯಾತ್ವಾ ನೀಲಾಂಬರಶ್ಯಾಮಂ ಕೃಷ್ಣಂ ಕಮಲಲೋಚನಮ್ |

ರುಕ್ಮಿಣೀಬಲರಾಮಾಭ್ಯಾಂ ಸಹಿತಂ ಗೋಪತಿಂ ಹರಿಮ್ ||೨||

ಶಂಖಚಕ್ರಗದಾಪದ್ಮಧರಂ ವೇಣುವಿನೋದಿನಮ್ |

ಧರ್ಮಸಂಸ್ಥಾಪನಾರ್ಥಾಯ ಸಮ್ಭವಂ ಚ ಯುಗೇ ಯುಗೇ ||೩||

ಕೃಷ್ಣರಕ್ಷಾಂ ಪಠೇದ್ದಿವ್ಯಂ ಸರ್ವಾರ್ಥದಂ ದಿನೇ ದಿನೇ |

ಯಸ್ಯ ಸ್ಮರಣಮಾತ್ರೇಣ ಜೀವನ್ಮುಕ್ತೋ ಭವೇತ್ಸುಧೀ: ||೪||

ಶಿರೋ ಮೇ ಕೇಶವ: ಪಾತು ಭಾಲಂ ಗೋಪಾಲನಂದನ: |

ವಾಸುದೇವೋ ದೃಶೌ ಪಾತು ದೇವಕೀತನಯ: ಶ್ರುತೀ ||೫||

ನಾಸಾಂ ಪಾತು ಚ ಕಂಸಾರಿರ್ಮುಖಂ ಪಾಂಡವವತ್ಸಲ: |

ರಸನಾಂ ಪಾತು ರಾಸೇಶಃ ಕಂಠಂ ಚ ಹಾಟಕಾಂಬರ: ||೬||

ಗ್ರೀವಾಂ ತು ತುಲಸೀಹಾರೀ ಸ್ಕಂಧೌ ಶಾರ್ಙ್ಗೀ ಚ ರಕ್ಷತು  |

ಬಾಹೂ ಪಾತು ಮಹಾಬಾಹುಶ್ಚಕ್ರೀ ಹಸ್ತೌ ಚ ರಕ್ಷತು ||೭||

ಹೃದಯಂ ಪಾತು ಗೋಪೀಶೋ ಮಧ್ಯಂ ಚ ಪಾರ್ಥಸಾರಥಿ: |

ನಾಭಿಂ ವೈ ಪದ್ಮನಾಭಶ್ಚ ಕಟೀ ಪ್ರಾಣಪ್ರಿಯೋऽವತು ||೮||

ಊರೂದ್ಧವಪ್ರಿಯ: ಪಾತು ಶೌರಿ: ಪಾತು ಚ ಸಕ್ಥಿನೀ |

ಜಾನುನೀ ನವನೀತಾಪ್ತೋ ಜಂಘೇ ಚ ಶಿಶುಪಾಲಹಾ ||೯||

ಪಾದೌ ಭೀಷ್ಮಸ್ತುತಶ್ಚೈವ ಮಾರತಾತಶ್ಚ ಸನ್ಮನ: |

ಇಂದ್ರಿಯಾಣಿ ಹೃಷೀಕೇಶ: ಪಾತು ಕೃಷ್ಣೋऽಖಿಲಂ ವಪು: ||೧೦||

ಏತಾಂ ಕೃಷ್ಣಬಲೋಪೇತಾಂ ರಕ್ಷಾಂ ಯ: ಸುಕೃತೀ ಪಠೇತ್ |

ಸ ಚಿರಾಯು: ಸುಖೀ ಪುತ್ರೀ ವಿಜಯೀ ವಿನಯೀ ಭವೇತ್ ||೧೧||

ಭೂತಪ್ರೇತಪಿಶಾಚಾದ್ಯೈರ್ಬಹ್ಮರಾಕ್ಷಸಮಾಂತ್ರಿಕೈ: |

ನ ಕಾಚಿದಪಿ ಪೀಡಾ ಸ್ಯಾತ್ಸರ್ವೋಪದ್ರವಶಕ್ತಿಭಿ: ||೧೨||

ಕೃಷ್ಣೇತಿ ಕೃಷ್ಣಕೃಷ್ಣೇತಿ ಕೃಷ್ಣಕೃಷ್ಣೇತಿ ಚ ಸ್ಮರನ್ |

ನರೋ ನ ಲಿಪ್ಯತೇ ಪಾಪೈರ್ಭುಕ್ತಿಂ ಮುಕ್ತಿಂ ಚ ವಿಂದತಿ ||೧೩||

ಜಗಜ್ಜೈತ್ರೈಕಮಂತ್ರೇಣ ಕೃಷ್ಣನಾಮ್ನಾಭಿರಕ್ಷಿತಮ್ |

ಯ: ಸ್ಮರೇತ್ ಸರ್ವದಾ ತದ್ವೈ ಕರಸ್ಥಾ: ಸರ್ವಸಿದ್ಧಯ: ||೧೪||

ವಜ್ರಪಂಜರನಾಮೇದಂ ಯೋ ಕೃಷ್ಣಕವಚಂ ಸ್ಮರೇತ್ |

ಅವ್ಯಾಹತಾಜ್ಞ: ಸರ್ವತ್ರ ಲಭತೇ ಜಯಮಂಗಲಮ್ ||೧೫||

ಶಾಸ್ತ್ರಿಣಾ ಪ್ರೇರಣಾ ಲಬ್ಧಾ ಶ್ರೀಕೃಷ್ಣೇನ ಯಥಾ ಹೃದಿ |

ಕೃಷ್ಣಮೂರ್ತಿ: ಸ ವೈ ತದ್ವಲ್ಲಿಖಿತವಾನಿದಮವ್ಯಯಮ್ ||೧೬||

ಕರ್ಷಣಾತ್ಸರ್ವದು:ಖಾನಾಂ ಸ್ವಭಕ್ತಾನಾಂ ಹಿತಾಯ ವೈ |

ಸರ್ವಲೋಕಾಕರ್ಷಣಾಚ್ಚ ಕೃಷ್ಣಮೇವಾಶ್ರಯಾಮ್ಯಹಮ್ ||೧೭||

ಬಾಲೌ ಷಡ್ಗುಣಸಂಪನ್ನೌ ಸುಕುಮಾರೌ ಮಹಾಬಲೌ |

ಪುಂಡರೀಕವಿಶಾಲಾಕ್ಷೌ ಪೀತಾಂಬರಸುಶೋಭಿತೌ ||೧೮||

ನವನೀತವಿಲಿಪ್ತಾಂಗೌ ವಿಷ್ಣುಶೇಷಾವತಾರಿಣೌ |

ಪುತ್ರೌ ಚ ವಸುದೇವಸ್ಯ ರಾಮಕೃಷ್ಣೌ ಸಹೋದರೌ ||೧೯||

ಶರಣ್ಯೌ ಸರ್ವಸತ್ತ್ವಾನಾಂ ಶ್ರೇಷ್ಠೌ ಸರ್ವಮನಸ್ವಿನಾಮ್ |

ರಕ್ಷ:ಕುಲನಿಹಂತಾರೌ ತ್ರಾಯೇತಾಂ ನೋ ಯದೂತ್ತಮೌ ||೨೦||

(ಶಾರ್ದೂಲವಿಕ್ರೀಡಿತವೃತ್ತಮ್)

ಕೃಷ್ಣೋ ದೇವಕಿನಂದನೋ ಯದುಪತಿರ್ಗೋಲೋಕರಾಜೋ ಹರಿ:

ರಾಧಾರಾಧಿತಪೂರ್ಣಸಾತಹೃದಯಸ್ತ್ರೈಲೋಕ್ಯನಾಥೋ ವಿಭು: |

ರುಕ್ಮಿಣ್ಯಾದಿಮನೋರಮಾऽಯುತಯುತೋ ಗಂಗಾಧರಾಪ್ತಶ್ಚ ನೋ

ಬ್ರಹ್ಮಜ್ಞಾನಸುಧಾಂಬುಧಿಂ ನಿಜಸುಖಂ ದೀಯಾನ್ನತಾನ್ರಕ್ಷತು ||೨೧||

(ಅನುಷ್ಟುಬ್-ವೃತ್ತಮ್)

ಕೃಷ್ಣಾಯ ಪ್ರೇಮರೂಪಾಯ ಯದುಚಂದ್ರಾಯ ಧೀಮತೇ |

ಗೀತಾಚಾರ್ಯಾಯ ದಿವ್ಯಾಯ ರುಕ್ಮಿಣೀಪತಯೇ ನಮ: ||೨೨||

(ವಸಂತತಿಲಕಾವೃತ್ತಮ್)

ಶ್ರೀಕೃಷ್ಣ ಕೃಷ್ಣ ಮುರಳೀಧರ ಕೃಷ್ಣ ಕೃಷ್ಣ

ಶ್ರೀಕೃಷ್ಣ ಕೃಷ್ಣ ಯದುವಂಶಜ ಕೃಷ್ಣ ಕೃಷ್ಣ |

ಶ್ರೀಕೃಷ್ಣ ಕೃಷ್ಣ ಭವಭಂಜನ ಕೃಷ್ಣ ಕೃಷ್ಣ

ಶ್ರೀಕೃಷ್ಣ ಕೃಷ್ಣ ಶರಣಂ ಭವ ಕೃಷ್ಣ ಕೃಷ್ಣ ||೨೩||

ಶ್ರೀವಾಸುದೇವಚರಣೌ ಮನಸಾ ಸ್ಮರಾಮಿ

ಶ್ರೀವಾಸುದೇವಚರಣೌ ವಚಸಾ ಗೃಣಾಮಿ |

ಶ್ರೀವಾಸುದೇವಚರಣೌ ಶಿರಸಾ ನಮಾಮಿ

ಶ್ರೀವಾಸುದೇವಚರಣೌ ಶರಣಂ ಗತೋऽಸ್ಮಿ ||೨೪||

(ಶಾಲಿನೀವೃತ್ತಮ್)

ಮಾತಾ ಕೃಷ್ಣೋ ಮತ್ಪಿತಾ ವಾಸುದೇವ:

ಸ್ವಾಮೀ ಕೃಷ್ಣೋ ಮತ್ಸಖಾ ವಾಸುದೇವ: |

ಸರ್ವಸ್ವಂ ಮೇ ವಾಸುದೇವೋ ದಯಾಲುರ್-

-ನಾನ್ಯಂ ಜಾನೇ ನೈವ ಜಾನೇ ನ ಜಾನೇ ||೨೫||

(ಇಂದ್ರವಜ್ರಾವೃತ್ತಮ್)

ಲೋಕಾಭಿಕರ್ಷಂ ರಣನೀತಿಮೂಲಂ

ಪದ್ಮಾಕ್ಷಿಶೋಭಂ ಯದುವಂಶನಾಥಮ್ |

ದೀನಾರ್ತಬಂಧುಂ ಕರುಣಾಕರಂ ತಂ

ಶ್ರೀವಾಸುದೇವಂ ಶರಣಂ ಪ್ರಪದ್ಯೇ ||೨೬||

(ಅನುಷ್ಟುಬ್-ವೃತ್ತಮ್)

ಕೂಜಂತಂ ಕೃಷ್ಣ ಕೃಷ್ಣೇತಿ ಮೋಹಕಂ ಮಾಧವಾಕ್ಷರಮ್ |

ಭಾಗವತ್ತಾऽದ್ರಿಮಾರುಹ್ಯ ವಂದೇ ಶ್ರೀವ್ಯಾಸಕೋಕಿಲಮ್ ||೨೭||

ಕಷ್ಟಾನಾಮಪಕರ್ಷಂತಮಿಷ್ಟಾರ್ಥಾನಾಂ ಪ್ರದಾಯಕಮ್ |

ಸರ್ವಾಕರ್ಷಕಕೃಷ್ಣಂ ತಂ ಭೂಯೋ ಭೂಯೋ ನಮಾಮ್ಯಹಮ್ ||೨೮||

ನಾಶಕಂ ಭವಪಾಶಾನಾಂ ದಾಯಕಂ ಸುಖಸಂಪದಾಮ್ |

ಸ್ತಂಭನಂ ಯಮದೂತಾನಾಂ ಕೃಷ್ಣಕೃಷ್ಣೇತಿ ಗಾಯನಮ್ ||೨೯||

(ಶಾರ್ದೂಲವಿಕ್ರೀಡಿತವೃತ್ತಮ್)

ಕೃಷ್ಣೋ ರಕ್ಷತು ಕೇಶವೋ ಮುರರಿಪು: ಕೃಷ್ಣಂ ಭಜೇ ಶ್ಯಾಮಲಂ

ಕೃಷ್ಣೇನಾಗತಸರ್ವಕಷ್ಟಹರಣಂ ಕೃಷ್ಣಾಯ ತುಭ್ಯಂ ನಮ: |

ಕೃಷ್ಣಾನ್ನಾಸ್ತಿ ಪರಾಗತಿರ್ನರಹರೇ ಕೃಷ್ಣಸ್ಯ ಭೃತ್ಯೋऽಸ್ಮ್ಯಹಂ

ಕೃಷ್ಣೇ ನೃತ್ಯತು ಮಾನಸಂ ಪ್ರತಿದಿನಂ ಹೇ ಕೃಷ್ಣ ಹೇ ಮಾಧವ ||೩೦||

( ಅನುಷ್ಟುಬ್-ವೃತ್ತಮ್)

ಕೃಷ್ಣ: ಕರ್ಷತಿ ಕಷ್ಟಾನಿ ಪಾಪಾನ್ಯಪಾಕರೋತಿ ವೈ |

ಕಲೌ ತಾರಕಮಂತ್ರಂ ತು ಕೃಷ್ಣ ಇತ್ಯಭಿಧೀಯತೇ ||೩೧||

ಕೃಷ್ಣ ಕೃಷ್ಣೇತಿ ಗೋವಿಂದಂ ಸಂಸ್ಮರೇನ್ಮಧುಸೂದನಮ್ |

ಸಹಸ್ರನಾಮತುಲ್ಯಂ ಸ್ಯಾತ್ ಕೃಷ್ಣ ನಾಮೈವ ಕೇವಲಮ್ ||೩೨||

|| ಇತಿ ಶ್ರೀಸದ್ಗುರುಕೃಪಯಾ ಶ್ರೀಕೃಷ್ಣೋಮಾಮಹೇಶ್ವರಪ್ರೇರಣಯಾ ಚ ದಂಬೆಕೃಷ್ಣಮೂರ್ತಿಶಾಸ್ತ್ರಿವಿರಚಿತಮಿದಂ ಶ್ರೀಕೃಷ್ಣರಕ್ಷಾಸ್ತೋತ್ರಂ ಜಗದ್ಗುರುಭ್ಯ: ಸಮರ್ಪಿತಮಸ್ತು ||

||ಹರೇ ರಾಮ||