ಬ್ರಹ್ಮಷೋಡಶೋಪಚಾರಸ್ತುತಿಃ

ಬ್ರಹ್ಮಷೋಡಶೋಪಚಾರಸ್ತುತಿಃ

ಬ್ರಹ್ಮಾಣಮೀಶಂ ಪ್ರಥಮಪ್ರಸೂತಂ

ಪಿತಾಮಹಂ ಸರ್ಗಪತಿಂ ಮಹಾನ್ತಮ್ |

ಬ್ರಹ್ಮಾಣ್ಡಸೃಷ್ಟೇಃ ಪರಮಂ ನಿಧಾನಂ

ಧ್ಯಾಯಾಮಿ ತಂ ವೇದನಿಧಿಂ ಮತೀಶಮ್ ||೧ ||

ವಾಗೀಶಮಾದ್ಯಂ ಪರಮಂ ಪವಿತ್ರಂ

ವಿಧಿಂ ವಿರಿಞ್ಚಿಂ ಚತುರಾನನಂ ತಮ್ |

ಸುರಾಸುರೈಃ ಪೂಜಿತಪಾದಪದ್ಮಂ

ಪದ್ಮಾಸನಂ ವಾಕ್ಪತಿಮಾಹ್ವಯಾಮಿ ||೨ ||

ಮನ್ದಾಕಿನೀದಣ್ಡಕಮಣ್ಡಲುಂ ತಂ

ಮಾಲಾಕ್ಷದಕ್ಷಂ ಸರಸೀರುಹಾಕ್ಷಮ್ |

ಹಂಸಾಧಿರೂಢಂ ಸುವಿಶೇಷವಾಹಂ

ಪಾದ್ಯೇನ ಸೇವೇ ಸುರಭಾರತೀಶಮ್ ||೩ ||

ವಿಚಿತ್ರಶ್ಮಶ್ರುಂ ಸುರನಾಥವನ್ದ್ಯಂ

ಹಿರಣ್ಯಗರ್ಭಂ ಮುನಿನಾರದೇಶಮ್ |

ಸನತ್ಕುಮಾರಾದಿಮುನಿಪ್ರದಾನಂ

ಅರ್ಘ್ಯೇಣ ಸೇವೇ ಪರಮಂ ಕವಿಂ ತಮ್ ||೪ ||

ಪ್ರಜಾಪತೀನ್  ಸರ್ಗಪತೀನ್ ವಿಶೇಷಾನ್

ಸಸರ್ಜ  ಸಪ್ತಾನಥ  ಸಪ್ತಲೋಕಾನ್  |

ಮನೂನ್ ತು ಮನ್ವನ್ತರಪಾಲಕಾಂಶ್ಚ

ಸಮರ್ಪಯಾಮ್ಯಾಚಮನೀಯಮಸ್ಮೈ||೫ ||

ಪರಾತ್ಪರಂ  ಸತ್ಯಪದಂ ತಪನ್ತಂ

ಪುರಾಣವೇದಾಖಿಲಶಾಸ್ತ್ರಮೂಲಮ್ |

ಚರಾಚರಾಣಾಂ  ವಿಧಿಲೇಖಕಂ ಕಂ

ಸ್ನಾನೇನ  ಸೇವೇ ಪರಮಂ  ಪುರಾಣಮ್ ||೬ ||

ಶ್ವೇತಾವೃತಂ ಶ್ವೇತವಹಂ  ವಿಧೀಶಂ

ಶ್ವೇತಾಸನಂ  ಪದ್ಮಭುವಂ ಸುಧೀಶಮ್ |

ನಾರಾಯಣಪ್ರಾಣಸಖಂ ಹರಾಪ್ತಂ

ವಸ್ತ್ರೇಣ ಸೇವೇ  ವಿಧಿವನ್ಮಹಾನ್ತಮ್ ||೭ ||

ಮಹಾಮತಿಂ  ಸುನ್ದರದಿವ್ಯಕಾಯಂ

ಸನಾತನಂ  ಜಾಮ್ಬವರೂಪದೇಹಮ್ |

ರಾಮಾನುಗಂ ಕೃಷ್ಣಮುಖಾಮುಖಿಂ ತಂ

ಯಜ್ಞೋಪವೀತೇನ ಚ ಪೂಜಯಾಮಿ ||೮ ||

ಮನ್ವನ್ತರಾದಾವಸುರಾನ್ ಸುರಾಂಶ್ಚ

ಸಪ್ತರ್ಷಿಸಙ್ಘಾದವಸೃಷ್ಟ್ಯ ಸರ್ಗಾನ್ |

ವಿಭಿನ್ನಯೋನೀಂಶ್ಚ ಸೃಜತ್ಯಕಾರಣಂ

ಸಮರ್ಪಯಾಮ್ಯಾಭರಣಂ ಚ ತಸ್ಮೈ ||೯ ||

ರುದ್ರಾಹೃತಂ ಪಞ್ಚಮಶೀರ್ಷರೂಪಂ

ರಕ್ತಂ ಹೃತಂ ರುದ್ರಶರೀರಗಂ ಹಿ |

ಭಿಕ್ಷಾಟನಂ ಕಾರಿತಮಪ್ರಮೇಯ

ಗನ್ಧಾರ್ಪಣಂ ದೇವವರ  ಪ್ರಸೀದ ||೧೦ ||

ಮೀಮಾಂಸಕೋ ಮಣ್ಡನಮಿಶ್ರರೂಪೋ

ಕರ್ಮಾಖಿಲಂ ಲೋಕಹಿತಂ ಕರೋತಿ |

ಇತ್ಯುಕ್ತಮನ್ತೇವುಭಯಾ ಚ ತ್ಯಕ್ತಾ

ಅಭ್ಯರ್ಚಯಾಮ್ಯಕ್ಷತಯಾ ಭವನ್ತಮ್ || ೧೧ ||

ಪುಷ್ಪೈಃ ಸುಪೂಜ್ಯಂ ಕಮಲಾಸನಂ ತಂ

ಧೂಪೇನ ಸೇವೇsತಿಭಕ್ತ್ಯಾ ವಿರಿಞ್ಚಿಮ್ |

ದೀಪೈಃ ಸುನೈವೇದ್ಯಮಥಾರತಿಂ ಚ

ಸಮರ್ಪ್ಯ ತಾಮ್ಬೂಲಮಾದಿಂ ತಮರ್ಚ್ಯೇ ||೧೨ ||

ಮನ್ತ್ರೇಣ ಪೂತಂ ಚ ಸುಗಂಧಿಪುಷ್ಪಂ

ಸಮರ್ಪಯೇ ವೇಧಸಮಾದಿಮೂರ್ತಿಮ್ |

ಪ್ರದಕ್ಷಿಣಾಪೂರ್ವಕಮನ್ತ್ಯಭಾಗೇ

ನಮಾಮಿ ತಂ ಕಂ ಶರಣಾಗತೋsಸ್ಮಿ ||೧೩ ||

ಏತೈ: ಷೋಡಶರೂಪೈಶ್ಚ ಯಃ ಸ್ತೌತಿ ತು ವಿಧಿಂ ಪರಮ್ |

ತಸ್ಯ ವಾಣೀ ತು ಗೀರ್ವಾಣೀ ಭವೇನ್ನಾತ್ರಾಸ್ತಿ ಸಂಶಯಃ ||೧೪ ||

ಯಃ ಪಠೇದತಿಭಕ್ತ್ಯಾ ತು ಶ್ರದ್ಧಯಾ ಚ ದಿನೇ ದಿನೇ |

ವಾಗೀಶಕೃಪಯಾ ವೈ ಸೋ ವಾಗ್ಮೀ ಕವಿಶ್ಚ ಭೂಯತೇ ||೧೫ ||

ಇತಿ ವಿರಿಞ್ಚಿಪ್ರೇರಣಯಾ ಬ್ರಹ್ಮಾಪ್ರೀತ್ಯರ್ಥಂ ದಮ್ಬೆಕೃಷ್ಣಮೂರ್ತಿವಿರಚಿತಮಿದಂ ಪುಣ್ಯತಮಂ ಬ್ರಹ್ಮಷೋಡಶೋಪಚಾರಸ್ತುತಿಃ ಸದ್ಗುರುಚರಣಸರೋರುಹಯುಗಲೇ ಸಮರ್ಪಿತಮಸ್ತು ||

|| ಹರೇ ರಾಮ ||