ಆತ್ಮವಿದ್ಯಾಭುಜಙ್ಗಮ್

(ಭುಜಙ್ಗಪ್ರಯಾತವೃತ್ತಮ್)

ಮಹಾಮೇರುತುಲ್ಯಾ ಸುವಿದ್ಯಾಸು ರತ್ನಾ |

ವರಾ ಜ್ಞಾನಕೋಶಾ ಜಗದ್ಗುರ್ವನುಜ್ಞಾ ||

ಸುಧಾರೂಪಿಣೀ ದು:ಖಹಾsऽನನ್ದದಾತ್ರೀ |

ನೃಣಾ ನಿತ್ಯಸೇವ್ಯಾऽऽತ್ಮವಿದ್ಯಾ ಚಕಾಸ್ತೇ ||೧||

ಅಖಣ್ಡಂ ನ ಭೇದ್ಯಂ ಸದಾನನ್ದರೂಪಂ |

ಪರಂ ಶಕ್ತಿರೂಪಂ ಜಗಚ್ಚಕ್ರಮೂಲಮ್ ||

ಸ್ಥಿತಂ ಸರ್ವಭೂತೇಷ್ವನಾದ್ಯಾತ್ಮವಾಚ್ಯಂ |

ನೃಣಾ ನಿತ್ಯಸೇವ್ಯಾऽऽತ್ಮವಿದ್ಯಾ ಚಕಾಸ್ತೇ ||೨||

ಅರೂಪಂ ವಿವರ್ಣಂ ನ ವಾ ಗನ್ಧಯುಕ್ತಂ |

ಚಿರಾ ಶಾನ್ತಿರೂಪಞ್ಚಿದಾತ್ಮಾನಮೇತತ್ ||

ಸದಾ ಯೋಗಿಭಿರ್ಧ್ಯಾನಗಮ್ಯಂ ವದಂತಿ |

ನೃಣಾ ನಿತ್ಯಸೇವ್ಯಾऽऽತ್ಮವಿದ್ಯಾ ಚಕಾಸ್ತೇ ||೩||

ಮುದಾ ಸೃಷ್ಟಿಸಂಹಾರಕಾರ್ಯಂ ಸುರಕ್ಷಾ |

ಸದಾ ಯೇನ ಕಾರ್ಯನ್ತದೇವಾತ್ಮತತ್ತ್ವಮ್ ||

ಶರೀರೇಷು ವ್ಯಾಪ್ತನ್ತದೇವೇತಿ ಜಾನನ್ |

ನೃಣಾ ನಿತ್ಯಸೇವ್ಯಾऽऽತ್ಮವಿದ್ಯಾ ಚಕಾಸ್ತೇ ||೪||

ಸದಾ ನಿರ್ವಿಕಾರಂ ಪರಾಶಕ್ತಿರೂಪಂ |

ಧಿಯಾ ನಿತ್ಯಚಿನ್ತ್ಯಂ ಮನೋನಿಗ್ರಹೇಣ ||

ಪರಂ ಕಾಮದಂ ವಾಞ್ಛಿತಂ ಚೇತಿ ಮತ್ವಾ |

ನೃಣಾ ನಿತ್ಯಸೇವ್ಯಾऽऽತ್ಮವಿದ್ಯಾ ಚಕಾಸ್ತೇ ||೫||

ಗುರುರ್ವಿಷ್ಣುರೂಪೋ ಸದಾ ಶಂಭುರೂಪೋ |

ವಿರಿಞ್ಚ್ಯಾದಿವಾಚ್ಯೋsಲ್ಲಬುದ್ಧಾರ್ಹನಿತ್ಥಮ್ ||

ಪರೋ ಸಿಖ್ಖದೇವಶ್ಚ ಜೀಸೇತಿ ಭಾವ್ಯೋ |

ನೃಣಾ ನಿತ್ಯಸೇವ್ಯಾऽऽತ್ಮವಿದ್ಯಾ ಚಕಾಸ್ತೇ ||೬||

ಧೃತಂ ಯೇನ ಲೋಕಂ ಹಿ ವಿಶ್ವಾತ್ಮಭಾವೇ |

ಚರಾನ್ನಿಶ್ಚರಾನ್ವ್ಯಾಪ್ಯ ತೇಷು ಪ್ರವಿಶ್ಯ ||

ದ್ವಿಧಾsಭೂತ್ತದೇಕೋ ರಸೋ ರಞ್ಜನಾರ್ಥಂ |

ನೃಣಾ ನಿತ್ಯಸೇವ್ಯಾऽऽತ್ಮವಿದ್ಯಾ ಚಕಾಸ್ತೇ ||೭||

ಪರಂ ನಿರ್ಗುಣಂ ತಚ್ಚಿದಾನನ್ದರೂಪಂ |

ಹೃದನ್ತ:ಸ್ಫುರಜ್ಜ್ಯೋತಿರೂಪಂ ಸ್ವದೀಪ್ತಮ್ ||

ತರೇದ್ಯದ್ವಿದಿತ್ವಾನೃತಂ ವಿಶ್ವಮಾಯಾಂ |

ನೃಣಾ ನಿತ್ಯಸೇವ್ಯಾऽऽತ್ಮವಿದ್ಯಾ ಚಕಾಸ್ತೇ ||೮||

ಅಶೇಷೇಣ ಪೂರ್ಣಂ ವಿಶೇಷೇಣ ಮೇಯಂ |

ಮಹಾಶೇಷವತ್ಕುಣ್ಡಲಿನ್ಯಾಂ ಸುಷುಪ್ತಮ್ ||

ಇಡಾಪಿಂಗಳಾನಾಡಿಮಧ್ಯೇ ಸ್ಥಿತಂ ತತ್ |

ನೃಣಾ ನಿತ್ಯಸೇವ್ಯಾऽऽತ್ಮವಿದ್ಯಾ ಚಕಾಸ್ತೇ ||೯||

ಘಟಾಕಾಶರೂಪೇ ಮಹಾಕಾಶರೂಪೇ |

ಸ್ಫುರದ್ವಿಶ್ವರೂಪೋऽನ್ತರಾತ್ಮಸ್ವರೂಪಃ ||

ರಸೋ ವೈ ಸ್ವಯಂದೀಪ್ತಚಿದ್ರೂಪಧಾರೀ |

ನೃಣಾ ನಿತ್ಯಸೇವ್ಯಾऽऽತ್ಮವಿದ್ಯಾ ಚಕಾಸ್ತೇ ||೧೦||

ನ ತು ದ್ವೈತರೂಪಂ ನ ಚಾದ್ವೈತರೂಪಂ |

ವಿಶಿಷ್ಟಂ ಚ ತನ್ನೇತಿ ಚಾದ್ವೈತರೂಪಮ್ ||

ನ ತಚ್ಛಕ್ತಿವೈಶಿಷ್ಟ್ಯಮದ್ವೈತರೂಪಂ |

ನೃಣಾ ನಿತ್ಯಸೇವ್ಯಾऽऽತ್ಮವಿದ್ಯಾ ಚಕಾಸ್ತೇ ||೧೧||

ನ ಸಿದ್ಧಾನ್ತಗಮ್ಯಾ ನ ತರ್ಕೇಣ ಸಾಧ್ಯಾ |

ನ ಪುಣ್ಯಾದವಾಪ್ಯಾ ನ ತು ಜ್ಞಾನಗಮ್ಯಾ ||

ಗುರೋರ್ದೃಷ್ಟಿಮಾತ್ರೇಣ ಧೀರಾವಬೋಧ್ಯಾ |

ನೃಣಾ ನಿತ್ಯಸೇವ್ಯಾऽऽತ್ಮವಿದ್ಯಾ ಚಕಾಸ್ತೇ ||೧೨||

ಗುರೋರ್ವಾಕ್ಯಮೇವಂ ಸ್ವಚಿತ್ತೇ ಹಿ ಮಿತ್ವಾ |

ನಿಧಿಧ್ಯಾಸನಾದ್ವಾ ಧಿಯಾ ಧ್ಯಾನಗಮ್ಯಾ ||

ಗುರೋರ್ದಿವ್ಯತತ್ತ್ವೇ ಪ್ರಪತ್ತಿಶ್ಚ ಕುರ್ಯಾತ್ |

ನೃಣಾ ನಿತ್ಯಸೇವ್ಯಾऽऽತ್ಮವಿದ್ಯಾ ಚಕಾಸ್ತೇ ||೧೩||

ಯಥಾ ಚೇನ್ಧನಂ ವಾಯುಸಙ್ಗಾತ್ ಪ್ರದೀಪ್ತಂ |

ಭವತ್ಯರ್ಚನಂ ಭಕ್ತಿಯೋಗೇನ ಪೂರ್ಣಮ್ ||

ತಥಾ ಗುರ್ವನುಜ್ಞಾऽऽತ್ಮವಿದ್ಯಾಪ್ರಬೋಧಾ |

ನೃಣಾ ನಿತ್ಯಸೇವ್ಯಾऽऽತ್ಮವಿದ್ಯಾ ಚಕಾಸ್ತೇ ||೧೪||

ನ ಚಾದಿರ್ನ ವಾऽನ್ತ್ಯೋ ನ ಪಾರಂ ನ ಸೀಮಾ |

ನ ಮಧ್ಯಂ ತಥಾऽऽಧ್ಯಾತ್ಮವಿದ್ಯಾಮಹಿಮ್ನ: ||

ಅತ: ಸರ್ವಯತ್ನೇನ ಧ್ಯಾಯೇದಿಯಂ ತು |

ನರೋ ಸರ್ವಕಾಲೇಷ್ವವಿದ್ಯಾನಿವೃತ್ತ್ಯೈ ||೧೫||

ಆತ್ಮವಿದ್ಯಾಭುಜಙ್ಗಂ ತು | ಸರ್ವಾವಿದ್ಯಾವಿನಾಶನಮ್ ||

ಸರ್ವದು:ಖಹರಂ ಚೈವ | ಸದಾನನ್ದಂ ಚ ದಾಸ್ಯತಿ ||೧೬||

ಯ: ಪಠೇಚ್ಛ್ರದ್ಧಯಾ ನಿತ್ಯಂ | ಸ್ತೋತ್ರಾರ್ಥಂ ತು ವಿಚಿನ್ತ್ಯ ಚ ||

ಅವಿದ್ಯಾಮಾಯಯಾ ಮುಕ್ತೋ | ವಿದ್ಯಯಾsಮೃತಮಶ್ನುತೇ ||೧೭||

ಇತಿ ಶ್ರೀಸದ್ಗುರುರೂಪಿಶ್ರೀಮನ್ನಾರಾಯಣಪ್ರೇರಣಯಾ, ಉಮಾಮಹೇಶ್ವರಕೃಪಯಾ, ಆತ್ಮತೃಪ್ತ್ಯರ್ಥಂ ಚ ದಂಬೆಕೃಷ್ಣಮೂರ್ತಿವಿರಚಿತಮಿದಂ ಆತ್ಮವಿದ್ಯಾಭುಜಙ್ಗಂ ಶ್ರೀಗುರುಚರಣಾರವಿಂದೇ ಸಮರ್ಪಿತಮಸ್ತು ||

||ಹರೇ ರಾಮ||