ಶ್ರೀಕೃಷ್ಣಸಹಸ್ರನಾಮಸ್ತೋತ್ರಮ್

ॐ

||ಶ್ರೀಗುರುಭ್ಯೋ ನಮ:| ಹರಿ: ಓಮ್||

ಓಂ ಗಣಾನಾಂ ತ್ವಾ ಗಣಪತಿಗ್ಂ ಹವಾಮಹೇ ಕವಿಂ ಕವೀನಾಮುಪಮಶ್ರವಸ್ತಮಮ್| ಜ್ಯೇಷ್ಠರಾಜಂ ಬ್ರಹ್ಮಣಾಂ ಬ್ರಹ್ಮಣಸ್ಪತ ಆನ: ಶೃಣ್ವನ್ನೂತಿಭಿಸ್ಸೀದಸಾದನಮ್|| ಶ್ರೀ ವಿಘ್ನೇಶ್ವರಾಯ ನಮ:|| ಅಥ

‍ಶ್ರೀಕೃಷ್ಣಸಹಸ್ರನಾಮಸ್ತೋತ್ರಮ್

||ಧ್ಯಾನಮ್||

(ಶಾರ್ದೂಲವಿಕ್ರೀಡಿತವೃತ್ತಮ್)

ಶ್ರೀಕೃಷ್ಣೋ ಮುರಳೀಧರೋ ಗಿರಿಧರೋ ಗೋವರ್ಧನಶ್ಶ್ರೀಧರೋ

ಮಾಯಾಮೋಹನಪೂರ್ಣವಿಷ್ಣುಪರಮೋ ನಾರಾಯಣ: ಕೇಶವ:|

ಪೂರ್ಣಜ್ಞಾನವಿಶೇಷದಿವ್ಯಪುರುಷಶ್ಶ್ರೀದೇವಕೀನನ್ದನ:

ಪಾಯಾನ್ನಶ್ಶರಣಾಗತಾಂಶ್ಚ ಕೃಪಯಾ ದೀಯಾತ್ಪರಂ ಮಙ್ಗಲಮ್||

(ಅನುಷ್ಟುಪ್ ಛನ್ದ:)

ದೇವಕೀನನ್ದನ: ಕೃಷ್ಣೋ ವಸುದೇವಾತ್ಮಜೋ ಹರಿ:|

ಅಷ್ಟಮೀತಿಥಿಸಮ್ಭೂತಶ್ಶ್ರಾವಣೇಕೃಷ್ಣಸಮ್ಭವ:||೧||(೬)

ವಿಷ್ಣುಪೂರ್ಣಾವತಾರ: ಕೋ ಮಥುರಾಪುರಜನ್ಮಭೂ:|

ವಾಸುದೇವೋ ಮಹಾತೇಜ: ಕೋಟಿಸೂರ್ಯಪ್ರಭಾಯುತ:||೨||(೧೨)

ಅಷ್ಟಮಗರ್ಭಸಮ್ಭೂತೋ ಜಾತರೋಹಿಣಿತಾರಕ:|

ನನ್ದಗೋಪಕುಮಾರಶ್ಚ ಗೋಕುಲೇಶ: ಪ್ರತಾಪವಾನ್||೩||(೧೭)

ಶಶಿಕೋಟಿಮನೋಹ್ಲಾದೀ ಮಾಯಾಮೋಹನನಾಟಕ:|

ಪೂತನಾದತ್ತವಿಷಭುಕ್ ಪೂತನಾದೇಹನಾಶನ:||೪||(೨೧)

ಶಕಟಾಸುರಸಂಹಾರೀ ಯಶೋದಾನನ್ದನ: ಪ್ರಭು:|

ಗೋಪಿಕಾವಲ್ಲಭೋ ಗೋಪೋ ಯಾದವವಂಶಭೂಷಣ:||೫||(೨೭)

ವಂಶೀಹಸ್ತೋ ಮಹಾದೇವೋ ದೇವದೇವೋ ಜಗತ್ಪತಿ:|

ಭೂಭಾರಹರಣೋ ದಿವ್ಯೋ ಲೀಲಾಮಾನುಷರೂಪಧೃತ್||೬||(೩೪)

ಭೂಧರಶ್ಶ್ರೀಧರೋ ನಿತ್ಯಸ್ಸತ್ಯಭಾಮಾರ್ಥಪೂರಕ:|

ಪಾರಿಜಾತಪ್ರಿಯಶ್ಚಾರುವಾಗ್ವಿಭೂಷಿತಸುನ್ದರ:||೭||(೪೦)

ದ್ವಾರಕೇಶಾऽऽರ್ತಪಾಲಶ್ಚ ಮುರಾರಿರ್ಮಧುಸೂದನ:|

ಗೋಪಿಕೋನ್ಮಾದಹಾರೀ ಚ ಭಕ್ತದು:ಖಾಪಹಾರಕ:||೮||(೪೬)

ಬಲರಾಮಾನುಜ: ಕಾಲ: ಕರ್ಮಕೃತ್ಕರ್ಮಕಾರಕ:|

ಕರ್ಮಾಕರ್ಮಸುವಿಜ್ಞಾತಾ ಗೀತಾಬೋಧನತತ್ಪರ:||೯||(೫೨)

ನಾರಾಯಣೋ ನರಾತ್ಮೀಯೋ ನರರೂಪೀ ಚ ನಾರದ:|

ನಾರದಮುನಿವನ್ದ್ಯಶ್ಚ ನರಸಿಂಹಾವತಾರಕ:||೧೦||(೫೮)

ಸಿದ್ಧಿರೂಪೋ ಮಹಾಮಾಯೀ ಸಿದ್ಧಿಪ್ರದವಿನಾಯಕ:|

ಸಿದ್ಧಾನ್ತಕೃದಮೇಯಾತ್ಮಾ ಪಾಞ್ಚಜನ್ಯವಿಭೂಷಿತ:||೧೧||(೬೪)

ಶಙ್ಕರಾಚಾರ್ಯರೂಪೀ ಚ ರಾಮಾನುಜಸ್ವರೂಪಧೃತ್|

ಪೂರ್ಣಪ್ರಜ್ಞಸ್ವರೂಪಶ್ಚ ಭಗವಾನ್ ಬಾದರಾಯಣ:||೧೨||(೬೯)

ನವನೀತಪ್ರಿಯ: ಕೃತ್ಸ್ನ ಆತ್ಮವಿತ್ಕರುಣಾಕರ:|

ಮಹದಾದಿಚತುರ್ವಿಂಶತಿತತ್ತ್ವಾತ್ಮಕತ್ರೈಗುಣ:||೧೩||(೭೪)

ಧರ್ಮಾರ್ಥಕಾಮಮೋಕ್ಷೇಶ: ಕೃಷ್ಣಮೂರ್ತಿ: ಪರಾಗತಿ:|

ರಾಮಮೂರ್ತಿ: ಕಲ್ಕಿರೂಪೋ ಬುದ್ಧರೂಪಶ್ಚತುರ್ವಿಧ:||೧೪||(೮೧)

ಶಕ್ತಿರೂಪೋ ಭಕ್ತಿರೂಪಶ್ಚಾರೂಪೀ ಭಕ್ತರೂಪಧೃತ್|

ನಾನಾರೂಪಧರಶ್ಶಮ್ಭುರ್ವಿಷ್ವಕ್ಸೇನಸ್ಸನಾತನ:||೧೫||(೮೯)

ಮತ್ಸ್ಯರೂಪ: ಕೂರ್ಮರೂಪೋ ವರಾಹೋ ವಾಮನೋ ವಿಭು:|

ಜಾಮದಗ್ನ್ಯೋ ದತ್ತಮೂರ್ತಿಸ್ತ್ರೈಲೋಕ್ಯವನ್ದಿತೋ ಗುರು:||೧೬||(೯೮)

ಮುಕುನ್ದೋ ಮಾಧವೋऽನನ್ತೋऽಚ್ಯುತಶ್ಚಾರುಚತುರ್ಭುಜ:|

ಗೋವಿನ್ದ: ಪರಮಾನನ್ದಸ್ಸತ್ಯನಾರಾಯಣೋ ರವಿ:||೧೭||(೧೦೭)

ಆದಿತ್ಯ: ಕಂಸಹಾ ನಾಥೋ ನವನಾರಾಯಣೋऽಮರ:|

ಋತಂ ಸತ್ಯಂ ಪರಬ್ರಹ್ಮ ಬ್ರಹ್ಮೋऽಪೇನ್ದ್ರೋ ಮಹೇಶ್ವರ:||೧೮||(೧೧೮)

ಶ್ರೀಪತಿ: ಪರತತ್ತ್ವಶ್ಚ ಪುರಾತನಶ್ಚ ಭೂಪತಿ:|

ಪ್ರಗ್ರಹಶ್ಶಾಶ್ವತಶ್ಚೇತಾ ನಿರ್ವಿಕಾರೋ ಧನಞ್ಜಯ:||೧೯||(೧೨೭)

ಪಾವಕೋ ಮಾರುತಸ್ತೋಯಶ್ಚಾಗಾಧೋ ಭಕ್ತವತ್ಸಲ:|

ಬುದ್ಧಿಶ್ಶುದ್ಧಿರ್ಜಿತಾಮಿತ್ರೋ ದ್ವಾರಕಾಧಿಪತಿರ್ವಿರಾಟ್||೨೦||(೧೩೭)

ತ್ರಿವಿಕ್ರಮ: ಪೂರ್ಣಕಾಮ: ಪರೇಶೋऽಮಿತವಿಕ್ರಮ:|

ಧನುರ್ಧರಶ್ಚ ಶತ್ರುಘ್ನೋऽನಿರುದ್ಧಶ್ಚ ಗದಾಧರ:||೨೧||(೧೪೫)

ಸುದರ್ಶನೋ ಹಯಗ್ರೀವೋ ನೃಹರಿ: ಪಾಪಹಾರಕ:|

ಸಙ್ಕರ್ಷಣೋऽತ್ರಿವನ್ದ್ಯಶ್ಚಾನಸೂಯಜೋऽಕ್ಷರಪ್ರಭು:||೨೨||(೧೫೩)

ಸರ್ವಜ್ಞಸ್ಸರ್ವಶಕ್ತಶ್ಚ ಸರ್ವಶರ್ಮಪ್ರದಾಯಕ:|

ಸರ್ವಗಸ್ಸರ್ವದಶ್ಶರ್ವಸ್ಸರ್ವಲೋಕಪತೀಶ್ವರ:||೨೩||(೧೬೦)

ವಿಶ್ವಾನ್ತಕೋ ವಿಶ್ವಮೂಲೋ ವಿಶ್ವಸ್ಥಿತಿಪರಾಯಣ:|

ವಿಶ್ವಸ್ಥೋ ವಿಶ್ವರೂಪಶ್ಚ ವಿಶ್ವಾಕಾರೋ ಮಹೀಧರ:||೨೪||(೧೬೭)

ಪಾಣ್ಡವಾಪ್ತೋ ಹೃಷೀಕೇಶ: ಪುಣ್ಯೋ ಭೂಭಾರಹಾರಕ:|

ಕೌರವಾದಿಖಲಧ್ವಂಸೀ ಕಾಲನೇಮಿಹರಃ ಪೃಥು:||೨೫||(೧೭೪)

ಕಂಸಾರಿರ್ಮಾತುಲಧ್ವಂಸೀ ಚಾರ್ತತ್ರಾಣಪರಾಯಣ:|

ತೃಣಾವರ್ತತೃಣೀಕರ್ತಾ ಧೇನುಕಾಸುರಮರ್ದನ:||೨೬||(೧೭೯)

ಪ್ರಲಮ್ಬಾರಿರ್ಮಧುಧ್ವಂಸೀ ಮೋಹನೋ ಮೋಹಿನೀತನು:|

ಕೈಟಭಾನ್ತಕರೂಪಶ್ಚ ಮೇದಿನೀಸೃಷ್ಟಿಕಾರಕ:||೨೭||(೧೮೫)

ಬ್ರಹ್ಮತಾತೋ ಲೋಕಬನ್ಧುರಾತ್ಮರೂಪೀ ಚ ಚಿತ್ಸುಖ:|

ಚಿನ್ಮಯಶ್ಚಿತ್ತಹಾರೀ ಚ ಸಚ್ಚಿದಾನನ್ದಮೂರ್ತಿಮಾನ್||೨೮||(೧೯೨)

ಸುರಧೇನುಸ್ಸುರಾವಾಸಸ್ಸ್ವರ್ಪತಿರ್ವಿಶ್ವಮೋಹಕ:|

ಪ್ರಾಣಪತಿಸ್ತ್ರಯೀರೂಪಶ್ಚೇಶ್ವರ: ಕೌಸ್ತುಭಪ್ರಿಯ:||೨೯||(೨೦೦)

ಅಕ್ರೂರವರದಶ್ಚೈವ ಪ್ರಲಮ್ಬಾಸುರಭಞ್ಜನಃ|

ಉದ್ಧವಪ್ರಿಯನಾಥಶ್ಚ ಮಹೇನ್ದ್ರಗರ್ವಹಾರಕಃ||೩೦||(೨೦೪)

ರಾಧಾಪ್ರಿಯತಮಶ್ಶ್ರೀಮಾನ್ ರುಕ್ಮಿಣೀವಲ್ಲಭೇಶ್ವರಃ|

ನಾಥನಾಥಶ್ಚ ಶ್ರೀನಾಥೋ ಲಕ್ಷ್ಮೀನಾಥೋ ಹ್ಯನಾಥಪಃ||೩೧||(೨೧೧)

ನರಕಾಸುರಸಂಹರ್ತಾ ಸ್ತ್ರೀಬಂಧನವಿಮೋಚಕಃ|

ಮಾರಪಿತಸ್ಸ್ಮೇರಮುಖೋ ಹಾರತೂಣೀರಭೂಷಣಃ||೩೨||(೨೧೬)

ಶಮ್ಭುಪ್ರಿಯಶ್ಚ ಸಾನನ್ದೋ ಬ್ರಹ್ಮಾನನ್ದೋ ವಿಧಿಸ್ತುತಃ|

ಶಙ್ಖಧಾರೀ ಯಮಶ್ಶಾರ್ಙ್ಗೀ ರಾಘವೋ ರವಿವಂಶಜಃ||೩೩||(೨೨೫)

ಮಧುಪಣ್ಡಿತಸೇವ್ಯಶ್ಚೇಶಾನಶ್ಚ ಯದುವಂಶಜಃ|

ಭಕ್ತಿವೇದಾನ್ತವನ್ದ್ಯಶ್ಚ ಶ್ರೀಮದ್ಭಾಗವತಾಮೃತಃ||೩೪||(೨೩೦)

ಸತ್ಯಸನ್ಧಶ್ಚ ಸತ್ತ್ವಸ್ಥೋ ಸತ್ತ್ವದಸ್ಸಾತ್ವತಾಂ ಪತಿಃ|

ಸದ್ಗುಣಾಢ್ಯಸ್ಸದಾಚಾರಸ್ಸನ್ಮಾರ್ಗೋ ಮಾರ್ಗದರ್ಶಕಃ||೩೫||(೨೩೮)

ವಿದ್ಯಾವಾನಮಿತಾದ್ಯಶ್ಚ ಸದುದ್ಯಮಪ್ರದಃ ಪರಃ|

ಪ್ರದ್ಯೋತಶ್ಚಾತ್ಮವಿದ್ಯಶ್ಚ ವಿದ್ಯುತ್ಪ್ರಭಾಸಮನ್ವಿತಃ||೩೬||(೨೪೬)

ಭಯಕೃದ್ಭಯಹಾರೀ ಚ ‍ವಿಘ್ನಕೃದ್ವಿಘ್ನಹಾರಕಃ|

ಅನಾದಿರ್ಬ್ರಹ್ಮಚಾರೀ ಚ ಧರ್ಮಾಧರ್ಮವಿವರ್ಜಿತಃ||೩೭||(೨೫೩)

ಜಗದ್ಗುರುಶ್ಚಕ್ರಧಾರೀ ಶಙ್ಖಪದ್ಮಗದಾಧರಃ|

ಶ್ರೀವತ್ಸಾಙ್ಕಶ್ಚತುರ್ವೇದಶ್ಶ್ರುತಿಸ್ಮೃತಿಪುರಾಣಧೃತ್||೩೮||(೨೫೯)

ನನ್ದಗೋಪಕುಮಾರಶ್ಚ ಗೋಪೀವಸ್ತ್ರಾಪಹಾರಕಃ|

ವಸುದೇವಾತ್ಮಜಶ್ಶ್ರೀಜಿದ್ದ್ರೌಪದೀವಸ್ತ್ರದಾಯಕಃ||೩೯||(೨೬೪)

ಕ್ಷತ್ರಾನ್ತಕೋ ಭಾರ್ಗವಶ್ಚ ವೇದವ್ಯಾಸೋ ಮಹಾಮತಿಃ|

ಹಲಾಯುಧಶ್ಚ ವಿಕ್ರಾನ್ತಸ್ಸವಿತಾ ನನ್ದನೋ ಮಹಾನ್||೪೦||(೨೭೨)

ಋಷ‌‌‌‍ಭಃ ಕಪಿಲೋ ಜಿಷ್ಣುಃ ಕೃಷ್ಣದ್ವೈಪಾಯನೋ ವಿಭುಃ।

ಬುಧಪ್ರಿಯೋ ಬುದ್ಧಿರೂಪೋ ಬುದ್ಧಿದಾತಾ ಧನಪ್ರದಃ॥೪೧॥(೨೮೧)

ಸಕಲಗ್ರಹನಾಥಶ್ಚ ಸರಸೀರುಹಲೋಚನಃ।

ಸರಸಸ್ಸಾರಸಸ್ಸೀರಸ್ಸುರಸ್ಸುರವರಸ್ಸ್ವರಾಟ್॥೪೨॥(೨೮೯)

ಸೂರ್ಯಸ್ಸೃಷ್ಟಿಪತಿಸ್ಸೇವಾಪ್ರಿಯಸ್ಸೈಕತಪುಣ್ಡ್ರಕಃ।

ಸೋಮಸ್ಸೋಮಪ್ರಿಯಸ್ಸೌತಿಸ್ಸಂಪದೇಶೋ ಮಹೀಶ್ವರಃ॥೪೩॥(೨೯೯)

ಅನಘೋಽಪತಿರಾಲಮ್ಬಶ್ಚಾಘಹಾರೀ ಘನಾಘನಃ।

ಗುರುರ್ಲಘುಃ ಕೃಶಸ್ಸ್ಥೂಲಃ ಕೇವಲೋ ನಿರ್ಗುಣಶ್ಶಿವಃ॥೪೪॥(೩೧೧)

ಪರೇಶಃ ಪರಮೋತ್ಕೃಷ್ಟಃ ಪರಾಮೂರ್ತಿಃ ಪರಾಗತಿಃ।

ಪರಮಾಣುಃ ಪರಂಬ್ರಹ್ಮ ಪರಾವರಃ ಪರಾತ್ಪರಃ॥೪೫॥(೩೧೯)

ಪರಂಜ್ಯೋತಿಃ ಪರಂಧಾಮಾ ಪರಮೇಶಃ ಪರಾಪರಃ।

ಪರಾಶಕ್ತಿಪ್ರಿಯೋಽಪಾರೋ ಪಾರದಃ ಪ್ರಣವಸ್ತಥಾ॥೪೬॥(೩೨೭)

ಪಿತೃರೂಪಶ್ಚ ಪೀಯೂಷಃ ಪೀತಾಂಬರಸುಶೋಭಿತಃ।

ಪುಣ್ಯಲೋಕಸ್ತು ಪೂರ್ವೇಶಃ ಪಣ್ಡಿತಃ ಪೈತೃಕಃ ಪತಿಃ॥೪೭॥(೩೩೫)

ಫಲರೂಪಃ ಫಾಲವಾಸೋಽನನ್ತಶೀರ್ಷಶ್ಚ ಪೂರುಷಃ।

ಅನನ್ತಾಕ್ಷೋಽಗ್ನಿರೂಪಶ್ಚಾನನ್ತಪಾದಸ್ತ್ರಿವಿಕ್ರಮಃ॥೪೮॥(೩೪೩)

ಮಹೇನ್ದ್ರೋ ಮಘವಾ ರುದ್ರೋ ಮಹಾವೀರೋ ಮಹೋರಗಃ।

ಮನ್ದರೋದ್ಧಾರಕೋ ಮನ್ದಶ್ಚಾಽಽಮುಖಂ ಮನ್ದಮಾರುತಃ॥೪೯॥(೩೫೨)

ಮಾಙ್ಗಲ್ಯೋ ಮಙ್ಗಲಾಕಾರೋ ಮಿತ್ರಂ ಮಿತ್ರೋಽಮಿತಾಕ್ಷರಃ।

ಮೀರಾನಾಥೋ ಮಿತ್ರಪಾಲೋ ಮುಖ್ಯಪ್ರಾಣಶ್ಚ ಮೂರ್ತಿಮಾನ್॥೫೦॥(೩೬೧)

ಆಶ್ಚರ್ಯೋ ಮೃಡಮೃದ್ರೂಪೋ ಲೋಕಮೇಖಲಸೂತ್ರಧೃತ್।

ಮೇದಿನೀಪತಿರಾರಾಧ್ಯೋ ಮೈತ್ರೀಕಲಹನಾಯಕಃ॥೫೧॥(೩೬೮)

ಮೋಹನಾಙ್ಗೋ ಮೋಕ್ಷರೂಪೋ ಮೋಹನಾಶನವಿಗ್ರಹಃ।

ಅಕಾರಾದಿಕ್ಷಕಾರಾನ್ತಸರ್ವವರ್ಣಪರಿಷ್ಟುತಃ॥೫೨॥(೩೭೨)

ಮೌಢ್ಯನಾಶಕೃದೇಕಾತ್ಮಾ ವಿಶ್ವಾತ್ಮಾ ವಿಶ್ವರೂಪಧೃತ್।

ಸರ್ವಾತ್ಮಾ ಸರ್ವಭೂತಾತ್ಮಾ ಪರಮಾತ್ಮಾಽಽತ್ಮನಿಗ್ರಹೀ॥೫೩॥(೩೮೦)

ಕೇಶವೋಽಧೋಕ್ಷಜಃ ಪೃಥ್ವೀಪತಿಃ ಕಾರುಣ್ಯಮೂರ್ತಿಮಾನ್।

ಭೂತೋಽವ್ಯಕ್ತೋಽಮೃತೇಶಶ್ಚ ಭವದ್ಭವ್ಯಭಯಾಪಹಃ॥೫೪॥(೩೮೮)

ಅಮೃತಾಂಶೂದ್ಭವೋ ದಿವ್ಯೋ ವಿಶ್ವೈಕಪಾದರೂಪಧೃತ್।

ದಿವಾಮೃತತ್ರಿಪಾದಶ್ಚ ತ್ರಿಪಾದೂರ್ಧ್ವೈಕಪಾದಸೃತ್॥೫೫॥(೩೯೪)

ಪದ್ಮಾಕ್ಷಃ ಪದ್ಮನಾಭಶ್ಚ ಪದ್ಮಾಪತಿರಪಾಂಪತಿಃ।

ಪದ್ಮಪಾತ್ಪದ್ಮಹಸ್ತೋ ವೈ ಪದ್ಮನೇತ್ರೋಽಹ್ಯಯೋನಿಜಃ॥೫೬॥(೪೦೨)

ಸಾಶನಾಧಿಪತಿಶ್ಚೈವಾನಶನಾಧಿಪತಿಶ್ಚ ಯಃ।

ಉರುಕ್ರಮೋ ವಿರಾಟ್ಪೂರ್ವಶ್ಚಾತ್ಮವಿಸ್ತಾರವಿಶ್ವಸೃತ್॥೫೭॥(೪೦೭)

ವಿರಾಜಾಧಿಪತಿಶ್ಚೈವ ವಸನ್ತಾಜ್ಯಶ್ಶರದ್ಧವಿಃ।

ಗ್ರೀಷ್ಮೇಧ್ಮೋ ಯಜ್ಞರೂಪಶ್ಚರ್ಷಿಸ್ಸಾಧ್ಯೋ ದೇವದುನ್ದುಭಿಃ॥೫೮॥(೪೧೫)

ಸರ್ವಹುತ್ಪೃಷದಾಜ್ಯಶ್ಚ ವಾಯವ್ಯಭೂತಕೃಚ್ಚ ಯಃ।

ಆರಣ್ಯಭೂತಕೃದ್ಗ್ರಾಮ್ಯಭೂತಕೃದ್ಭೂತಸಾರಥಿಃ॥೫೯॥(೪೨೧)

ಋಕ್ಕರ್ತಾ ಸಾಮಕರ್ತಾ ಚ ಛನ್ದಃಕರ್ತಾ ಯಜುರ್ನಿಧಿಃ।

ಬ್ರಾಹ್ಮಣಾಸ್ಯೋ ಬ್ರಹ್ಮಮುಖಃ ಕ್ಷತ್ರಿಯಭುಜಸಂಯುತಃ॥೬೦॥(೪೨೮)

ವೃನ್ದಾವನಸುಸಞ್ಚಾರೀ ಸಂಸಾರಾರ್ಣವತಾರಕಃ।

ಮುಕುನ್ದೋಽರಿಷ್ಟಹಾರೀ ಚ ವೃಷಭಾಸುರಮಾರಕಃ॥೬೧॥(೪೩೩)

ಬಕಹಾ ಚ ಪ್ರಲಮ್ಬಘ್ನೋ ದಯಾಲುರಘಭಞ್ಜನಃ।

ವ್ರಜಕ್ರೀಡೋ ವ್ರಜೇಶಶ್ಚ ವ್ರಜಬಾಲಾಪ್ರಿಯಸ್ಸುಹೃತ್॥೬೨॥(೪೪೧)

ಮಧುಪುರೇಶ್ವರಶ್ಶ್ಯಾಮೋ ಯದುಪೋ ಯಾದವಾಗ್ರಣೀಃ।

ಕಲಿಕಲ್ಮಷಹಾರೀ ಚ ರಾಮಕೃಷ್ಣಮಹಾಪ್ರಭುಃ॥೬೩॥(೪೪೭)

ಗೋಪತಿಶ್ಚ ರಮಾನಾಥಃ ಕ್ಷೀರಸಾಗರಸನ್ನಿಧಿಃ।

ವೃಷಾಕಪಿರ್ದೇವಪೂಜ್ಯಃ ಕಲಾನನ್ತಃ ಪ್ರತಾಪವಾನ್॥೬೪॥(೪೫೪)

ಪ್ರಜಾಪತಿಪತಿಶ್ಶೌರಿಸ್ಸಹಸ್ರವದನಃ ಕ್ರತುಃ।

ದೇಹೀ ಧೇನುಪತಿರ್ದಾತಾ ದೇವಾಂಶಯಾದವಾವೃತಃ॥೬೫॥(೪೬೨)

ವೈಶ್ಯೋರುಶ್ಶೂದ್ರಪಾದಶ್ಚ ಮಥುರಾಪುರಪಾಲಕಃ।

ಚನ್ದ್ರಮನಾ ಅರ್ಕಚಕ್ಷುರಗ್ನೀನ್ದ್ರಾನನಯಜ್ಞಪಃ ॥೬೬॥(೪೬೯)

ಪವನಮೂಲಸಪ್ರಾಣೋಽನ್ತರಿಕ್ಷನಾಭಿಮಣ್ಡಲಃ।

ಶೀರ್ಷಜಾತದ್ಯುಲೋಕಶ್ಚ ಭೂಮಿಪಾಚ್ಛ್ರೋತ್ರದಿಕ್ತನುಃ॥೬೭॥(೪೭೪)

ಸಾನ್ತಜೀವತ್ವಮಾಪನ್ನಾನನ್ತಪೂರುಷಭಾಸುರಃ।

ಆದ್ಯಧರ್ಮಪಿತಾ ಚೈವ ಭಾಯುತೋ ಭಾಪ್ರದಾಯಕಃ॥೬೮॥(೪೭೮)

ಆದಿತ್ಯವರ್ಣಸಂಶೋಭ್ಯೋ ನಾನಾನಾಮಾತ್ಮಕೋ ಹರಃ।

ಧಾತಾರ್ಚಿತಾದ್ಯಪಾದಶ್ಚ ಶಕ್ರಪೂಜಿತಪಾವನಃ॥೬೯॥(೪೮೩)

ಯಜ್ಞಧರ್ಮಪ್ರತಿಷ್ಠಶ್ಚ ಯಜ್ಞಧರ್ಮಪ್ರವರ್ತಕಃ।

ಯಜ್ಞಧರ್ಮಸುಕೃಚ್ಚೈವ ಯಜ್ಞಾಗ್ನಿರ್ಯಜ್ಞಪೂರುಷಃ॥೭೦॥(೪೮೮)

ಬಹುಧಾಜಾಯಮಾನಶ್ಚಾಜಾಯಮಾನೋ ಜಗತ್ಪತಿಃ।

ಜಗದ್ಯೋನಿಶ್ಚ ಹ್ರೀಭರ್ತಾ ಶ್ರೀಭರ್ತಾ ದಿವಿಜೇಶ್ವರಃ॥೭೧॥(೪೯೫)

ಪವಿತ್ರಃ ಪಾಪಹಾರೀ ಚ ಫಲೀ ಪದ್ಮಮುಖಃ ಪುರಮ್।

ಅಮೃತವಾಗಮೃತವಪುರಮೃತಾತ್ಮಕರೂಪದಃ॥೭೨॥(೫೦೩)

ಸುಧಾಮ್ಬುಧಿಸ್ಸುಧೀಶಶ್ಚ ವಸುಧಾಧಿಪತಿಸ್ಸುಧೀಃ।

ಗಙ್ಗಾಚರಣಸುದ್ವನ್ದ್ವೋ ಗಣ್ಡಕೀಸ್ಥಶಿಲಾಸ್ಥಿತಃ॥೭೩॥(೫೦೯)

ಶಾಲಗ್ರಾವಶಿಲಾಮೂರ್ತಿಸ್ಸಾಲಿಗ್ರಾಮಪ್ರಪೂಜಿತಃ।

ಉಡುಪೀಶಸ್ಸುಮಧ್ವೇಶೋ ಗುರುವಾತಪುರೀಶ್ವರಃ॥೭೪॥(೫೧೪)

ಪೆರುವಾಯಿಪುರಸ್ಥಸ್ಸನ್ತಾನಗೋಪಾಲನಾಮಕಃ।

ಬನಾರಿಪುರವಾಸೀ ಚ ಗೋಪಾಲಕೃಷ್ಣನಾಮಕಃ॥೭೫॥(೫೧೮)

ವಿಠ್ಠಲಪುರಸಂಸ್ಥಶ್ಚ ಪಾಣ್ಡುರಙ್ಗಸುವಿಠ್ಠಲಃ।

ತಿರುಪತ್ಯಾಖ್ಯಕ್ಷೇತ್ರಸ್ಥೋ ವೇಙ್ಕಟಾಖ್ಯೋ ಮಹಾಧನಃ॥೭೬॥(೫೨೩)

ಪಣ್ಡರಾಪುರದೇಶಸ್ಥಃ ಪಾಣ್ಡುರಙ್ಗಮಹಾಪ್ರಭುಃ।

ನವನಗರದೇಶೇಶಶ್ಶ್ರೀರಾಮಚನ್ದ್ರರೂಪವಾನ್॥೭೭॥(೫೨೭)

ಗೋವರ್ಧನಪುರೀಶಶ್ಚ ಜಗನ್ನಾಥೋಽಮರಪ್ರಭುಃ।

ನಾನಾಪುಣ್ಯಕ್ಷೇತ್ರವಾಸಸ್ತೀರ್ಥಾವಾಸೋಽತಿಪಾವನಃ॥೭೮॥(೫೩೩)

ಮಹಾಶಕ್ತಿರ್ಮಹಾತೃಪ್ತಿರ್ಮಹಾಭುಕ್ತಿರ್ಮಹಾತಪಾಃ।

ಮಹಾನನ್ದೋ ದೀನಬನ್ಧುರ್ಬನ್ಧಮೋಕ್ಷಪ್ರದಾಯಕಃ॥೭೯॥(೫೪೦)

ವೇದನಿಧಿಶ್ಚ ವೇದೇಶೋ ವೇದವೇದಾಙ್ಗಪಾರಗಃ।

ವೇದಾನ್ತಪ್ರತಿಪಾದ್ಯಶ್ಚ ವೇದವೇದ್ಯಶ್ಚ ವೇದವಿತ್॥೮೦॥(೫೪೬)

ನಿಗಮಾಗಮರೂಪಶ್ಚ ವೇದಾಗಮ್ಯಃ ಪುರುಷ್ಟುತಃ।

ಏಕಾಕ್ಷರೋ ವ್ಯಕ್ತರೂಪಃ ಪುರುಹೂತಃ ಪುರೋಹಿತಃ॥೮೧॥(೫೫೩)

ಪರಾವರವಿಸೃಷ್ಟಾರೋ ಮಙ್ಗಲಸ್ಸದಸತ್ಪರಃ।

ಜಿತಕಾಮೋ ಜಿತಾಘಶ್ಚ ಜಿತಾರಿರಪರಾಜಿತಃ॥೮೨॥(೫೬೦)

ಜಿತೇನ್ದ್ರಿಯೋ ಜಿತಕ್ಲೇಶೋ ಜಿತಾತ್ಮಾ ಗರುಡಧ್ವಜಃ।

ಶುಚಿಶ್ಶಾನ್ತಸ್ಸುದಾನ್ತಶ್ಚಾದಮ್ಭೋ ದಮ್ಭಹರಶ್ಶಶೀ॥೮೩॥(೫೭೦)

ಚರಾಚರಗುರುರ್ವೇದಸ್ಸರ್ವಶಾಸ್ತ್ರಕೃದವ್ಯಯಃ।

ವೃಷ್ಣಿವಂಶೋದ್ಭವೋ ಭಾವೋ ಭವತಾಪನಿವಾರಕಃ॥೮೪॥(೫೭೭)

ಯದುವಂಶಾವತಾರಶ್ಚ ಭೂತಭೃದ್ಭೂತಭಾವನಃ।

ಅಮೃತತ್ವಪ್ರದೋ ಮೃತ್ಯುಪ್ರದಾಯಕೋ ವ್ರಜೇಶ್ವರಃ॥೮೫॥(೫೮೩)

ಮಾಯಾನರ ಆತ್ತಚಕ್ರೋ ಮಾನುಷೀಪಾರ್ಥಿವಾಶ್ರಯಃ।

ಮುಷ್ಟಿಕಘ್ನಶ್ಚ ಕೇಶಿಘ್ನಶ್ಚಾಣೂರಪ್ರಾಣಹಾರಕಃ॥೮೬॥(೫೮೯)

ಮೈನ್ದದ್ವಿವಿಧಸಂಹರ್ತಾ ಬಾಣಾಸುರಪ್ರಣಾಶಕಃ।

ಭೌಮಹನ್ತಾ ಯದುಶ್ರೇಷ್ಠೋ ಬಲೀ ಬಲವತಾಂ ವರಃ॥೮೭॥(೫೯೫)

ಮಾಗಧಾದ್ಯಸುರದ್ವೇಷೀ ಕೌಮೋದಕೀಗದಾಯುಧಃ।

ಸಙ್ಕರ್ಷಣಾನುಜಶ್ಶನ್ತಮೇಶೋಙ್ಕಾರಸುವಿಗ್ರಹಃ॥೮೮॥(೬೦೧)

ಜಗನ್ನಿವಾಸರೂಪಶ್ಚ ಸ್ವಭಕ್ತಾಭಯಕಾರಕಃ।

ಸತ್ಯವ್ರತಸ್ತ್ರಿಸತ್ಯಶ್ಚ ಸದ್ಯೋನಿಸ್ಸತ್ಯಭಾವನಃ॥೮೯॥(೬೦೭)

ಸತ್ಯೇನಿಹಿತರೂಪಶ್ಚ ಸತ್ಯಸ್ಯಸತ್ಯರೂಪಧೃತ್।

ಋತಸತ್ಯದ್ವಿನೇತ್ರಶ್ಚ ಸತ್ಯಾತ್ಮಕಸ್ವರೂಪವಾನ್॥೯೦॥(೬೧೧)

ಪ್ರಪನ್ನಾರ್ತಿಹರಶ್ಚೈವ ಪ್ರಪನ್ನಾರ್ಥಪ್ರದಾಯಕಃ।

ಪ್ರಪನ್ನರಮಮಾಣಶ್ಚ ಪನ್ನಗಾಶನವಾಹನಃ॥೯೧॥(೬೧೫)

ಏಕೈಕಾಶ್ರಯರೂಪೀ ಚೈಕಾಯನಶ್ಚ ಸತಃಪ್ರಸೂಃ।

ಸಂನಿಧಾನಸ್ವರೂಪಶ್ಚಾನುಗ್ರಹಾತ್ಮಕಮೂರ್ತಿಮಾನ್॥೯೨॥(೬೨೦)

ಸರ್ವಸತ್ವೋಽಮ್ಬುಜಾಕ್ಷಶ್ಚ ಲೋಕಕ್ಷೇಮಪರಾಯಣಃ।

ಕೃತಗೋವತ್ಸಪಾದಪ್ರಮಾಣಸಂಸಾರಸಾಗರಃ॥೯೩॥(೬೨೪)

ಭವಾರ್ಣವನಿಮಗ್ನಾನಾನ್ತಾರರೂಪೀಪದಾಮ್ಬುಜಃ|

ಸತ್ತ್ವೋ ವಿಶುದ್ಧರೂಪಶ್ಚ ಕ್ರಿಯಾಯೋಗತಪಾರ್ಚಿತಃ॥೯೪॥(೬೨೮)

ಸಮಾಧಿಸ್ಥಿತಿಗಮ್ಯಶ್ಚ ಭಕ್ತಿವಶ್ಯೋ ಭವಾಪಹಃ।

ನೃಶ್ರೇಯೋಪಾಯನಶ್ಚೈವಾಜ್ಞಾನಾಪಹಾರಿಜ್ಞಾನವಾನ್॥೯೫॥(೬೩೩)

ಸರ್ವಗುಣಪ್ರಕಾಶಾತ್ಮಾ ಸರ್ವಸಾಕ್ಷೀ ತಥೇಶಿತಾ।

ಅನಾಮಾಽರೂಪವಾನ್ಜನ್ಮಕರ್ಮಗುಣವಿವರ್ಜಿತಃ॥೯೬॥(೬೩೯)

ಸತ್ತ್ವಾಶ್ರಯೋ ವಿಶುದ್ಧಾತ್ಮಾ ಮನೋವಾಕ್ಪೂಜ್ಯಪೂರುಷಃ।

ಮಙ್ಗಲನಾಮರೂಪಾಭ್ಯಾಮ್ಭವತಾರಣಕಾರಣಃ॥೯೭॥(೬೪೩)

ಸರ್ವಗುಹಾಶ್ರಯಸ್ಸ್ವಾಮೀ ಪೂರ್ಣೇನ್ದುವದನೋ ಜಗತ್।

ಅಂಬುಜೇಕ್ಷಣಯುಕ್ತಶ್ಚ ಚತುರ್ಭುಜಯುತೋ ಮಹತ್॥೯೮॥(೬೫೦)

ಪಾಞ್ಚಜನ್ಯಕರಶ್ಚೈವ ಮೇಘಶ್ಯಾಮವಪುರ್ಗತಿಃ।

ಕಿರೀಟಕುನ್ಡಲಜ್ಯೋತಿಭೂಷಿತಾನನ್ತಕುನ್ತಲಃ॥೯೯॥(೬೫೪)

ಶ್ರೇಷ್ಠಕಾಞ್ಚ್ಯಙ್ಗದೀ ಸೃಷ್ಟಿರುದ್ದಾಮಕಙ್ಕಣೈರ್ಯುತಃ।

ಕೇವಲಾನುಭವಾದ್ವೇದ್ಯಃ ಕೇವಲಃ ಪ್ರಕೃತೇಃಪರಃ॥೧೦೦॥(೬೬೦)

ಕೇವಲಾನನ್ದರೂಪಶ್ಚ ಜಗತ್ಕರ್ತಾ ಜಗದ್ಗೃಹಃ।

ಜಗತ್ಪ್ರವಿಷ್ಟರೂಪೀ ಸಚ್ಚಾಪ್ರವಿಷ್ಟಜಗತ್ಪ್ರಭುಃ॥೧೦೧॥(೬೬೬)

ಪ್ರಾಣಮೂಲೋ ಮನೋಮೂಲೋ ಹೃಷೀಕಾಧಿಪತಿರ್ಮತಿಃ।

ಆಕಾಶೋ ವಾಯುರಗ್ನಿಶ್ಚಾಪ: ಪೃಥ್ವೀ ವಿಶ್ವಧಾರಣ:॥೧೦೨॥(೬೭೬)

ಬ್ರಹ್ಮಮೂಲೋ ರುದ್ರಮೂಲಶ್ಚೇನ್ದ್ರಮೂಲಃ ಪ್ರಜೇಶಪ:|

ದ್ವಾದಶಾದಿತ್ಯಮೂಲಶ್ಚೈಕಾದಶರುದ್ರನಾಯಕ:॥೧೦೩॥(೬೮೨)

ವಸುಮೂಲಶ್ಛನ್ದಸಾಂಶ್ಚ  ಮೂಲಸ್ಸರ್ವಫಲಪ್ರದ:|

ಸರ್ವೇಷಾಂ ಚಾಲಶಕ್ತಿಶ್ಚ ಜಗಜ್ಜಾಲಸ್ಯ ನಾಯಕ:॥೧೦೪॥(೬೮೭)

ಲೋಕಪ್ರಲಯಮೂಲಶ್ಚ ಲೋಕಪಾಲನಕಾರಕ:|

ಲೋಕಸರ್ಗಸ್ಯ ಮೂಲಶ್ಚ ಸರ್ವಲೋಕಮಹೇಶ್ವರ:॥೧೦೫॥(೬೯೧)

ವಿದಿಶಶ್ಚ ದಿಶಶ್ಚೈವೋರ್ಧ್ವಶ್ಚಾಧಶ್ಚ ದಿಶಾಪ್ರದ:|

ಅನ್ತ:ಸ್ಥಶ್ಚ ಬಹಿ:ಸ್ಥಶ್ಚ ಭೂತಂ ಭವ್ಯಂ ಭವತ್ಪ್ರಭು:॥೧೦೬॥(೭೦೧)

ನಿರ್ವಿಕಲ್ಪೋ ನಿರಾಖ್ಯಾತೋ ನಿಷ್ಕಲಙ್ಕೋ ನಿರಞ್ಜನಃ।

ಪ್ರತ್ಯಗಾನನ್ದರೂಪಶ್ಚ ಷೋಡಶಾಕ್ಷರಮೂರ್ತಿಮಾನ್॥೧೦೭॥(೭೦೭)

ವಿಜ್ಞಾನಘನತತ್ತ್ವಶ್ಚ ಹೃತ್ಪುಣ್ಡರೀಕವಾಸಕ:|

ಬ್ರಹ್ಮಣ್ಯೋ ಬ್ರಹ್ಮವಿದ್ಯಾವೇದ್ಯೋ ವಿಶ್ವಾಕ್ಷಶ್ಚ ಶಾಶ್ವತ:||೧೦೮||(೭೧೩)

ವಿಶ್ವಶಮ್ಭುವಹೇತುಶ್ಚ ವಿಶ್ವಾತ್ಮೇಶ್ವರಭಾಸುರ:|

ಪರೋಜ್ಯೋತಿ: ಪರಾತ್ಮಾ ಚ ಮಹಾಜ್ಞೇಯ: ಪರಾಯಣ:||೧೦೯||(೭೧೯)

ಪರಬ್ರಹ್ಮ ಪರಂತತ್ತ್ವಂ ಪರೋಧ್ಯಾತಾ ಸದವ್ಯಯ:|

ಪರಂಧ್ಯಾನಂ ಸಮುದ್ರೇsನ್ತ: ಕವಿರ್ವಿಶ್ವಸದಾಶ್ರಯ:||೧೧೦||(೭೨೭)

ಅಧೋಮುಖಹೃದಾದಿತ್ಯೋ ಜ್ವಾಲಮಾಲಾಕುಲಾಧಿಪ:|

ಪದ್ಮಕೋಶಪ್ರತೀಕಾಶಹೃದಯಶ್ಚೋಶನಾಕವಿ:||೧೧೧||(೭೩೧)

ಶಿಲಾಭಿರ್ಲಮ್ಬಮಾನಾರ್ಚಿರ್ವಿಶ್ವಸ್ಯಾಯತನಂ ಹವಿ:|

ಶಿಲಾಗ್ರಸ್ಥಸುಶೀರ್ಷಶ್ಚ ಸುಶೀರ್ಷಾನ್ತರವಹ್ನಿಪ:||೧೧೨||(೭೩೬)

ಅಗ್ರಭುಗ್ವಿಶ್ವಭುಗ್ವಿದ್ಯುದ್ವಿಶ್ವಾರ್ಚಿರ್ವಿಶ್ವತೋಮುಖ:|

ಸದಾಸರ್ವಗರಶ್ಮೀಶೋ ದೇಹತಾಪಪ್ರಪಾಲಕ:||೧೧೩||(೭೪೩)

ನೀಲತೋಯದಮಧ್ಯಸ್ಥವಿದ್ಯುಲ್ಲೇಖಾತಿಭಾಸ್ಕರ:|

ನೀವಾರಶೂಕವತ್ತನ್ವೀ ಪೀತಾಭಸ್ತು ಹ್ಯಣೂಪಮಃ ||೧೧೪||(೭೪೭)

ವಹ್ನಿಶಿಖಾನ್ತರಸ್ಥಶ್ಚ ಕೃಷ್ಣಪಿಙ್ಗಲವರ್ಣಧೃತ್|

ಊರ್ಧ್ವರೇತಾ ವಿರೂಪಾಕ್ಷೋ ವಿಶ್ವರೂಪೋ ಸುರೂಪದ:||೧೧೫||(೭೫೩)

ತ್ರೈಲೋಕ್ಯಮೋಹನಶ್ಚೈವ ಸ್ವಾತ್ಮಾರಾಮೋ ನಿರಞ್ಜನ:|

ಜಾಮದಗ್ನ್ಯೋ ಮಹಾವೀರಃ ಪಾರಾಶರ್ಯಸ್ಸ್ವಯಂಭವ:||೧೧೬||(೭೬೦)

ಮಹಾಜ್ವಾಲಸ್ಸಪ್ತಜಿಹ್ವೋ ವೈಶ್ವಾನರೋऽಗ್ನಿರೂಪಧೃತ್|

ಸುರಾಚಾರ್ಯಸ್ಸುರಶ್ರೇಷ್ಠೋ ಬೃಹಸ್ಪತಿ: ಪುರಾಧಿಪ:||೧೧೭||(೭೬೮)

ವೈವಸ್ವತೋ ಯಮ: ಕಾಲಪುರುಷಸ್ಸೂರ್ಯನನ್ದನ:|

ದಣ್ಡಹಸ್ತೋ ಮಹಾಕಾಲಶ್ಶೂಲಹಸ್ತಷ್ಷಡಾನನ:||೧೧೮||(೭೭೬)

ಜಗನ್ಮಙ್ಗಲರೂಪಶ್ಚ ಭಕ್ತಾನಾಮಭಯಙ್ಕರ:|

ಸರ್ವಾತ್ಮಕ ಆತ್ಮಭೂತೋ ಜಗನ್ನಿವಾಸರೂಪಧೃತ್||೧೧೯||(೭೮೧)

ಧಾತಾ ಸರ್ವಗುಣೋಪೇತೋ ಭರ್ತಾ ಪರಮಶೋಭನ:|

ಉಡ್ವೀಶವದನೋ ಭವ್ಯೋ ಭಾವ್ಯಸ್ಸರ್ವಗುಹಾಸ್ಥಿತ:||೧೨೦||(೭೮೯)

ಸರ್ವಧ್ಯೇಯಶ್ಚ ಸರ್ವೇಡ್ಯಸ್ಸರ್ವಲೋಕಪ್ರಪೂಜಿತ:|

ಶರಣ್ಯಶ್ಚ ವರೇಣ್ಯಶ್ಚ ಶರಣಾಗತವತ್ಸಲ:||೧೨೧||(೭೯೫)

ರಕ್ತವರ್ಣವಿಧಾತಾ ವೈ ರಜೋಗುಣಪ್ರಕಾಶಕ:|

ಶುಕ್ಲವರ್ಣಮಯಶ್ಚೈವ ಸತ್ತ್ವರೂಪೀ ಸ್ಥಿತೀಶ್ವರ:||೧೨೨||(೮೦೦)

ಕೃಷ್ಣವರ್ಣಸ್ತಮೋರೂಪೀ ಜಗತ್ಪ್ರಲಯಕಾರಕ:|

ಸರ್ವಲೋಕರಿರಿಕ್ಷಿಷುಸ್ಸರ್ವಕಾರಣಕಾರಣ:||೧೨೩||(೮೦೫)

ಮುಕ್ತಿರ್ಜ್ಯೋತಿರ್ನಿರೀಹಞ್ಚ  ಮಹಾಪುರುಷಲಕ್ಷಣ:|

ಸತ್ತಾಮಾತ್ರೋ ನಿರ್ವಿಕಾರೋ ನಿರ್ವಿಶೇಷೋ ನಿರೀಶ್ವರ:||೧೨೪||(೮೧೩)

ಶೇಷಶ್ಚಾಧ್ಯಾತ್ಮದೀಪಶ್ಚ ವಿಶ್ವಚೇಷ್ಟಶ್ಚತುರ್ವಿಧ:|

ಭೃತ್ಯವಿತ್ರಾಸಹಾರೀ ಚ ಮಹೀಯಾಂಕ್ಷೇಮಧಾಮಪ:||೧೨೫||(೮೨೦)

ಅಧ್ಯಕ್ಷೋऽವ್ಯಕ್ತಬನ್ಧುಶ್ಚ ಧ್ಯಾನಧಿಷ್ಣ್ಯಸ್ವರೂಪವಾನ್|

ಅಪ್ರತ್ಯಕ್ಷಶ್ಚ ಪ್ರತ್ಯಕ್ಷಶ್ಚಾಲೌಕಿಕಸ್ವರೂಪಧೃತ್||೧೨೬||(೮೨೬)

ಶಙ್ಖಚಕ್ರಗದಾಪದ್ಮಶ್ರಿಯಾಜುಷ್ಟಚತುರ್ಭುಜ:|

ವಿಶ್ವಕರ್ತಾ ಜಗದ್ಭರ್ತಾ ಲೋಕಹರ್ತಾ ತ್ರಿಮೂರ್ತಿಪ:||೧೨೭||(೮೩೧)

ದೇವಕೀಗರ್ಭಗಶ್ಚೈವ ವರದೋ ವಸುಧಾಧಿಪ:|

ಪೃಶ್ನಿಗರ್ಭೋऽಸುರದ್ವಿಚ್ಚ ಪ್ರಾಕೃತಶಿಶುರೂಪಧೃತ್||೧೨೮||(೮೩೭)

ವಿಶ್ವೇಶ್ವರೋऽನನ್ತರೂಪೋ ನನ್ದಾತ್ಮಜ: ಪ್ರತಾಪವಾನ್|

ಆಢ್ಯೋऽಗ್ನಿಗರ್ಭರೂಪಶ್ಚೇ ನ್ದುವದನೇಶ್ವರೇಶ್ವರ:||೧೨೯||(೮೪೫)

ಉತ್ತರಶ್ಚೋರ್ಧ್ವಗಶ್ಚರ್ಷಿಶ್ಚರ್ಷ್ಟಿಸ್ಸ್ಮಿತಶ್ಚ ಲೃಪ್ರಭು:|

ಏಕವೀರಶ್ಚೈನ್ದ್ರಿರೂಪಶ್ಚೋದನಶ್ಚೌಕ್ಷಕಪ್ರಿಯಃ ||೧೩೦||(೮೫೫)

ಅಂಹಹಾರೀಯಹ:ಪಾತಾ ಕಂಸಾರಾತಿಶ್ಚ ಕಕ್ಖಟ:|

ಕಾಕುತ್ಸ್ಥ: ಕಕುದ: ಕಙ್ಕ: ಕಙ್ಕಟ: ಕಚ್ಛಪೇಶ್ವರ:||೧೩೧||(೮೬೪)

ಕಜ್ಜಲಾಭ: ಕಜ್ಜಲೀ ಚ ಕಜ್ಜ್ವಲಂ ಕಞ್ಜಲೋಚನ:|

ಕಠಮರ್ದ್ದ: ಕಠಿಞ್ಜರಪ್ರಿಯ: ಕಠಿನಪೃಷ್ಠಕ:||೧೩೨||(೮೭೧)

ಖಕುನ್ತಲ: ಖಗಾರೂಢ: ಖಗೇನ್ದ್ರಧ್ವಜಸ್ಯನ್ದನ:|

ಖದ್ಯೋತ: ಖಣ್ಡಪರಶು: ಖಣ್ಡೀ ಖರಣಸ: ಖರಾ||೧೩೩||(೮೭೯)

ಖರ್ಪರಹಾರಮಿತ್ರಞ್ಚ ಖಲಸಙ್ಕುಲಮರ್ದನ:|

ವಿಪ್ರೋ ವಿಗ್ರಶ್ಚ ಧೀರಶ್ಚ ವೇನೋऽಧ್ವರೋ ಮಖಸ್ಸ್ವಧಾ||೧೩೪||(೮೮೮)

ವಿದುರಾತಿಥ್ಯಸ್ವೀಕರ್ತಾऽಕ್ರೂರವರದಮೂರ್ತಿಮಾನ್|

ಸುಭದ್ರಾಪೂರ್ವಜಾತಶ್ಚ ಭೀಷ್ಮನಿರ್ವಾಣಕಾರಣ:||೧೩೫||(೮೯೨)

ಪಾಣ್ಡವಪ್ರಾಣಮಿತ್ರಞ್ಚ ಕೌರವಕುಲಮರ್ದ್ದನ:|

ಪಾರ್ಥಸಾರಥಿರೂಪೀ ಚ ತೀರ್ಥಪಾದ್ವೇದಪಾರಗ:||೧೩೬||(೮೯೭)

ವೇದಸಾರೋ ನಿರಾಧಾರ ಆಧಾರೋ ಭವತಾರಕ:|

ರುಕ್ಮಿಣೀಚಿತ್ತಹಾರೀ ಚ ವ್ರಜಾರಣ್ಯವಿಹಾರಭೂ:||೧೩೭||(೯೦೩)

ಪರಮಸುಖಕನ್ದಞ್ಚ ಮಹಾಮ್ಭೋಧಿನಿವಾಸಕ:|

ದಿವಿಜಪೋ ರುದ್ರಪೂಜ್ಯಶ್ಚ ಧೀರೈರ್ಧ್ಯೇಯೋ ವಿಧೇ:ಪರ:||೧೩೮||(೯೦೯)

ಮಹಾವಾಕ್ಯೈಸ್ಸುವಿಜ್ಞೇಯೋ ಹಾರ್ದಭಾವಸ್ತುತಿಪ್ರಿಯ:|

ಮನ:ಪ್ರಮಾಣದುರ್ಗಮ್ಯೋ ಮಹಾಮಾಯಾಸುಜಾಲಧೃತ್||೧೩೯||(೯೧೩)

ವನಮಾಲೀ ಸುಭಾಲೋ ಮಲಹಾರೀ ಗೋಪಬಾಲಕ:|

ಕಲಾತೀತೋ ಯಜ್ಞಭೋಕ್ತಾ ಯಜ್ಞೇಶ್ವರಸ್ವರೂಪದೃಕ್||೧೪೦||(೯೨೦)

ಸರ್ವತೀರ್ಥಾತ್ಮಕಸ್ಸರ್ವಗ್ರಹರೂಪೀ ದಯಾನಿಧಿ:|

ಯೋಗಾರೂಢೋ ಬಾಣಹನ್ತಾ ವೇಣುನಾದಸುಚಾತುರ:||೧೪೧||(೯೨೬)

ಜಯೀ ಸತ್ಯವಚಾಸ್ಸತ್ಯಸಙ್ಕಲ್ಪೋऽಕ್ರೂರಪೂಜಿತ:|

ಸತ್ಯಭಾಮಾರತೋ ಮಾಯೀ ಕೃಷ್ಣಾऽऽರ್ತಿಪರಿಹಾರಕ:||೧೪೨||(೯೩೩)

ಅನನ್ತಬ್ರಹ್ಮಚಾರೀ ಕುಬ್ಜಾಕೃಷ್ಣಾಮ್ಬರಧಾರಕ:|

ನರನಾರಾಯಣಾತ್ಮಾ ಚ ತುಲಸೀಸ್ರಗ್ವಿಭೂಷಣ:||೧೪೩||(೯೩೭)

ಸರ್ವಪಾಲಕರೂಪಶ್ಚ ಗೋಪಗೋಪೀಮನೋಹರ:|

ಗೋವತ್ಸವಾಟಚಾರೀ ಚ ಯಮಳಾರ್ಜುನಭಞ್ಜನ:||೧೪೪||(೯೪೧)

ನವನೀತವಿಲಿಪ್ತಾಙ್ಗ: ಪಾರ್ಥಸೂತ್ರಧರಸ್ಸುಧೀ:|

ಮಹಾಮನ್ತ್ರಾರ್ಚನಪ್ರೀತೋ ಮಹೈಶ್ವರ್ಯಪ್ರದಾಯಕ:||೧೪೫||(೯೪೬)

ಹಿರಣ್ಮಯಶರೀರಶ್ಚ ಭೃಗುಪುತ್ರೀಪ್ರಿಯಶ್ಶುಭ:|

ಏಕಾದಶೀತಿಥಿಪ್ರೀತಸ್ಸರ್ವಮಙ್ಗಲದಾಯಕ:||೧೪೬||(೯೫೧)

ಕುರುಕ್ಷೇತ್ರಾಜಿಸಙ್ಕರ್ತಾ ಕುರುಸನ್ಧಾನವೇಷಧೃತ್|

ಧಾರ್ತರಾಷ್ಟ್ರವಿನಾಶಶ್ಚ ಪಾಂಡುವಂಶಸುರಕ್ಷಕ:||೧೪೭||(೯೫೫)

ಕೌರವಾಧಿಪತಿತ್ವಸ್ಯಾನ್ತಕ: ಪಾಣ್ಡವರಾಜ್ಯದ:|

ಅನಾಕಾಶಶ್ಚ ಗೋನಾಥೋऽನಾಕಾರೋ ಭುವನಾಕೃತಿ:||೧೪೮||(೯೬೧)

ಮೃತ್ತಿಕಾಖಾದನಾರ್ಥಂ ಯಶೋದಾತಾಡನಶೈಶವ:|

ರಾಧಿಕಾರಾಧಿತೋ ಜಿಷ್ಣುರ್ಗೋಪಿಕಾಸೇವಿತಪ್ರಭು:||೧೪೯||(೯೬೫)

ಶ್ರಿಯಾಶ್ಲಿಷ್ಟವಪುರ್ವೇದವಿಷಯಸ್ಸ್ಥಿರಚರಾಕೃತಿ:|

ವಿಶ್ವಮಸ್ತಿಷ್ಕಸಾಕ್ಷೀ ಚ ಶುದ್ಧಬುದ್ಧಪ್ರಸಿದ್ಧಪ:||೧೫೦||(೯೭೦)

ಗಙ್ಗಾಜನಕಗೌರಾಙ್ಗೋ ಗಂ ಗೋ ಗಗ್ಘಮುಖೋ ಗಡು:|

ಗಡೋ ಗಡೇರವರ್ಣಶ್ಚ ಗಡೋಲಪ್ರಿಯಗಣ್ಡಕ:||೧೫೧||(೯೮೦)

ಘಟೋ ಘಟಕರೂಪೀ ಚ ಘನಸಾರೋ ಘನಸ್ವನ:|

ಚಕ್ರಪಾಣಿಶ್ಚಙ್ಗರೂಪೀ ಛೋಲಙ್ಗಪ್ರಿಯಛತ್ವರ:||೧೫೨||(೯೮೮)

ಜಗದಾಧಾರಶಕ್ತಿಶ್ಚ ಜಗ್ಮಿರ್ಝಮ್ಪಾರುಸೇವಿತ:|

ಝರ್ಝರಕಪಾಪಹಾರೀ ಚಞ್ಚಲೇಶಷ್ಟಿಟ್ಟಿಭಾನ್ತಕ:||೧೫೩||(೯೯೪)

ಟ್ವಲಹಾರೀ ಚ ಠೋ ಲೄಶ್ಚ ೠ ಡಮರುಧರಪ್ರಿಯ:|

ಡಿತ್ಥೋ ಢುಣ್ಢಿಪ್ರಿಯೋ ಣಶ್ಚ ತರ್ಕಾತರ್ಕವಿವರ್ಜಿತ:||೧೫೪||(೧೦೦೩)

ದಂಷ್ಟ್ರೀ ಚ ದಕ್ಷಸಾವರ್ಣಿಕಾಯಾಂ ತು ಪರಮರ್ಷಭ:|

ಧನದೇಶೋ ಧರ್ಮಕಾಯೋ ಧನ್ವನ್ತರಿರ್ಧನುಷ್ಕರ:||೧೫೫||(೧೦೦೯)

ಹಿರಣ್ಯಪಾಣಿಶ್ಶತ್ರುಘ್ನೋ ವೀತಿಹೋತ್ರ: ಕ್ರತೋ:ಪತಿ:|

ರುದ್ರಶಕ್ತಿರ್ಮಹಾವಿಷ್ಣುಸ್ಸರ್ವಶಾನ್ತಿಪ್ರದಾಯಕ:||೧೫೬||(೧೦೧೬)

ಫಲಶ್ರುತಿ:

ಇತ್ಥಂ ಪ್ರಕೀರ್ತಿತಂ ಸ್ತೋತ್ರಂ ಸಹಸ್ರಂ ಹ್ಯೇತದುತ್ತಮಮ್|

ಕೃಷ್ಣಸ್ಯಾಮಿತರೂಪಸ್ಯ ಕೃಷ್ಣಾನುಗ್ರಹಕಾರಕಮ್||೧೫೭||

ಧರ್ಮಾರ್ಥಕಾಮಮೋಕ್ಷಾಣಾಂ ಸಾಧಕಂ ನಾತ್ರ ಸಂಶಯ:|

ದೇವದೇವಸ್ಯ ಪುಣ್ಯಾನಿ ನಾಮಾನ್ಯಗಣಿತಾನಿ ವೈ||೧೫೮||

ತಥಾಪ್ಯಹಂ ಸುಯತ್ನೇನ ಯಥಾಶಕ್ತಿ ಸ್ಮರಾಮಿ ತಾನ್|

ಅನನ್ತನಾಮರೂಪಂ ತಮೀಡೇ ಸ್ತೋತ್ರೇಣ ಭಕ್ತಿತ:||೧೫೯||

ಕೃಷ್ಣಾನುಗ್ರಹಮಾತ್ರೇಣ ನಾತ್ರ ಕಾರ್ಯಾ ವಿಚಾರಣಾ|

ಕೃಷ್ಣಸಾಯುಜ್ಯತಾಂ ಯಾತಿ ಶ್ರದ್ಧಯಾ ಯ: ಪಠೇನ್ಮುದಾ||೧೬೦||

ವಾಞ್ಛಿತಾರ್ಥಮವಾಪ್ನೋತಿ ಲೌಕಿಕಂ ಪಾರಲೌಕಿಕಮ್|

ಶ್ರೀತುಷ್ಟಿಪುಷ್ಟಿಕಾಮಶ್ಚೇನ್ನಿತ್ಯಂ ಪಠ್ಯಂ ಸುಭಕ್ತಿತ:||೧೬೧||

ಕಲತ್ರಪುತ್ರಪೌತ್ರಾದಿಸರ್ವೈಹಿಕಮವಾಪ್ನುಯಾತ್|

ಆಮುಷ್ಮಿಕಂ ಗತಿಂ ಶ್ರೇಷ್ಠತಮಂ ಪ್ರಾಪ್ನೋತಿ ಶಾಶ್ವತಮ್||೧೬೨||

ಪಠೇತ್ ಸ್ತೋತ್ರಮಿದಂ ದಿವ್ಯಮರ್ಥಾನನ್ವಿಷ್ಯ ಯತ್ನತ:|

ವಾಗರ್ಥಾಭ್ಯಾಂ ಮನ್ಥನಾಚ್ಚ ಪರಿಪೂರ್ಣಫಲಂ ಭವೇತ್ ||೧೬೩||

ಬ್ರಹ್ಮಜ್ಞಾನಮಥಾದ್ವೈತಮುಕ್ತಿಮಾತ್ಯನ್ತಿಕಂ ಪರಮ್|

ಮನಶ್ಶಾನ್ತಿಮಥಾರೋಗ್ಯಂ ದೀರ್ಘಾಯುಷ್ಯಂ ಸಮನ್ತತ:||೧೬೪||

ಋದ್ಧಿಂ ವೃದ್ಧಿಂ ಸಮೃದ್ಧಿಂ ಚ ಸುಖವೃದ್ಧಿಮವಾಪ್ನುಯಾತ್ |

ವಿದ್ಯಾಂ ಬುದ್ಧಿಂ ತಥೈಶ್ವರ್ಯಂ ಸಾಮ್ರಾಜ್ಯಂ ಸ್ವರ್ಗಮಿಚ್ಛುಕ:||೧೬೫||

ಕೃಷ್ಣಾಮೃತರಸಾಸ್ವಾದಾತ್ ಕಿಂ ನ ಪ್ರಾಪ್ನೋತಿ ಪಾಠಕ:|

ಸರ್ವಮೇವ ತಥಾಪ್ನೋತಿ ವಾಸುದೇವಸ್ಯ ಲೀಲಯಾ||೧೬೬||

||ಇತಿ ಶ್ರೀಗೋಪಾಲಕೃಷ್ಣಪ್ರೇರಣಯಾ ಉಮಾಮಹೇಶ್ವರಕೃಪಯಾ ಸದ್ಗುರುದಯಯಾ ಪರಬ್ರಹ್ಮಸ್ವರೂಪಶ್ರೀಕೃಷ್ಣಪ್ರೀತ್ಯರ್ಥಂ ಚ ದಮ್ಬೆಕೃಷ್ಣಮೂರ್ತಿಶಾಸ್ತ್ರಿಣಾ ವಿರಚಿತಮಿದಂ ಶ್ರೀಕೃಷ್ಣಸಹಸ್ರನಾಮಸ್ತೋತ್ರಂ ಸಂಪೂರ್ಣಮ್||

ಓಂ ಶಾನ್ತಿಶ್ಶಾನ್ತಿಶ್ಶಾನ್ತಿ:|| ಹರಿ: ಓಮ್||