ಶ್ರೀ ಉಮಾಮಹೇಶ್ವರಕವಚಮ್

ಧ್ಯಾನಮ್

(ಸ್ರಗ್ಧರಾ-ವೃತ್ತಮ್)

ಕೈಲಾಸಾಗ್ರೇ ಭವಾನೀಗಜಮುಖಸಹಿತ: ಶಂಕರ: ಸ್ಕಂದಯುಕ್ತೋ

ನಂದಿವ್ಯಾಘ್ರಪ್ರವಾಹ: ಶಿಖಿವಹಸಹಿತೋ ಮೂಷಿಕಾವಾಹಯುಕ್ತ: |

ಭೃಂಗ್ಯಾಖ್ಯಾದ್ಯೈ: ಸುವೀರೈ: ಪ್ರಮಥಗಣಯುತಶ್ಚಂದ್ರಕಾಂತೇ ಸ್ಥಿತಶ್ಚ

ಪಾಯಾನ್ನ: ಶಂಭುರಾರ್ತಾನ್ ಭವಜಲಧಿಹೃತಾನ್ ನಾಗಭೂಷೋ ಮಹೇಶ: ||೧||

ಇತಿ ಧ್ಯಾನಮ್ ||

(ಅನುಷ್ಟುಭ್ ವೃತ್ತಮ್)

ಶಿವನಾಮಮಹಿಮ್ನಸ್ತು ಪಾರಂ ಕೋ ವೇತ್ತಿ ತತ್ತ್ವತ: |

ಶಿವಮಹಾಪುರಾಣಂ ತು ಸರ್ವಪಾಪವಿನಾಶನಮ್ ||೨||

ಶಿವನಾಮಸಹಸ್ರಾಣಿ ಪುಣ್ಯಪ್ರದಾನಿ ಕೋಟಿಶ: |

ಶಿವಸ್ಯ ಕವಚಂ ಸ್ತೋತ್ರಂ ಮಹಾಭಯನಿವಾರಕಮ್ ||೩||

ಶಿವಸ್ತೋತ್ರಸಹಸ್ರೇಷು ರುದ್ರಶಂಸಕಸೂಕ್ತಿಷು |

ಸರ್ವೇಷು ರುದ್ರಮಂತ್ರೇಷು ಮಹಾಶಕ್ತಿರ್ವಿಶಿಷ್ಯತೇ ||೪||

ರುದಾನ್ವೈ ತ್ರಾಯತೇ ರುದ್ರೋ ಶಂಕರ: ಶಂ ತನೋತಿ ನ: |

ಉಮಾಮಹೇಶ್ವರ: ಸಾಕ್ಷಾತ್ ಶಿವಶಕ್ತಿದ್ವಯಾತ್ಮಕ: ||೫||

ಪಂಚಶೀರ್ಷಾತ್ಮಕ: ಶಂಭು: ಸದ್ಯೋಜಾತ: ಸದಾಶಿವ: |

ಅಘೋರೇಶಾನಶೀರ್ಷಶ್ಚ ವಾಮದೇವಕಪಾಲಧೃತ್ ||೬||

ಕಾಲಕಾಲಸ್ಯ ಶೀರ್ಷಂ ತು ತತ್ಪುರುಷಂ ಚ ಪಂಚಮಮ್ |

ತ್ರಿಣೇತ್ರಮಿತಿ ವಿಜ್ಞೇಯಂ ಚಂದ್ರಸೂರ್ಯಾನಲಾತ್ಮಕಮ್ ||೭||

ಭಾಲನೇತ್ರಂ ತು ಜ್ಞಾನಾರ್ಥಮಧ್ಯಾತ್ಮಂ ಮನ್ಮಥಾಪಹಮ್ |

ಸುಷುಮ್ನಾರೂಪಮಿತ್ಯೇವಮಿಡಾಪಿಂಗಲನೇತ್ರಕ: ||೮||

(ಭುಜಂಗಪ್ರಯಾತವೃತ್ತಮ್)

ಚಿತಾಭಸ್ಮಲೇಪಂ ಮಹಾರುಂಡಮಾಲಂ

ಜಟಾಜೂಟಯುಕ್ತಂ ಕಪರ್ದಿಂ ಸತೀಶಮ್ |

ಪ್ರಭುಂ ನೀಲಕಂಠಂ ಭುಜಂಗೈ: ಸುಭೂಷಂ

ಸದಾಗಾಂಗತೋಯಂ ಭಜೇऽಹಂ ಪ್ರಪದ್ಯೇ ||೯||

(ಶಾರ್ದೂಲವಿಕ್ರೀಡಿತವೃತ್ತಮ್)

ಭಕ್ತಿಜ್ಞಾನವಿಧಾನತಶ್ಚ ಸತತಂ ಧ್ಯಾನೇನ ವಾ ಕರ್ಮಣಾ

ನಿಷ್ಕಾಮೇನ ಶಿವಾರ್ಪಣೇನ ಮನಸಾ ಬುದ್ಧ್ಯಾ ಗೃಹೀತತ್ವಯಾ |

ಶಾಂತೋ ದಾಂತತಯಾ ಸದಾ ನಿಜಹೃದಿ ಪ್ರಾಣಾಂಶ್ಚ ಸಂಧಾರಯನ್

ಭಾವ್ಯೋಮಾರಮಣೋ ದಯಾರ್ದ್ರಹೃದಯಸ್ತ್ರಾತಾऽಸ್ತು ನ: ಸರ್ವದಾ ||೧೦||

(ಅನುಷ್ಟುಭ್ ವೃತ್ತಮ್)

ಸದಾಶಿವ: ಶಿರ: ಪಾತು ಭಾಲಂ ತು ಭಾಲನೇತ್ರವಾನ್ |

ದೃಶೌ ವಿಜ್ಞಾನದೃಕ್ಚೈವ ಕರ್ಣೌ ತು ಕರುಣಾಕರ: ||೧೧||

ಘ್ರಾಣೇಂದ್ರಿಯಂ ಚ ವ್ಯಾಘ್ರಾಜಿನೋತ್ತರೀಯಕವೇಷಧೃತ್ |

ಮುಖಂ ಪಾತು ಮಹಾದೇವೋ ಜಿಹ್ವಾಂ ತು ವೇದಪೂರುಷ: ||೧೨||

ಕಂಠಂ ರಕ್ಷತು ಶ್ರೀಕಂಠ: ಸ್ಕಂಧೌ ಚ ಸ್ಕಂದಜನ್ಮಕೃತ್ |

ಬಾಹೂ ಪಾತು ಮಹಾಬಾಹು: ಕರೌ ತ್ರಿಶೂಲಹಸ್ತಕ: ||೧೩||

ಹೃದಯಂ ರುದ್ರರೂಪಶ್ಚ ಮಧ್ಯಂ ತು ಶೇಷಭೂಷಣ: |

ನಾಭಿಂ ರಕ್ಷತು ಖಟ್ವಾಂಗ: ಕಟೀ ಕಪರ್ದಶೀರ್ಷಕ: ||೧೪||

ಸಕ್ಥಿನೀ ಭವನಾಥಶ್ಚ ಚಂದ್ರಮೌಳೀಶ್ವರ: ಪ್ರಭು: |

ಊರೂ ಗಂಗಾಧರ: ಪಾತು ಜಾನುನೀ ಚ ಪಿನಾಕಧೃತ್ ||೧೫||

ಜಂಘೇ ನಾರಾಯಣಾಪ್ತಶ್ಚ ಗುಲ್ಫೌ ಗುರುಸ್ವರೂಪವಾನ್ |

ಚರಣೌ ಚಾರುರೂಪಶ್ಚ ಪಾತು ದೇಹಂ ಸಮಂತತ: ||೧೬||

ಮನೋ ಮನಸಿಜಾರಿಶ್ಚ ಹೃಷೀಕಾಣಿ ಮಹಾಬಲ: |

ಚಿತ್ತಂ ತು ಚಿನ್ಮಯ: ಪಾತು ಧಿಯೋ ಮಾರ್ಗೇ ಪ್ರಚೋದಯಾತ್ ||೧೭||

ಅಹಂಭಾವಮಪಾಕುರ್ಯಾದಾತ್ಮರೂಪೇ ಸ್ಥಿರಂ ಕುರು |

ದಕ್ಷಿಣಾಮೂರ್ತಿರೂಪಸ್ತು ದೀಯಾತ್ಸುಜ್ಞಾನಸಂಪದಮ್ ||೧೮||

ದಶೈಕರುದ್ರನಾಮಾನಿ ಬಹುಪುಣ್ಯತಮಾನಿ ವೈ |

ಯಾನ್ಜಪೇದಭಿಷೇಕಂ ವಾ ಕುರ್ಯಾದ್ರುದ್ರಸುಮಂತ್ರಕೈ: ||೧೯||

ಸರ್ವಾನವಾಪ್ನುಯಾತ್ ಸೋ ವೈ ವಾಂಛಿತಾನ್ ಶ್ರೇಯದಾಂಶ್ಚ ಯ: |

ಐಹಿಕಾಮುಷ್ಮಿಕಾನ್ಸರ್ವಾನ್ ಮಹೈಶ್ವರ್ಯಾನ್ ಸುಖಂ ತತ: ||೨೦||

ಗಗನವರ್ಣರೂಪಂ ಚ ಪಲ್ಲವಾಜಿನಧರಂ ಹರಮ್ |

ನೀಲಕಂಠಪಿಂಛಧರಂ ಮೃಗವ್ಯಾಧಂ ನಮಾಮ್ಯಹಮ್ ||೨೧||

ಮಂದಾರಗೌರವರ್ಣಂ ತು ವ್ಯಾಘ್ರಚರ್ಮಾಂಬರಂ ವಿಭುಮ್ |

ವಿಲಸಜ್ಜಟಾಜೂಟಂ ತಂ ಶರ್ವರೂಪಂ ನಮಾಮ್ಯಹಮ್ ||೨೨||

ಗೋಕ್ಷೀರವರ್ಣಯುಕ್ತಂ ಚ ಭೂರುಹಚೀರಧಾರಿಣಂ |

ಘಂಟಾಮಂಡಿತರೂಪಂ ತು ನಿರ್ಋತಿಂ ತಂ ನಮಾಮ್ಯಹಮ್ ||೨೩||

ಮುಕ್ತಾಭವರ್ಣಯುಕ್ತಂ ತು ಗಜಾಜಿನಧರಂ ಶಿವಮ್ |

ಪದ್ಮಕಂಕಾಲಾಂಕಮಜೈ|ಕಪಾದ್ರೂಪಂ ನಮಾಮ್ಯಹಮ್ ||೨೪||

ನಾಗಾಧಿಪವರ್ಣಯುಕ್ತಂ ಕೃತ್ತಿವಾಸಸ್ವರೂಪಿಣಮ್ |

ನಾಗಭೂಷಣಾಂಕಮಹಿ|ರ್ಬುಧ್ನ್ಯರೂಪಂ ನಮಾಮ್ಯಹಮ್ ||೨೫||

ಅಂಜನವರ್ಣಯುಕ್ತಂ ತಂ ಕೃಷ್ಣಾಜಿನಸುವಾಸಸಮ್ |

ಸುವರ್ಣಮೇಷಸಂಯುಕ್ತಂ ಪಿನಾಕಿನಂ ನಮಾಮ್ಯಹಮ್ ||೨೬||

ಪಂಚವರ್ಣಧರಂ ದೇವಂ ಪಂಚಚಿತ್ರಾಂಬರಧೃತಮ್ |

ಅನೇಕವಿಲಪಂತಂ ತಂ ಭವನಾಥಂ ನಮಾಮ್ಯಹಮ್ ||೨೭||

ಭಸ್ಮವರ್ಣಂ ಕಂಥಾಚ್ಛಾದಿ|ತದರ್ಪಣವಿರಾಜಿತಮ್ |

ಇಂದುಶೇಖರರೂಪಂ ತಂ ಮಹೇಶ್ವರಂ ನಮಾಮ್ಯಹಮ್ ||೨೮||

ಕಲ್ಪವೃಕ್ಷವರ್ಣಯುಕ್ತಂ ಕಲ್ಪಲತಾಧರಂ ಪ್ರಭುಮ್ |

ರತ್ನಾಕಲ್ಪಿತಶತಶೋ|ಭಿತಂ ಸ್ಥಾಣುಂ ನಮಾಮ್ಯಹಮ್ ||೨೯||

ಆದಿತ್ಯವರ್ಣಯುಕ್ತಂ ವೈ ಕೌಶೇಯಭಾಬರ್ಹಧರಮ್ |

ಅರುಣವರ್ಣಪ್ರಸಾಧ|ನಂ ಭವಂ ಪ್ರಣಮಾಮ್ಯಹಮ್ ||೩೦||

ಕುಂದೇಂದುಸ್ವಚ್ಛವರ್ಣಂ ಚಾ|ಸಮಾನಭಾಬರ್ಹಧರಮ್ |

ಧೃತಮುದ್ರಂ ಹಲಾಯುಧ|ಮೀಡೇ ಕಪಾಲಿನಾಮಕಮ್ ||೩೧||

ಇತ್ಥಮುಕ್ತಂ ತು ರುದ್ರಸ್ಯೇ|ಕಾದಶಾನಿ ಶುಭಾಪ್ತಯೇ |

ನಾಮಾನಿ ತಾನಿ ನಿತ್ಯಂ ನಾ ಪಠೇದ್ಭಕ್ತಿಸಮನ್ವಿತ: ||೩೨||

ಅಷ್ಟಮೂರ್ತಿಸ್ವರೂಪಂ ಚ ಕೇಚಿದ್ಧ್ಯಾಯಂತಿ ಶಂಕರಮ್ |

ಸ ವೈ ಭದ್ರಂ ತನೋತ್ಯೇವ ನ ಕಶ್ಚಿದತ್ರ ಸಂಶಯ: ||೩೩||

ಭವ: ಶರ್ವ: ಸ ಈಶಾನ: ಪಶುಪತೀ ರುದ್ರ ಏವ ಚ |

ಉಗ್ರಶ್ಚಾಪಿ ಚ ಭೀಮಶ್ಚ  ಮಹಾನಿತಿ ಸ ಅಷ್ಟಧ: ||೩೪||

ವಾಮಾ ಜ್ಯೇಷ್ಠಾ ಚ ರೌದ್ರೀ ಚ| ಕಾಲೀ ಕಲವಿಕಲಿನೀ |

ಬಲವಿಕಲಿನೀ ಚೈವ| ಬಲಪ್ರಮಥಿನೀ ತಥಾ ||೩೫||

ಸರ್ವಭೂತದಮನೀ ಮ|ನೋನ್ಮನೀ ನವಶಕ್ತಯ: |

ಉಮಾಮಹೇಶ್ವರಸ್ಯೇತಾ: ಸಿದ್ಧಿದಾ: ಸರ್ವಸಾಧಕಾ: ||೩೬||

(ಗಾಯತ್ರೀಚ್ಛಂದ:)

ಓಂ ಸರ್ವೇಶ್ವರಾಯ ವಿದ್ಮಹೇ ಸದಾಶಿವಾಯ ಧೀಮಹಿ |

ತನ್ನೋ ರುದ್ರ: ಪ್ರಚೋದಯಾತ್ ||೩೭||

ಓಂ ಗಂಗಾಧರಾಯ ವಿದ್ಮಹೇ ದುರ್ಗಾರಮಣಾಯ ಧೀಮಹಿ |

ತನ್ನ: ಶಂಭು: ಪ್ರಚೋದಯಾತ್ ||೩೮||

ಓಂ ನಾಗಭೂಷಣಾಯ ವಿದ್ಮಹೇ ಪರಮೇಶ್ವರಾಯ ಧೀಮಹಿ |

ತನ್ನೋ ಹರ: ಪ್ರಚೋದಯಾತ್ ||೩೯||

ಓಂ ಉಮಾಮಹೇಶ್ವರಾಯ ವಿದ್ಮಹೇ ವಿರೂಪಾಕ್ಷಾಯ ಧೀಮಹಿ |

ತನ್ನೋ ಬ್ರಹ್ಮ ಪ್ರಚೋದಯಾತ್ ||೪೦||

ಇತಿ ಶ್ರೀ ಉಮಾಮಹೇಶ್ವರಪ್ರೇರಣಯಾ ಸದ್ಗುರುಕೃಪಯಾ ಚ ದಂಬೆಕೃಷ್ಣಮೂರ್ತಿವಿರಚಿತಮಿದಂ ಶ್ರೀ ಉಮಾಮಹೇಶ್ವರಕವಚಂ ಸದ್ಗುರುಚರಣಸರಸೀರುಹಯೋ: ಸಮರ್ಪಿತಮಸ್ತು ||

||ಹರೇ ರಾಮ||