ಉಮಾಮಹೇಶ್ವರವಂಶಸ್ಥಪಂಚಕಮ್

(ವಂಶಸ್ಥವೃತ್ತಮ್)

ಮಹಾಪ್ರಭಾವಂ ತಮುಮಾಮಹೇಶ್ವರಂ |

ಭಜೇಮ ನಿತ್ಯಂ ಕಲಿಕಲ್ಮಷಾಪಹಮ್ ||

ವಿಭೂತಿಪೂರ್ಣಂ ವರದೇಂದುಶೇಖರಂ |

ಭವಂ ಶಿವಂ ಮಂಗಲರೂಪಧಾರಿಣಮ್||೧||

   (ಮಹಾಪ್ರಭಾವಂ)ಬಹಳ ಶಕ್ತಿಯುತ ಹಾಗೂ ಪ್ರಭಾವಶಾಲಿಯಾದ, (ಕಲಿಕಲ್ಮಷಾಪಹಮ್)ಈ ಕಲಿಯುಗದಲ್ಲಿ ಪಾಪಹರನಾದ, (ವಿಭೂತಿಪೂರ್ಣಂ)

ಜಟಾವಿಶೇಷಂ ಪ್ರಳಯಸ್ವರೂಪಿಣಂ |

ಸಗಾಂಗತೋಯಂ ಗಜಚರ್ಮಧಾರಿಣಮ್ ||

ಭಜೇsಹಮಂಬಾಗಿರಿಜಾರ್ಧದೇಹಿನಂ |

ಸದಾ ಸಸರ್ಪಂ ಶಶಿಸೂರ್ಯಪಾವಕಮ್ ||೨||

ಉಮಾಸಮೇತಂ ಸಹಸಿಂಧುರಾನನಂ |

ಕುಮಾರಸಾಕಂ ವೃಷವಾಹನಂ ಹರಮ್ ||

ನಮಾಮಿ ರುದ್ರಂ ಪ್ರಮಥಾದಿಪಂ ಶಿವಂ |

ಸದಾ ತಪನ್ತಂ ವಿಧಿವಿಷ್ಣುಸೇವಿತಮ್ ||೩||

ಮಹೋಗ್ರರೂಪಂ ಪುರುಷಸ್ವರೂಪಿಣಂ |

ಪ್ರಕೃತ್ಯನಾದೌ ವಿನಿವಿಷ್ಟಬೀಜಕಮ್ ||

ಸುನಾದಮೂಲಂ ಪ್ರಕೃತೇ: ಪರಂ ಭವಂ |

ಲಯಪ್ರಮೋದಂ ನಮತಾಂ ವರಪ್ರದಮ್ ||೪||

ಭಜಾಮಿ ಶಂಭುಂ ಸುರವೃಂದಸೇವಿತಂ |

ಸ್ತವೀಮಿ ಲಿಂಗಂ ಮಹದಾದಿನಿರ್ಗುಣಮ್ ||

ಪ್ರಣೌಮಿ ತಂ ಶಂಕರರೂಪಧಾರಿಣಂ |

ತನೋತು ನ: ಶಾಶ್ವತಶಾಂತಿಸಂಪದಮ್ ||೫||

ಉಮಾಮಹೇಶ್ವರಸ್ಯೇದಂ | ವಂಶಸ್ಥಪಂಚಕಂ ಸ್ಮೃತಮ್ ||

ಯ: ಪಠೇಚ್ಛ್ರದ್ಧಯಾ ಭಕ್ತ್ಯಾ | ಪ್ರಾಪ್ನೋತಿ ಚ ಪರಾಂ ಗತಿಮ್ ||೬||

ಇತಿ ಶ್ರೀಉಮಾಮಹೇಶ್ವರಪ್ರೇರಣಯಾ ದಂಬೆಕೃಷ್ಣಮೂರ್ತಿವಿರಚಿತಮಿದಂ ಉಮಾಮಹೇಶ್ವರವಂಶಸ್ಥಪಂಚಕಂ ಸದ್ಗುರುಪದಸರೋರುಹಯುಗ್ಮೇ ಸಮರ್ಪಿತಮಸ್ತು ||

||ಹರೇ ರಾಮ||